El Camara de Comercio del maga Isla na Filipinas

Chamber of Commerce of the Philippine Islands

Chavacano: El Camara de Comercio del maga Isla na Filipinas
Edificio del Camara
Abreviacion	CCPI
Palayaw	The Chamber (El Camara)
Fecha de fundacion	Aca-9 de Abril de 1886 (1886-04-09)
Maga fundador	D. Juan Rodríguez D. Miguel Velasco Sr. Rogaciano Rodríguez Sr. Francisco Reyes D. Ricardo Aguado Sr. Teodoro Yang-co Sr. Luis Hidalgo D. Pedro Roxas y Arroyo Sr. Rafael Reyes Sr. Tomás Sunico Sr. Vicente Somoza Cua-Peco Dr. Ariston Baustista Sr. Vicente D. Fernández Sr. Telésforo Chuy-dian Sr. Bernandino Hernández Sr. Faustino Lichauco Don Ramón Soriano Sr. Tomas Argüellles Sr. Ignacio Sy-yap Don Rafael del Pan
Ya funda na	Manila
Clase	Non-profit
Profesional titulo	The Chamber of Commerce of the Philippine Islands
Sede central	Edificio del Camara, Paseo de Magallanes 3, Intramuros, 1000 Manila, PH
Locacion	Manila, Filipinas
Coordinadas	14°35′41″N 120°58′34″E
Servido region	Nacional
Lenguaje oficial	Ingles (presente) Español (antes)
Dueño	Chamber of Commerce of the Philippines Foundation, Inc.
Main organ	COMMERCE Magazine
Sitio web	CCPI
Antes ta llama	La Cámara de Comercio de las Islas Filipinas

Sede central del Camara de Comercio del maga Isla na Filipinas
The Chamber Bldg., el façade
Informacion general
Locacion	14.5944887°N 120.9761999°E / 14.5944887; 120.9761999
Address	No. 3 Magallanes Drive, Intramuros, Brgy U 56 Zone 49
Pueblo o ciudad	Manila
Pais	Filipinas
Ya inaugura	1937
Diseño y construccion
(Maga) arquitecto	Juan Arellano

Magallanes Drive

Antes (maga) nombre	Paseo de Magallanes
Donde estaba el nombre	Fernando Magallanes
Ta mantene el	Administracion del Intramuros
Largor	0.632 km (0.393 mi)
Locacion	Intramuros, Manila
Puntay Este	N150 (Liwasang Bonifacio)
Puntay Oeste	N1 (Plaza Mexico (Manila) para na Bonifacio Drive)

La Cámara de Comercio de las Islas Filipinas (Chavacano: El Camara de Comercio del maga Isla na Filipinas), conocido ya ahora como el The Chamber of Commerce of the Philippine Islands, amo el de con todo daan institucion de negocio na Filipinas que fundao del 1886. Ta puede explora con el historia del Camara del tiempoy Español cuando el Rey del España, si Alfonso XII por medio con Reina Regente amo si Maria Cristina, el ya hace sale un Decreto Real del aca-9 de Abril, 1886, y ta crea este semejante maga institucion para na todo’l colonia del España.

El Camara de Comercio de Manila ya queda formalmente organizao y presentao na de este Asamblea General del aca-24 de Mayo, 1887. Y del aca-17 de Junio, 1887, aquel tiempo, ya hace aproba inicialmente el Gobierno Superior del Filipinas con el maga estatuto de este; y despues finalmente ya hace finaliza el aprobada el Su Majestad, el Reina Regente del España, si Maria Cristina, del aca-9 de Febrero, 1888.

Si Sr. Don Joaquin María Elizalde amo el primer presidente de este Camara, despues del 1890 el turno de Sr. Don Francisco Godínez, y na ultimo del 1895 si Sr. Don José de Echeita.

Despues del guierra Hispanoamericano del 1898 del tiempo ya para ya este, del aca-19 de Julio, 1903, el Camara de Comercio de Manila ya conduci el primer sesion formal de este, junto el Gobernador General de Filipinas si William Howard Taft como el Presidente Honorario, y si Don Francisco Reyes como el primer Presidente del Camara.

Maga presidente del Camara

Un lista cronological del maga presidente del Camara y el termino de ila:

MAGA PRESIDENTE DEL CAMARA

Term.	1886	1890	1896	1903–1904	1904	1905
Pres.	Joaquin Marcelino de Elizalde	Francisco Godínez	José María de Echeita	Francisco Reyes	Teodoro Yangco	Rafael del Pan
Term.	1906–1912	1912–1915	1915–1916	1916–1917	1917–1918	1918–1919
Pres.	Vicente D. Fernandez	Rafael Reyes	Teodoro Yangco	Mauro Prieto	Jose F. Fernandez	Ramon J. Fernandez
Term.	1919–1920	1920–1921	1921–1922	1922–1923	1923–1924	1924–1925
Pres.	Vicente Madrigal	Juan B. Alegre	Jose V. Ramirez	Alfonso M. Tiaoqui	Teodoro Yangco	Leon Miguel Heras
Term.	1925–1926	1926–1927	1927–1928	1928–1929	1930–1931	1931–1932
Pres.	Vicente G. Genato	Manuel E. Cuyugan	Vicente T. Fernandez	Pio V. Corpus	Leopoldo R. Aguinaldo	Isaac Barza
Term.	1932–1933	1933–1934	1934–1935	1935–1936	1936–1941	1941
Pres.	Gonzalo Puyat	Arsenio N. Luz	Eulogio Rodriguez	Leopoldo R. Aguinaldo	Vicente Madrigal	Aurelio Pedro Periquet y Ziálcita
Term.	1941–1945	1945–1949	1951	1951–1954	1954–1955	1955–1957
Pres.	Vicente Madrigal	Gil J. Puyat	Aurelio Pedro Periquet y Ziálcita / Daniel R. Aguinaldo	Antonio de las Alas	Teofilo D. Reyes Sr.	Cesar M. Lorenzo
Term.	1957	1957–1958	1958–1960	1960–1961	1961–1962	1962–1963
Pres.	Bienvenido R. Medrano	Primitivo Lovina	Marcelo S. Balatbat	Gaudencio E. Antonino	Alfonso Calalang	Hermenegildo R. Reyes
Term.	1963–1964	1964–1965	1965–1966	1966–1967	1967–1968	1968–1969
Pres.	Domingo Arcega	Demetrio Muñoz	Aurelio Periquet Jr.	Pio Pedrosa	Teofilo Reyes Jr.	Teofisto Guingona Jr.
Term.	1969–1970	1970–1971	1971–1972	1972–1973	1973–1974	1975–1978
Pres.	Rogelio W. Manalo	Simeon C. Medalla	Miguel S. Arámbulo Jr.	Wigberto P. Clavesilla	Dominador Lim	Fred J. Elizalde
Term.	1983	1984	1985–1992	1992–1993	1993–1996	1996–2000
Pres.	Perfecto Mañalac	Paulino S. Dionisio Jr.	Vicente Angliongto	José Barredo	Lourdes L. Sanvictores	Exequiel B. Garcia
Term.	2000–2003	2003–2006	2006–2009	2009–2010	2010–2025
Pres.	Rose D. Teodoro	Francis C. Chua	Melito S. Salazar Jr.	Benigno N. Ricafort	Jose Luis U. Yulo Jr.

El maga fundador

El maga fundador del Camara ya hace inclui maga representante estaba na maga otro-otro sector del economia. Amo si canda Don Juan Rodriguez, creador y diseñador de barco; Don Miguel Velasco, dueño de estado real; Sr. Rogaciano Rodriguez, negociante; Sr. Francisco Reyes, banquero, tambien el primer presidente del 1903-1904; Don Ricardo Aguado, negociante; Sr. Teodoro Yang-co, dueño de estado real; Sr. Luis Hidalgo, negociante; Don Pedro A. Roxas, dueño de estado real y negociante; Sr. Rafael Reyes, dueño de estado real y industrialista; Sr. Tomás Sunico, industrialista; Sr. Vicente Somoza Cua-Peco, dueño de estado real y negociante; Dr. Aristón Bautista, industrialista; Don Vicente D. Fernandez, attorney-in-fact de Don Pedro P. Roxas; Sr. Telésforo Chuy-dian, dueño de estado real y negociante; Don Bernandino Hernandez, negociante, Sr. Faustino Lichauco, dueño de estado real y importador; Don Ramón Soriano, dueño de estado real y importador; Sr. Tomás Argüelles, arquitector; Sr. Ignacio Sy-yap, negociante; y si Don Rafael del Pan, abogao.

Primer miting

El primer miting organizacional del maga fundador ya hace conduci na residencia de Don Juan Rodiguez na Calle Vives na Distrito de San Nicolas, ya hace adopta el grupo el "Cámara de Comercio de Manila" como el nombre del organizacion. Despues ya cambia del año 1919 na "Chamber of Commerce of the Philippine Islands / Cámara de Comercio de las Islas Filipinas".

Tiempoy Americano (1903-1946)

Cuando ya cambia el soverania del Filipinas na Español para Americano, ya hace tambien cambia con el movida del negocio na maga isla. Si canda Vicente Madrigal, Juan B. Alegre, Jose V. Ramirez, Alfonso M. Tiaoqui, Vicente P. Genato. Manuel E. Cayugan, Vicente P. Genato, Manuel E. Cuyugan, Vicente T. Fernandez, y otro pa maga prominente miembro del Camara el ya dale prueba que sila mismo como maga lider el puede hace mantene con el porseguida del maga mejorao relacion de negocio na Filipinas.

Del aca-3 de Mayo, 1915, el maga miembro del Camara de Comercio Filipinas ya enmenda con el maga estatuto de este. Y del aca-19 de Junio, 1915, el 'Escritura Social' de este el ya hace fuerte.

Del año 1919, ya principia ya sila usa Ingles para conversa, y con ese, el Camara oficialmente tambien ya queda conocido na maga documento como el Chamber of Comerce of the Philippine Islands. Del aca-17 de Julio, 1933, durante el tercero sesion del aca-19 Legislatura del Filipinas, el Secretaria de Agricultura y Comercio ya queda autorizao para vende na Camara un tierra para na de este edificio, y ya hace con este aproba del aca-6 de Diciembre, 1933. Del aca-15 de Septiembre, 1934, el Camara ya hace sale un titulo mismo del tierra de este, y por medio del maga contribucion y negocio privado, el tres piso edificio del Camara, que ya hace diseña el arquitector Juan Arellano, el ya hace construi y del año 1937 ya hace inaugura el Presidente de Filipinas Manuel Quezon ya hace declara junto el entonces presidente Aurelio P. Periquet y Ziálcita.

Despues del acabada del Guierra de Mundo II, na alcanzada del Independencia del Filipinas, del aca-6 de Abril, 1949, el Securities and Exchange Commission de Departamento de Comercio y Industria ya hace sale un Reconstruccion del maga Registro del Camara del maga perdido documento cuando Camara de Comercio de las Islas Filipinas pa siempre el nombre del Camara (y principia ahora, Chamber of Commerce of the Philippine Islands).

Publicacion oficial

El maga temprano años del COMMERCE

Antes del fundada del Camara, un concepto dismisivo el necesidad para unilateralmente expresa con el maga interes del comunidad de negocio na Flipinas. Pero, por causa na maga otro-otro problema ta enfrenta el conducida del maga negocio, mas ya queda lang determinao el Camara que enfrenta con el maga importante problema para na elevada del economia del pais.

El publicacion oficial del Camara, nombrao “Revista de la Càmara de Comercio de las Islas Filipinas” el ya hace sale el maiden issue del año 1927, ya hace subvenciona si Leopoldo R. Aguinaldo (quien ya queda un presidente del Camara) y despues ya hace cambia el nombre del magazine titulao como “COMMERCE”. El razon del cambiada del nombre, para puede indentifica con este como el organo del Camara.

El COMMERCE Magazine ya tiene dos maga seccion para na maga lenguage Ingles y Español, pero cuando ya tarda, ya hace totalmente reformat para na publicacion na Ingles. Ya hace con este publica na deluxe format, na papel pesao, y aquel el razon por que de con todo caro, autoritativo y exclusivo el publicacion comercial na Filipinas. Del Enero 1952, ya escoge con Dr. Jose R. Katigbak para administra con el maga magazine, que ta asisti si M.M. de los Reyes. El Board of Editors ta encabeza si Dr. Katigbak incluido si canda Domingo Abadilla y Hilarion Vibal como staff, siguiendo el maga otro miembro prominente del Camara quien ta'n prestahan turno na mantenida del publicacion, como si canda Teofilo Reyes, Hilarion Vibal, Benito Medina, Carlos de Lara y George Yulo.

El mas atrasao años del COMMERCE

Ya hace para con el publicacion del COMMERCE durante el regimen del Ley Marcial Filipina. Del año 2015, si canda Jose Luis U. Yulo Jr. (aca-56 Presidente del Camara) y si Denissa G. Venturanza (Director Ejecutivo) el ya decidi hace revivi con el publicacion. Na presente tiempo, ta continua lang siempre el COMMERCE Magazine (Filipinas) hace sale maga asunto regularmente cada quarter.

Coleccion de retrato

• 
  Marcador historical del Camara de Comercio del maga Isla na Filipinas (Ingles)
• 
  Chamber of Commerce of the Philippine Islands, Intramuros
• 
  Interior del edificio del Camara
• 
  Marcador historical del Ang Chamber of Commerce of the Philippines Foundation, Inc.