Historia del Ciudad de Zamboanga
 | Este articulo es como se llama na lenguaje de Ingles, un 'stub'. Quiere de cir, necesita con este articulo traduci en Chavacano o necesita con este articulo revisa o compone y extende o mejora. Puede tu ayuda con el Chavacano Wikipedia para mejora con este pagina. |
Principio[revisa | revisa codigo]
El maga principal gente de las islas Filipinas amo el maga negrito, maga anciano-malayo y maga malayo. Creando que el maga negrito ya man viaje caminando para Filipinas estaba Asia. Creando tambien que el Filipinas aquel maga tiempo conectado na Asia por medio de maga puente de tierra del tiempo glacial 30,000 maga año que ya pasa. Maga otro siguiente viaje ya sucede por medio de viaje na mar y ya sucede entre maga miles de maga año na maga repetido movimiento antes y despues del principio del tiempo cristiano.
No hay tanto informacion que puede obtene acerca con este maga primero habitantes del isla de Mindanao. El linea de tiempo que el oeste ta pone con el historia del Filipinas es asegun na descubrimiento del maga isla y este clase punto de vista no puede bora con el historia factual del maga primero gente quien ya discubri con este maga isla antes el mundo oeste ya llega. El barangay, que un manera de gobierno de este maga primero gente, usando siempre hasta este maga tiempo y por mas de un mil de maga años. Este el evidencia de todo grande division del linea de tiempo entre maga nacion oeste y el presentamente pais que como se llama Las Filipinas.
Fortaleza[revisa | revisa codigo]
En la historia de la conquista española, no hay otro lugar que simboliza su logro más grande pa como el éxito de la campaña de Zamboanga y la fortaleza formidable de San José que salva ellos. Es aún notable mas qué pa el chavacanos que ay mucho menos na numero y agarra ya el aislamiento de Zamboanga en el medio de Moroland predominante. La erección de esta fortaleza ay ya acompañada por interrupciones serias de ataques del pirata de Moro. Con solamente una porción de las paredes masivas en el lugar, los españoles desperta ya una mañana para confronta el ataque de unos piratas de 5.000 Moro, que entra ya na Río Hondo y ataca el fortalecimiento no acaba pa.
Republica[revisa | revisa codigo]
Acabo del imperialismo estado unidense de agarra las maga Indias orientales españolas como parte de su territorio na 1898, Zamboanga se ya ay independiente por corto tiempo como República de Zamboanga. Se cambia en una parte de la Provincia del Moro, que consiste na la union de Mindanao y el Archipiélago de Sulu. El nombre y estatus de la Provincia del Moro pronto cambia ya a Departamento de Mindanao y Sulu el 16 de agosto de 1916, este hecho cambia a Zamboanga en una provincia.
En 1942, las fuerzas imperiales japonesas invade ya la Peninsula de Zamboanga.
En 1945, la liberacion na la península de Zamboanga por el pueblo filipino y los maga Estados Unidos contra las maga fuerzas imperiales japonesas durante la Segunda Guerra Mundial.
El 6 de junio de 1952, la provincia ay dividida na dos provincias, Zamboanga del Norte y Zamboanga del Sur, ansina la ciudad de Zamboanga se cambia en ciudad independiente.