Ayuda:Ayuda

Desde Chavacano de Zamboanga Wikipedia - El Libre Enciclopedia

Bienvenidos a Wikipedia! Puedeque tu no conoce como usá Wikipedia. No es muy dificil para aprende usa lo.


Como buscá un articulo[revisa | revisa codigo]

Na costao derecho arriba, hay un botón que ta deci: 'Buscar en Wikipedia'. Aki tu puede buscá un articulo. Si tu no encontra un articulo, puede creá un articulo nuevo.

Como editá un articulo[revisa | revisa codigo]

Na maga todo articulo, na un costao, hay un botón que ta decí 'Revisa' o 'Editar código'. Simplemente, pichi este botón para editá. O, na tuyo teclado, pichi [alt+shift+v] o [alt+shift+e].

Acorda que cuando tu editá un articulo, este es para mejorá tal articulo o corectá el articulo. Hay maga articulo que ta es un 'stub', tu puede mejorá maga este articulos.

Tamen acorda que tu no debe copia de maga otro referencia exactamente como tal referencia ta decí.

Como creá un articulo[revisa | revisa codigo]

Antes de creá un nuevo articulo aki na Wikipedia, primero tu debe buscá si tal articulo existe ya. Na costao derecho na Primero Pagina, busca si un articulo que tu quere creá para mira si existe ya. Si no existe tal articulo, tu puede creá lo. Tu ay mirá algo como este: Crear la página «(Nombre de pagina en colorao)» en este wiki. Pichi na tal nombre de pagina, que ay es en colorao, para creá lo.

Acorda, tu debe sacá buena información y maga referencia para creá un articulo bien. Añadi maga referencia y enlace externo na fin del articulo.

Na tuyo articulo, considera maga este cosas:

  • Tu no debe copiá referencia exactamente como decí
  • Mira si tal referencia que tu ay usa permiti que tu usa tal referencia na un articulo (tu debe mira el maga derecho del autor).
  • No debe atacá un persona o organización na un articulo.
  • Tu debe usa referencia que es verdadero.
  • Tu no debe escribí un articulo de tu, tu familia, tu maga amigo, etc.
  • Tu debe siempre tene un punto de vista neutro.