Corazon

Desde Chavacano de Zamboanga Wikipedia - El Libre Enciclopedia
El corazon y pulmon desde'l antes edicion de Anatomia de Gray.

Este articulo es acera con el organ del cuerpo. Por el symbolo de amor, mira con el articulo Corazon (simbolo). Por el maga otro utilizacion de este palabra, mira con el pagina Corazon (desambiguo).

El corazon es un musculo organ que tiene porma de peras que ta puede encontra na maga vertebrata y amo el responsable por el bombiada del sangre na maga vaso de sangre con repetido y de ritmo contraccion, o un similar clase de estractura na maga anelido, molusko y artropodo.

El palabra como se llama na Ingles cardiac o cardiaco en Español (como cardiologia) quiere de cir "relacionado con el corazon" y estava na Griego καρδιά, kardia, por el "corazon." El corazon es un musculo de cardiaco, un musculo involuntario clase de tejido que ta puede encontra dentro de este organ.

Temprano Desarollo del Corazon del Gente[revisa | revisa codigo]

21 dia despues el concepcion, el latido del corazon del gente ta prinsipia na 75-80 latido por minuto y ta accelera na su primer mes de latido.

El corazon del embrion de gente ta prinsipia latida na mas o menos 21 dia despues el concepcion o cinco semana despues el fin del normal tiempo de regla, el fecha del prinsipio del tiempo de priñada. El corazon ta prinsipia latida na ritmo cerca del nana, cerca 75-80 latido por minuto. Este ritmo ta accelera na un primera mes del latido y ta subi na 165-185 latido por minuto na aca siete semana or nueve semana despues el fin del normal tiempo de regla. Este acceleracion es mas o menos 3.3 latido por un dia o mas o menos 10 laito cada tres dia, un suvido ciento latido por minuto na primera mes.

Despues el suvido del latido na aca 9.2 semana despues el ultimo regla, el latido ta abaja na 150 latido por minuto (+/-25 latido por un minuto) durante del aca 15 semana despues el ultimo regla. Despues el aca 15 semana, el latido ta abaja pa na valor medio de ritmo de 145 (+/-25 latido por un minuto) latido por minuto. Este el formula del acceleracion antes el embrion ay queda 25 milimitro na largor o 9.2 despues el ultimo regla:

edad na dia = ritmo del latido del embrion por un minuto(0.3)+6

No hay diferencia na ritmo de latio del corazon entre corazon del hombre y mujer antes el nacimiento.

Estractura[revisa | revisa codigo]

El frontal del un abierto corazon. El maga pana ta indica con el normal fluido del sangre.

Na cuerpo del gente, el corazon normalmente puede encontra na izquierda del medio del thoraxo, abaja del hueso del fecho. El corazon es firmi ta puede sinti na lao izquierda por causa con el izquierda ventriculo del corazon el mas fuerte na bombiada del sangre por entero cuerpo contra con el derecha ventriculo del corazon. El izquierda pulmon mas chico/pequeño/diutay con el derecha pulmon por causa el corazon ta ocupa mas espacio na izquierda hemitoraxo. El corazon es envolvido na saco como se llama del pericardiomo y alreredor de este amo el pulmon. El pericardiomo es un doble membrana que ta contene liquido seroso para reduci el friccion durante del maga contraccion del corazon. El mediastinumo, un subdivisión del cavito del thoracico, es el nombre del cavito del corazon.

El apexo es un punto embotado que ta puede encontra na un direccion inferior (punto arriba y punto abajo). El estetoscopo puede coloca directamente na encima del apexo para el latido del corazon hay puede cunta. Este locacion fisical es entre el aca seis y aca siete costilla, un poquito cerca na izquierda del sternomo. Na maga normal gente adulto, el pesades del corazon es tiene na mas o menos 250-350 gramo (9-12 onza) o cerca tres na cuatro grandor del serao puño. Pero tiene maga corazon con enfermedad hay puede subi na hasta 1000 gramo por causa na como se llama hypertopio. El corazon ta consisti de cuatro camara, dos arriba maga atrio y dos abajo maga ventriculo. Na izquierda amo un retrato de un frezco corazon de gente que ya quita na un 64-años de edad hombre Britanico.

El Corazon del Gente

El derecha parte del corazon ta funciona para colecta sangre no hay mas oxigeno na derecha atrio estava na entero cuerpo y para bombia con este por medio del derecha ventriculo en el pulmon (circulacion pulmonario) donde hay quita con el carbon dioxide na sangre mezcla con oxigen na sangre (cambio de gas na). Este ta sucede en mediante un proceso como se llama difusion. El izquierda parte del corazon ta colecta sangre lleno de oxigeno desde pulmon en el izquierda atrio. Desdel izquierda atrio, el sangre ta move para na izquierda ventriculo donde ta bombia con el sangre por entero cuerpo. Na todo dos lao, el maga abajo ventriculo mas grueso y mas fuerte contra con el arriba maga atrio. El musculo alreredor del izquierda ventriculo es mas grueso contra con el musculo alreredor del derecha ventriculo por causa con el mas alto fuerza que nesesita para bombia sangre en mediante de circulacion systematico.

Una Ausillo[revisa | revisa codigo]

Mira con el articulo aresto cardiaco por maga emrgencia acerca con el corazon

Si el gente ya perde su latido de corazon, el resusitacion cardiopulmonario nesesita prinsipia y llama ayuda ensegidas. Si tiene un automatico l defibrillador external, este aparato nesesita administera defibrillacion ensegidas.

Como Comida[revisa | revisa codigo]

El maga corazon del baca, carnero o cordero, puerco, manok y maga otro pajaro ta puede consuma como comida na mga mucho nacion. Ta considera con el corazon como hende regular carne que firmi ta come, pero como un masculo, el savor del corazon igual como regular carne. El savor del corazon igual como el savor del carne de venao.

Como simbolo[revisa | revisa codigo]

Por mas detalles, mira con el articulo Corazon (simbolo). El corazon, historiamente, considerao como el centro del alma y el organ responsable por el pensamiento y espirito del gente. Masquen pa ahora sabe que el corazon no hay conneccion con el pensamiento o amor, el maga gente por siempre ta usa con el palabra "corazon" especialmente acerca amor. Na este contexto, el corazon muchas veces ta ilustra como icono ).

Maga Enlace Externo[revisa | revisa codigo]