Rathaus-Glockenspiel
El Rathaus-Glockenspiel (Plantilla:Lit Carrillon del Ayuntamiento) es un gran mecanico reloj situao na el Marienplatz Plaza, na el corazon de Munich, Alemania. Famoso por el de suyo maga personaje a real tamaño, ta representa el reloj dos maga vez al dia con maga escena del historia de Munich. El primero es el historia del matrimonio de si Duque Guillermo V con si Renata de Lorena na 1568, seguio del historia del Schäfflerstanz, tambien conocio como el baile del maga tonelero.
Historia
[hace edit | hace edit con el source]Ya ocurri el construccion con el reloj —con 43 maga campanada y 32 maga figura de natural tamaño— durante el finalizacion del Neues Rathaus (Nuevo Ayuntamiento) na 1908. Cada dia al 11 AM y al 12 PM (ansina como al 17 h de marzo a octubre) ta recrea el reloj con dos maga historia del historia de Munich desde el aca-16 siglo, con un duracion de 15 maga minuto.
Ta conta el superior mitad del Glockenspiel con el historia del matrimonio de si Duque Guillermo V (que tambien ya funda con el famoso Hofbräuhaus) con si Renata de Lorena (Plantilla:Lang-de). Na honor del feliz pareja, ta celebra el reloj con maga caballero a caballo de natural tamaño que ta representa con Baviera (de blanco y azul) y a Lothringen (de rojo y blanco); ta gana el bavaro caballero (Plantilla:Lang-de).
Ta segui conele el segundo historia, el Schäfflertanz —tambien conocido como el baile del maga tonelero— que ta desarrolla na el inferior mitad del reloj. Ta representa este historia con el final de un grave plaga que ya ocurri na 1517. Segun el cuento, ya baila el maga tonelero por el maga calle, animando con el maga residente a volve a sali del de ellos maga casa despues de queda asustao por el peste. Ya permanece el maga tonelero leal al duque, y ya pasa el de ellos baile a simboliza con el perseverancia y el lealtad al autoridad na maga dificil tiempo. Segun el tradicion, representao el danza na Munich cada siete maga año. Descrio ele na 1700 como «un milenario costumbre», pero hinde definio el actual danza hasta 1871. Representao el danza durante el Fasching (aleman Carnaval), y representao ele na 2019.
Justo al final del espectaculo, ta pia na bajo voz tres maga vez, marcando el final del espectaculo. un dorao y muy chico gallo na el superior parte del Glockenspiel.
Restauracion
[hace edit | hace edit con el source]Na 2007 ya experimenta el Glockenspiel con un restauracion que ya conta con el apoyo del Aleman Fundacion para el Proteccion de maga Monumento (Plantilla:Lang-de).
