Wikipedia:Acerca
El Wikipedia un enciclopedia con libre content que ta hace junto-junto con el maga ya escribi el maga contributor desde todo'l gente na mundo tiene internet. Un wiki este – quiere decir masquin quien puede edita con el maga articulo por medio na pichida del Cambia (editada visual) o Cambia el wikitexto (editada clasical). Tiene na maga pagina el protectao para evita interrupcion o vandalismo.
El objetivo del Wikipedia amo el para ver beneficia y tiene que aprende el maga ta lee por medio na publicacion del informacion masquin cosa pa tronco de saber. El maga principio fundamental del Wikipedia ta composita de cinco pilares. Pero masquin tiene comunidad el Wikipedia junto con maga reglamento y regulaciones, hende necesita queda familiar el maga nuevo editor con estos antes sila empeza contribui.
El Wikipedia un marca y dueño del Wikimedia Foundation, Inc. o Fundacion Wikimedia. Todo texto na Wikipedia, tambien el mayoria del maga retrato y content, ta goberna el licencia unported de Creative Commons Attribution-ShareAlike 4.0 (CC BY-SA) (no hay jurisdiccion, p.ej., pais). Ta dueña pa siempre el maga quien ya hace con el maga contribucion, mientras ta hace asegura el licencia GFDL que libre el compartida y puede hace sale y realiza con el maga laman de este (por favor mira con el Derecho y Descago de Responsibilidad para na mas detalles).
De cosa el Chavacano Wikipedia
El Chavacano Wikipedia amo el edicion en lenguaje Chavacano de Zamboanga de Wikipedia. Tiene populacion significante el maga chabacanohablante na Filipinas, donde el de con todo manada hablante el variedad de Zamboanga ta esta. Pero, principalmente lang este ta conversa na manera oral y hende gayod comun ta usa para escribi. El uso del Chavacano para con este Wikipedia ta segui con el Ortografia Chavacano Estandar o Standard Chavacano Orthography para hace mantene con el consistencia del maga spelling o deletreada, pero puede man hace oracion siguiendo na cosa el mas usao. El objetivo importante de este Wikipedia amo el para ver hace alcanza con el saber para na todo'l gente, y hende un lugar para hace perfecto con el uso del Chavacano.
Historia
El Chavacano de Zamboanga Wikipedia, El Libre Enciclopedia, ya realiza del aca-2 de Octubre de 2008. Na este presente tiempo, tiene ya 2857 maga articulo.
Tiene tu cosa que pregunta na comunidad de Chavacano Wikipedia? Pichi aqui.