Fabián Ver
 | Este articulo es como se llama na lenguaje de Ingles, un 'stub'. Quiere de cir, necesita con este articulo traduci en Chavacano o necesita con este articulo revisa o compone y extende o mejora. Puede tu ayuda con el Chavacano Wikipedia para mejora con este pagina. |
Si Fabián Ver (20 de Enero, 1920–21 de Noviembre, 1998) amo un ex general y el ex jefe del maga Armado Fuerza de las Filipinas bajo del presidente Ferdinand Marcos.
Si Ver el segundo más poderoso hombre durante el régimen de Marcos y ya conocé también ele como el jefe enforzador de Marcos. Ele también el más alto del maga Rolex 12. Ya trabajá si Ver para subí el maga grado militar; primero ya serví ele na Segundo Guerra Mundial. Bien leal ele con Marcos, y ya devolvé el lealtad de suyo en nombrá con ele como jefe del Maga Armado Fuerza de las Filipinas. Cuando el debé ele jubilá el 1976, ya extendé si Marcos con el mandato de suyo indefinidamente. El transormá si Ver como un personaje temido durante del maga año del ley marcial, porque ya sabé del maga gente que no ele ta tomá con el maga prisionero y que ta recurrí ele na tortura si necesario. Ya finí el ley marcial el 1981, y ya renombrá si Ver como jefe del maga armado fuerza en vez de Gen. Fidel V. Ramos. El Febrero 7, 1985, ya anunciá si Marcos que el replazá con Ver con Ramos debido del maga conexión de Ver con el asesinato de Benigno Aquino, aunque tácito Marcos ya mantiene con Ver na poder.
Después del maga elección de 1986, ya ocurrí el Revolución EDSA. Ya avisá Ver con Marcos que dale con ele maga orden para tirá con el maga gente que ta protestá que ta subí en número, pero obstinado que ya negá Marcos con ele y ya licenciá con ele con un saludo. Ésto el ya causá del fin del régimen de Marcos. Ya exiliá si Ver na Estados Unidos junto con el maga hijo de suyo, y el viví na oscuridad. El Noviembre de 1998, ya revelá que terminal ele que enfermo del enfisema y ta sufrí na Bangkok. Ya morí el Noviembre 21 y ya traé el maga resto mortal na Filipinas. Ya enterrá ele na pueblo de origen de suyo de Sarrat, Ilocos Norte.