Nueva Zelanda

Desde Chavacano de Zamboanga Wikipedia - El Libre Enciclopedia


El bandera de Nueva Zelanda.

Nueva Zelanda (English: New Zealand, Plantilla:Lang-mi) es un insular pais na el suroeste del Pacifico Oceano. Ta consta ele de dos maga principal continental masa: el Isla Norte (English: North Island, Plantilla:Lang-mi) y el Isla Sur (English: South Island, Plantilla:Llang-mi), y mas de 700 maga mas chico isla. Ele el sexto mas grande insular pais por superficie y ta yace al este de Australia a traves del mar de Tasmania y al sur del maga isla de Nueva Caledonia, Fiji y Tonga. Al levantamiento y maga volcanico erupcion debio el variao topografia del pais y maga afilao montañoso pico, incluio el maga Alpe del Sur. Wellington el capital de Nueva Zelanda, y Auckland el mas poblao ciudad del pais.

El maga isla de Nueva Zelanda fueron el ultima gran habitable tierra na queda colonizao por el maga humano. Entre Plantilla:Circa 1280 y 1350, ya empeza el maga polinesio pueblo a coloniza con el maga isla y subsiguientemente ya desarrolla con un distintivo maori cultura. Na 1642, el holandes explorador si Abel Tasman el primer europeo na avista y alista con Nueva Zelanda. Na 1840, ya afirma maga representante del Reino Unido y maga maori jefe con el Tratao de Waitangi que, na el de suyo ingles version, ya declara con el britanico soberania sobre el maga isla. Na 1841, establecio el Colonia de Nueva Zelanda dentro del britanico Imperio. Subsiguientemente, debio a un serie de maga conflicto entre el colonial gobierno y el maga maori tribu, ta ocurri el alienacion y confiscacion de maga gran tracto de maori tierra. Establecio el Dominio de Nueva Zelanda na 1907, que ya gana con el lleno estatutario independencia na 1947, reteniendo con el monarca como jefe de Estado. Hoy, el mayoria del maga neocelandes (5.25 maga millon) es de europeo ascendencia; el maga maori el mas grande minoridad, seguio por el maga asiatico neocelandes y el maga isleño del Pacifico. Consistente con esto, ta procede el cultura de Nueva Zelanda mayoritariamente del maga maori y el maga temprano britanico colono, con un reciente ampliacion del cultura gracias a un aumento del inmigracion. El maga oficial idioma de Nueva Zelanda son el ingles, el maori idioma y el lengua de maga seña de Nueva Zelanda, masquen dominante el local dialecto del ingles.

Un desarrollao pais, ele el primero na introduci con un minimo salario, y el primero na concede con el femenino sufragio. Muy alto el de suyo maga ranking na maga internacional medida de calidad de vida y maga humano derecho, y bajo el de suyo nivel de percibio corrupcion. Sin embargo, ta retene con economico desigualdad na Nueva Zelanda, debio a maga estructural discriminacion entre el de suyo maga maori y europeo poblacion. Ya sufri Nueva Zelanda con maga grande economico cambio durante el decada 1980, que ya transforma conele de un proteccionista a un liberalizao economia de libre comercio. Ta domina el sector de servicio con el economia de Nueva Zelanda, seguio por el industrial sector y el agricultura. Tambien el internacional turismo un importante fuente de maga ingreso.

Nacionalmente, concedio el legislativo autoridad na un electo, unicameral Parlamento, mientras que ejercio el ejecutivo politico poder por el Gobierno, liderao por el primer ministro, actualmente si Christopher Luxon. Si Carlos III del Reino Unido el rey del pais y representao por el gobernador general, si Cindy Kiro. Ademas, organizao Nueva Zelanda na 11 maga regional consejo y 67 maga territorial autoridad para maga fin de local gobierno. Tambien ta inclui el Reino de Nueva Zelanda con Tokelau (un dependiente territorio); el maga isla Cook y Niue (maga autonomo estado na libre asociacion con Nueva Zelandia); y el Dependencia Ross, el territorial reclamacion de Nueva Zelanda na el Antartida.

Nueva Zelanda es miembro del maga Unio Nacion, el Mancomunidad de maga Nacion, ANZUS, UKUSA, OCDE, ASEAN Plus Six, el Foro de Economico Cooperacion Asia-Pacífico (APEC), el Comunidad del Pacifico y el Foro del maga Isla del Pacifico. Ta disfruta ele de maga particularmente amistoso relacion con el Estados Unidos y es uno del maga importante aliado extra-OTAN; con el Reino Unido; y con Australia, con un compartio "Trans-Tasman" identidad entre el dos maga pais.

Etimologia[revisa | revisa codigo]

Cuadrao marron papel con holandes escritura y un curvao grueso linea de color rojo.
Detalle de un mapa de 1657 mostrando con el occidental costa de Plantilla:Lang. (Na este carta, ta queda el norte na el parte inferior.)

Ya nombra el primer europeo visitante na Nueva Zelanda, el holandes explorador si Abel Tasman, con el maga isla Staten Land, considerando con ellos como parte del Staten Landt avistao por si Jacob Le Maire cerca del extremo sur de America del Sur. Na 1643 ya demostra si Hendrik Brouwer que el sudamericano tierra de hecho un chico isla, y subsiguientemente ya renombra el maga holandes cartografo con el descubrimiento de si Tasman como Nova Zeelandia del lengua Latin, tras el holandes provincia de Zelanda. Mas tarde anglicizao este nombre a New Zealand.

Escrio esto como Nu Tireni na el maori idioma (deletreao como Nu Tirani na Te Tiriti o Waitangi). Na 1834 traducio al ingles un documento escrio na maori y titulao He Wakaputanga o te Rangatiratanga o Nu Tireni, y ya queda este documento el Declaracion de independencia de Nueva Zelanda. Preparao ele por Te W(h)akaminenga o Nga Rangatiratanga o Nga Hapu o Nu Tireni, el maga Unio Tribu de Nueva Zelanda. Enviao un copia al Rey si Guillermo IV del Reino Unido que ya reconoce ya con el bandera del maga Unio Tribu de Nueva Zelanda, y que ya reconoce ya declaracion na un carta de si Charles Grant, 1st Baron Glenelg.

Aotearoa (pronunciao Plantilla:IPA-mi na maori y Plantilla:IPAc-en na ingles; tipicamente traducio como 'el tierra del largo blanco nube')Plantilla:Sfn es el actual nombre na maori para Nueva Zelanda. Desconocio si ya tene el maga maori con un nombre para el entero pais antes del llegada del maga europeo, kay originalmente ya referi Aotearoa al Isla Norte lang.Plantilla:Sfn Ya tene el maga maori con cuanto tradicional nombre para el dos maga isla, incluio Plantilla:Lang ("el maga pescao de Plantilla:Lang") para el Isla Norte y Plantilla:Lang ("el maga agua de pounamu") or Plantilla:Lang ("el canoa de Plantilla:Lang") para el Isla Sur.Plantilla:Sfn Ya etiqueta el maga temprano europeo carta con el maga isla como Norte (Isla Norte), Medio (Isla Sur) y Sur (Isla Stewart o Rakiura). Na 1830, ya empeza el maga cartografo a usa con "Norte" y "Sur" na el de ellos maga carta para distingui con el dos maga mas grande isla, y para 1907, esto el aceptao norma. Ya descubri el New Zealand Geographic Board na 2009 que nunca formalizao el maga nombre del maga Isla Norte y Sur, ansina que formalizao el maga oficial y alternativo nombre na 2013. Ya fija esto con el maga nombre como Isla Norte (North Island o Te Ika-a-Māui) y Isla Sur (South Island o Te Waipounamu) Para cada isla, aceptable el ingles o el maori nombre, o el dos maga junto. Similarmente, tiene vez usao junto el maga maori e ingles nombre (Aotearoa New Zealand), masquen ta carece esto de oficial reconocimiento.

Na el moriori idioma, el indigena idioma del maga isla Chatham, creio que ta referi al continental Nueva Zelanda el maga termino Aote y Aotea.

Historia[revisa | revisa codigo]

Ta descende el maori pueblo del maga polinesio pueblo, ya emigra cuto maga antecedente de Taiwán a Melanesia entre 3000 y 1000 AEC y luego ya viaja hacia el este, llegando al maga Isla del Sociedad Plantilla:Circa. Despues de un pausa de 200 a 300 maga año, ya lleva un nuevo ola de exploracion al descubrimiento y asentamiento de Nueva Zelanda.

Nueva Zelanda el ultimo gran masa de tierra colonizao por maga humano. El historia de si Kupe —como el primer humano na pisa con el archipielago de Nueva Zelanda, acreditao por el mayoria del maga maori iwi— considerao creible por el maga historiador: na otro maga palabra, generalmente aceptao el de suyo historico existencia. Ta afirma el mayoria del maga historia que ya ocurri esto hace aproximadamente 40 maga generacion (entre 900 y 1200 EC). Hinde aceptao, sin embargo, el maga mas especifico razon del semilegendario viaje de si Kupe, y el migracion del maga maori na general. Creio por algun maga historiador que na aquel entonces ya experimenta Hawaiki y otro maga polinesio isla con considerable interno conflicto, y que ya causa esto con un exodo na masa. Ta sostene algun maga historiador que debio esto al maga consecuencia del erupcion del volcan Samalas (1257), que ya causa con el devastacion del maga cultivo na todo el mundo y posiblemente ya ayuda a desencadena con el Chico Edad de Hielo.

Ta sugeri el datacion por radiocarbono, el evidencia de deforestacion y el variabilidad del mitocondrial genoma dentro del maga maori poblacion que ya asenta el maga oriental polinesio por primera vez con el archipielago de Nueva Zelanda entre 1250 y 1300, masquen ya apunta maga mas reciente arqueologico y genetico investigacion a un fecha hinde anterior a Plantilla:Circa 1280, con al menos el principal periodo de asentamiento entre 1320 y 1350, consistente con el evidencia basao na el maga genealogico tradicion. Ya representa esto con el culminacion de un largo serie de maga viaje a traves del maga isla del Pacifico. Es un amplio consenso del maga historiador que el asentamiento de Nueva Zelanda por parte del maga oriental polinesio fue planeao y deliberao. A lo largo de los siglos que ya segui, ya desarrolla el maga polinesio colono con un distinto cultura ahora conocio como maori. Ya forma el poblacion con maga diferente iwi (tribu) y hapū (subtribu o clan) que tiene vez ya coopera, tiene vez ya competi, tieve vez ya combati. Na algun momento, ya emigra un grupo de maoríes a Rēkohu, conocio ya como el maga isla Chatham. donde ya desarrolla ellos con el distintiva moriori cultura. Casi aniquilado el moriori poblacion entre 1835 y 1862 na el genocidio moriori, mayoritariamente debio al invasión y esclavitud por parte del maga maori Taranaki na el decada de 1830, masquen tambien ya contribui el maga europeo enfermedad. Na 1862, ya sobrevivi 101 lang, y na 1933 ya mori el ultimo moriori de puro sangre.

Un grabado de un esbozao costa sobre un blanco fondo.
Mapa del costa de Nueva Zelanda tal y como ya cartografia si Cook conele na el de suyo primer viaje na 1769–70. Mostrao tambien el huella del HMS Endeavour.

Na un hostil encuentro na 1642 entre si Ngāti Tūmatakōkiri y la tripulacion del holandes explorador si Abel Tasman, matao cuatro maga miembro del tripulacion de si Tasman, y golpeao al menos un maori por un bote de metralla. Hinde revisita el maga europea con Nueva Zelanda hasta 1769, cuando ya cartografia el britanico explorador si James Cook con casi todo el costa. Despues de si Cook, ya visita Nueva Zelanda manada europeo y norteamericano nave para el caza de maga ballena y de maga foca, ademas para el comercio. Ya intercambia ellos con maga europeo alimento, maga herramienta de metal, maga arma y otro maga biene por madera, maga maori alimento, maga artefacto y agua. Ya transforma el introduccion del patata y del mosquete con el maori agricultura y guerra. Ya proporciona el maga patata con un excedente alimentario fiable, que ya permiti con maga mas largo y sostenio militar campaña. Ansina, ya abarca el maga Guerra del maga Mosquete, entre el maga maori tribu, con mas de 600 maga batalla entre 1801 y 1840, matando con entre 30.000 y 40.000 maga maori. Desde maga principio del aca-19 siglo, ya comenza el maga cristiano misionero a predica na Nueva Zelanda, convirtiendo finalmente con el mayoria del maori poblacion. Ya disminui el maori poblacion a alrededor del 40% del de suyo nivel anterior al contacto durante el aca-19 siglo, el maga introducio enfermadad siendo el principal factor.

Un roto hoja de papel.
El hoja Waitangi del Tratao de Waitangi.

Ya nombra el britanico gobierno con si James Busby como britanico residente na Nueva Zelanda na 1832. El de suyo maga deber, encomendao por el gobernador si Bourke na Sidney: protege con el maga colono y maga comerciante "de buena reputación" ("in good standing"), preveni con "maga ultraje" ("outrages") contra el maga maori y detene con el maga fugao convicto. Na 1835, tras el anuncio de un inminente frances asentamiento por parte de si Charles de Thierry, ya envia el maga Unio Tribu de Nueva Zelanda, masquen maga nebuloso, con un declaracion de independencia de Nueva Zelanda al Rey si Guillermo IV del Reino Unido pidiendo con el proteccion. Maga disturbio na curso, el propuesta asentamiento de Nueva Zelandia por el Compañia de Nueva Zelanda (que ya envia con el de suyo primer barco de maga agrimensor para compra con el tierra del maga maori), el dudoso juridico validez del antedicho Declaracion de Independencia — ante todo esto, ya envia el Colonial Office con un capitan, si William Hobson, a reclama con el soberania del Reino Unido y negocia con un tratado con el maga maori. Firmao el resultante Tratado de Waitangi na el Bahia de maga Isla el 6 de febrero de 1840. Na respuesta al maga intento del Compaña de Nueva Zelanda de establece con un independiente asentamiento na Wellington, ya declara si Hobson con el britanico soberania sobre todo Nueva Zelanda el 21 de mayo de 1840, masquen ya circula pa maga copia del tratao por todo el pais para que firma el maga maori conele. Con el firma del tratao y la declaracion de soberania, ya empeza a aumenta el numero de maga inmigrante, particularmente del Reino Unido;

Administrao Nueva Zelanda como un dependencia del Colonia de Nueva Gales del Sur hasta el de suyo incorporacion como un distinto Colonia del Corona, el Colonia de Nueva Zelanda, el 3 de mayo de 1841. Ya empeza el armao conflicto entre el colonial gobierno y el maga maori na 1843 con el Masacre de Wairau sobre el tierra y el maga desacuerdo sobre el soberania. Ya mira este maga conflicto, mayoritariamente na el Isla Norte, con el llegada na Nueva Zelanda de maga mil de maga imperial tropa y el Real Marina, ansina que mas tarde conocio este maga conflicto como el Guerra del maga Tierra de Nueva Zelanda. Despues de este maga armao conflicto, ya ocurri el maga confiscacion de maga tierra na Nueva Zelanda por parte del colonial gobierno para satisface con el maga demanda del maga colono.

Grabado na blanco y negro representando con un multitud de maga persona.
Un reunion de europeo y maori residente na el provincia de Hawke's Bay. Grabao, 1863.

Ya gana el colonia con un representativo gobierno na 1852 con el aprobacion del New Zealand Constitution Act 1852, y ya convoca el primer Parlamento de Nueva Zelanda na 1854. Na 1856 efectivamente autonomo el colonia, asumiendo con el responsabilidad sobre todo el maga domestico asunto (excepto el nativo politica, concedio a maga mediado del decada de 1860). Debio al preocupacion de que baka forma el Isla Sur con un distinto (e independiente) colonia, ya presenta el primer ministro si Alfred Domett con una resolución para traslada con el capital desde Auckland hasta un localidad cercano al estrecho de si Cook. Elegio Wellington por el de suyo central ubicacion, y oficialmente ya convoca el Parlamento alla por primera vez na 1865.

Na 1886, ya anexiona Nueva Zelanda con el maga isla Kermadec, un grupo de maga volcanico isla a Plantilla:Circa 1.000 km al noreste de Auckland. Desde 1937, deshabitao el maga isla, excepto por alrededor de seis maga persona na el estacion del isla Raoul. Ta situa este maga isla con el frontera norte de Nueva Zelanda a 29° S. Despues del CONVEMAR de 1982, ya contribui el maga isla significativamente al exclusivo economico zona de Nueva Zelanda.

Na 1891 ya llega el Partido Liberal al poder como el primer organizao politico partio. Ya aproba el Liberal Gobierno, dirigio por si Richard Seddon durante el mayor parte del mandato de este gobierno, con manada importante social y economico medida. Na 1893 Nueva Zelanda el primer nacion na el mundo na concede con el femenino sufragio, y na 1894 fue pionero na la adopcion del obligatorio arbitraje entre maga empleador y maga sindicato. Ya garantiza el maga liberal un minimo salario na 1894, un mundial primicia.

Na 1907, a peticion del Parlamento de Nueva Zelanda, ya proclama el Rey Eduardo VII con Nueva Zelanda como un Dominio dentro del britanico Imperio, reflejando con el de suyo autonomo condicion. Na 1947, ya ratifica Nueva Zelanda con el Estatuto de Westminster, confirmando que hinde puede ya el Parlamento del Reino Unido legislar para Nueva Zelanda sin el de suyo consentimiento. Mas tarde, ya remove el Constitution Act 1986 con el maga residual legislativo poder del britanico gobierno, y a 2003 abolio el maga final derecho de apelacion ante el maga britanico tribunal.

A maga principio del aca-20 siglo, involucrao Nueva Zelanda na el maga mundial asunto, peleando na el maga Primer y Segundo Mundial Guerra y sufriendo con el Gran Depresion. Ya lleva el depresion al eleccion del primer Laborista Gobierno de Nueva Zelanda y al establecimiento de un comprensivo estado del bienestar junto con un proteccionista economia. Ya experimenta Nueva Zelanda con un creciente prosperidad despues del Segunda Mundial Guerra. y ya comenza el maga maori a abandona con el de ellos tradicional rural vida y a muda al maga ciudad na busca de trabajo. Ya desarrolla un movimiento de maori protesta, que ya critica con el eurocentrismo y que ya trabaja por un mayor reconocimiento del maori cultura y del Tratao de Waitangi. Na 1975, establecio un Tribunal de Waitangi para investiga con maga presunto violacion del Tratao, y ya tene ele con el capacidad de investiga con maga historico agravio na 1985. Con manada iwi ya negocia el gobierno con maga solucion para este maga agravio, masquen na el decade de 2000 ya ocurri un controversia sobre el costero zona y el maga marino fondo de Nueva Zelanda.

Cultura[revisa | revisa codigo]

Ya adapta el maga primero maori con el polinesio cultura del este, de base tropical, de acuerdo con el maga desafio asociao con un mas amplio y mas diverso entorno, y eventualmente ya desarrolla ellos con un distintivo cultura. Mayoritariamente comunal el social organizacion con maga familia (whānau), maga subtribu (hapū) y maga tribu (iwi) gobernao por un jefe (rangatira), cuyo posicion sujeto al aprobacion del comunidad. Ya trae el maga britanico e irlandes inmigrante con maga aspecto del de ellos maga propio cultura a Nueva Zelanda y también ya influi con el maori cultura, particularmente por el introduccion del cristianismo. Sin embargo, ta considera pa el maga maori con el de ellos lealtad al maga tribal grupo como parte vital del de ellos cultural identidad, y parecio el maga rol de maori parentesco al maga rol de otro maga polinesio pueblo. Mas recientemente, ya influencia el maga estadounidense, australiano, asiatico y europeo cultura na Nueva Zelanda. Tambien aparente maga cultura polinesio pero hinde maori, con el Festival Pasifika, el mas grande polinesio festival na todo el mundo, ya un anual evento na Auckland.

Ya lleva el mayoritariamente rural vida (na el maga inicio de Nueva Zelanda) al imagen del maga neocelandes como maga rudo y laborioso solucionador de maga problema. Esperao e impuesto el modestia a traves del "sindrome de alto exposicion" donde ya recibi el maga de alto rendimiento con duro critica. Na aquel entonces, hinde conocio Nueva Zelanda como un intelectual pais. Desde maga principio del aca-20 siglo hasta maga final del decada de 1960, suprimio el maori cultura por el intento de cultural asimilacion del maga maori al maga britanico neocelandes. Durante el decade de 1960, con el mayor disponibilidad de terciario educacion, y el expansion del maga ciudad, ya empeza el urbano cultura a domina. Sin embargo, comun pa el maga rural imagenes y tema na el arte, literatura y maga medio. (Y hinde Nueva Zelanda lang. Ta romantiza mucho maga occidental con el rural vida.)

Ta influencia el naturaleza, el historia y el maga maori con el maga nacional simbolo de Nueva Zelanda. El plateao helecho (Cyathea dealbata) es un emblema que ta aparece na el maga insignias del ejército y na el maga uniforme del maga deportivo equipo. Conocio como "Kiwiana" cierto maga elemento del popular cultura creio exclusivo de Nueva Zelanda.

Arte[revisa | revisa codigo]

Retrato de si Hinepare de Ngāti Kahungunu por si Gottfried Lindauer, mostrando con el moko del menton, un pounamu, un hei-tiki y un tejio manta.

Como parte del resurgimiento del maori cultura, ahora mas ampliamente practicao el maga tradicional oficio de talla y tejio, y ta crece el numero e influencia del maga maori artista. Ta presenta el mayoria del maga maori talla con maga humano figura, generalmente con tres maga dedo y uno de dos maga tipo de cabeza: un detallao cabeza de natural aspecto o un grotesco cabeza. Decorao el mayoria del maga talla por maga superficial patron que ta consisti na maga espiral, maga cresta, maga muesca y maga escama de pescao. Ya consisti el preeminente maori arquitectura na maga tallao casa de maga reunion (wharenui), decorao por maga talla y maga simbolico ilustracion. Originalmente diseñao este maga edificio para constante reconstruccion, a fin de cambia y adapta a maga diferente capricho o necesidad.

Ya decora el maga maori con el blanco madera de maga edificio, maga canoa y maga cenotafio, usando con rojo (una mezcla de rojo ocre y grasa de tiburon) y negro (hecho de hollin) pintura, ademas de maga pintao cuadros de maga ave, maga reptil y otro maga diseño na el maga pared del maga cueva. Tallao na el carne (con un cincel de hueso) el maga maori tatuaje (moko) consistiendo na coloreao hollin mezclao con goma. Desde el europeo llegada, dominao el maga pintura y fotografia por el maga paisaje, originalmente hinde como maga obra de arte sino como maga factico representacion de Nueva Zelandia. Tambien comun el maga retrato del maga maori, y na manada situacion ya retrata el maga primer pintor con ellos como un ideal raza hinde contaminao por el civilizacion. Ya retrasa el relativo aislamiento del país con el influencia del maga europeo ariístico tendencia, permitiendo que ya desarrolla el maga local artista con el de ellos distintivo estilo de regionalismo. Durante el maga decada de 1960 y 1970, ya combina manada artista con tradicional maori y occidental maga tecnica, creando con maga distinto forma de arte. Gradualmente ya logra el arte y artesania de Nueva Zelanda con un internacional audiencia, con maga exposicion na el Bienal de Venecia na 2001 y el exposicion "Paradise Now" na Nueva York na 2004.

El maga maori manta son de fino fibra de lino y estampao con maga negro, rojo y blanco triangulo, maga rombo y otro maga geometrico forma. Usao pounamu para maga pendiente y maga collar. El mas bien conocio diseño es el hei-tiki, un distorsionao humano figura sentao con el maga pierna cruzao y el cabeza inclinao hacia un lado. Ya trae el maga europeo con el etiqueta de ingles moda a Nueva Zelanda, y hasta el decada de 1950 ya yesti el mayoria del gente para maga social ocasion. Ya relajao el maga estandar de moda, y ya recibi el moda de Nueva Zelanda con un reputacion como informal, practico y deslucio. Sin embargo, ya crece significativamente el industria de local moda desde el año 2000, duplicando con el maga exportacion y aumentando de un puñado a unos 50 maga establecio marca, algun maga obtenido con internacional reconocimiento.

Literatura[revisa | revisa codigo]

Ya adopta rapidamente el maga maori con el escritura como medio para comparti con maga idea, y ya converti ellos con manada oral historia y poema al escrito forma. Obtenio de Bretaña el mayoria del temprano literatura na ingles, y na y despues del decada de 1950 lang, con el aumento de local editorial casa, bien conocio el neocelandes literatura. Masquen mayoritariamente influenciao pa por el maga global tendencia (modernista literatura) y maga global evento (el Gran Depresion), na el decada de 1930 ya empeza el maga local escritor a desarrolla con maga historia cada vez mas centrao na el de ellos maga experiencia en Nueva Zelanda. Durante este periodo, ya pasa el literatura de un periodistico actividad a un mas academico. Ya dale el participacion na ambo maga mundial guerra al maga neocelandes escritor con un nuevo perspectiva del neocelandes cultura, y gracias al expansion del maga universidad na el posguerra, ya florecie el local literatura. Dunedin es un Ciudad de Literatura de UNESCO.

Maga medio y entretenimiento[revisa | revisa codigo]

Influenciao el musica de Nueva Zelanda por el blues, el jazz, el country, el rock and roll y el hip hop, y ansina mismo ya dale Nueva Zelanda a este maga genero con un distinto interpretacion. Ya desarrolla el maga maori con maga tradicional canto y maga cancion del de ellos maga antiguo origen na el Asiatico Sudeste, y despues de maga siglo de aislamiento ya crea con un distinto "monotono" y "triste" sonio. Ya usa ellos con maga flauta y maga trompeta como maga musical instrumento, o como maga dispositivo de señalizacion durante el guerra o na maga especial ocasion. Ya trae el maga temprano colono con el de ellos etnico musica —popular el maga brass band y el coral musica—, y durante el decada de 1860 ya empeza el maga musico a recorre con Nueva Zelanda. Tambien popular el maga pipe band durante el inicio del aca-20 siglo. Desde 1940 ya empeza el discografico industria de Nueva Zelanda, y ya consegui manada neocelandes musico con exito na Bretaña y el maga Estados Unidos. Ta lanza algun maga artista con maga cancion na el maori idioma, y ya experimenta un resurgimiento el tradicion, basao na el tradicion del maga maori, de kapa haka (canto y baile). Celebrao anualmente el maga New Zealand Music Awards por Recorded Music NZ; primero celebrao el maga premio na 1965 por Reckitt Benckiser como el maga premio del Loxene Golden Disc. Tambien ta publica Recorded Music NZ con el Official New Zealand Music Chart.

Introducio el publico radio na Nueva Zelanda na 1922. Na 1960 ya inicia un estatal servicio de television. Ya mira el desregulacion na el decada de 1980 con un repentino aumento del nimero de maga emisora de radio y television. Ta transmite principalmente el neocelandes television con estadounidense y britanico programacion, junto con manada australiano y local programa. Ya aumenta significativamente el numero de maga neocelandes pelicula durante el decada de 1970. Na 1978 ya empeza el New Zealand Film Commission a ayuda con maga local cineasta, y ya logra manada pelicula con un internacional audiencia, a tiene vez internacional aclamacion. El maga mas taquillero neocelandes pelicula son Hunt for the Wilderpeople, Boy, The World's Fastest Indian, Whale Rider, Once Were Warriors, Heavenly Creatures y The Piano. Gracias al diverso paisaje y compacto tamaño del pais, junto con maga incentivo del gobierno, ya filma algun maga productor de cine con maga produccion, de gran presupuesto y bien conocio, na Nueva Zelanda, incluio el maga trilogia de El Señor del maga Anillo y El hobbit, Avatar, El maga cronica de Narnia, King Kong, X-Men Origins: Wolverine, El ultimo samurai y El poder del iro. Dominao el industria del maga medio de comunicacion de Nueva Zelanda por un chico numero de maga empresa, el mayoria de extranjero propiedad, masquen ta retene el estado con el propiedad de algun maga estacion de radio y television. Desde 1994, consistentemente ta clasifica Freedom House con el libertad de prensa de Nueva Zelanda entre el maga veinte primero, con el 19º mas libre medio de comunicacion a partir de 2015.

Deporte[revisa | revisa codigo]

Equipo de rugby vestio todo de negro, mirando al camara, con el maga rodilla doblao y mirando hacia un equipo vestio de blanco
Un haka realizao por el seleccion de rugby de Nueva Zelanda ("All Blacks") antes de un juego. El haka —un maori palabra— es un reto con maga vigoroso movimiento y con zapateo del maga pie.

De britanico origen el mayoria del maga principal deportivo codigo jugao na Nueva Zelanda. Considerao el rugby union como el nacional deporte y ta atrae con el mayor numero de maga espectador. Ta tene el golf, el netball, el tenis y el criquet con el maga mayor tasa de participacion entre maga adulto, mientras que particularmente popular (entre el maga joven) el netball, rugby union y futbol. El turf (hipica) uno del maga mas popular deporte para maga espectador na Nueva Zelanda y fue parte del subcultura del "rugby, turf y cerveza" (English: rugby, racing, and beer) durante la década de 1960. Ta participa alrededor del 54% del maga neocelandes adolescente na maga deporte para el de ellos maga escuela. Para el inculcacion de un nacional identidad, ya desempeña un temprano papel maga victorioso gira de rugby a Australia y el Reino Unido a maga final del decada de 1880 y el maga principio del decada de 1900. Particularmente evidente el maori participacion na el maga europeo deporte na el rugby, y ta realiza el nacional seleccion con un haka, un tradicional maori reto, antes de maga internacional juego. Conocio Nueva Zelanda para el de suyo maga extremo deporte, turismo de aventura y fuerte tradicion de montañismo, como visto na el exitoso del notable neocelandes si Edmund Hillary. Tambien popular otro maga actividad al aire libre como el ciclismo, el pesca, el natacion, el carrera a pie, el senderismo (localmente, tramping), el piragüismo, el caza, el maga deporte de nieve, el surf y el vela. Ta mira Nueva Zelanda con regular exito de vela na la regata del Copa America desde 1995. Ta experimenta el polinesio deporte de waka ama con un resurgimiento de interes na Nueva Zelanda desde el decada de 1980.

Ta tene Nueva Zelanda con maga competitivo internacional seleccion na rugby union, rugby league,, netball, criquet, softbol y vela. Ya participa Nueva Zelanda al maga Olimpico Juego de Verano na 1908 y 1912, antes de participa independientemente na 1920. (Anulao el maga Olimpico de 1916 (Berlin) por causa del Primer Mundial Guerra.) Na cuanto al razon de maga medalla al poblacion, ta performa bien Nueva Zelanda. El All Blacks, el nacional seleccion de rugby union, el mas exitoso na el historia de internacional rugby y ya gana con el Copa del Mundo de Rugby tres maga vez.

Gastronomia[revisa | revisa codigo]

Crudo carne y maga verdura
Maga ingrediente para un hāngī.

Descrio el nacional gastronomia como el del cuenca del Pacifico, incorporando con el nativo maori gastronomia y maga diverso culinario tradicion introducio por maga colono y maga inmigrante de Europa, Polinesia y Asia. Ta produci Nueva Zelanda con maga producto de tierra y mar — gradualmente ya introduci el maga temprano europeo colono con el mayoria del maga cultivo y el ganao, como el maiz, el maga patata y el maga cerdo. Ta inclui el maga distintivo ingrediente o plato con el carne de oveja (cordero), salmon, kōura (cangrejo), chileno ostra, whitebait, pāua (abulon), maga mejillon, maga vieira, pipi y tuatua (maga tipo de maga marisco de Nueva Zelanda), kūmara (camote), kiwi, tomate de pono o tamarillo, y tarta pavlova (considerao como un nacional postre). Un hāngī es un tradicional maori metodo de cocina con maga alimento con maga caliente piedra enterrao na un horno de foso, usao pa para maga gran grupo na maga especial ocasion, como un tangihanga.

Mira tambien[revisa | revisa codigo]

Maga referencia[revisa | revisa codigo]