Ciudad del Vaticano

Desde Chavacano de Zamboanga Wikipedia - El Libre Enciclopedia
Saltar a: navigacion, buscar


El Estado del Ciudad del Vaticano ta tiene un extensión del 0.439 km² de superficie y un populacion de menos de 1000 maga habitante; por éste ta resultá el menos extenso y poblado soberano estado na mundo. Éste amo tan pequeño que el Basílica de San Pedro sólo amo 7% del superficie de suyo; ta ocupá el Basílica y el Plaza de San Pedro del 20% del territorio.

El oficial completo denominación na latín de este independiente estado amo el Status Civitatis Vaticanae (aproximado pronunciación: [sta·tus ki·wi·ta·tis wa·ti·ka·nay]).

Na italiano el completo denominación amo Stato della Città del Vaticano.

Ta alberga el Vaticano con el Santa Sede, el máximo institución de gobierno del Iglesia Catolico. Aunque a menudo ta utilizá el dos nombre «Ciudad del Vaticano» y «Santa Sede» as if maga equivalente ellos, ta referí el primero na independiente estado y na territorio del suyo, mientras ta referí el segundo na institución que ta dirigí con el Iglesia, y ta tiene propria personalidad jurídica éste. En rigor, el Santa Sede, y no el Estado vaticano, el ta mantiene con el maga diplomático relación justo con el maga demás país na mundo.