Ver el código de «Luna»

[[file:FullMoon2010.jpg|thumb|El Luna]]
El '''Luna''' (simbolo: [[file:moon decrescent symbol (fixed width).svg|20px|☾]]) es el unico [[natural satelite]] del [[Tierra]]. El de suyo [[diametro]] es alrededor de un cuarto del diametro del Tierra (comparable al anchura de [[Australia]]). Debido a este gran tamaño (relativo al maga otro satelite) el Luna es el [[Lista de maga natural satelite|aca-cinco mas grande satelite]] na el [[Solar Sistema]], ademas del mas grande y mas masivo relativo al de suyo mayor planeta. El Luna es un [[planemo]] con un [[planetario diferenciacion|diferenciao]] [[Terrestre planeta|rocoso]] cuerpo, ansina que es un [[luna de planetario masa]] o satelite planeta bajo el [[Geofisico definicion de un planeta|geofisico definicion del termino]]. Ta carece de un significante [[atmosfera del Luna|atmosfera]], [[hidrosfera]] o [[Lunar magnetico campo|magnetico campo]]. El de suyo [[gravedad de superficie]] es alrededor de un sexto de el del Tierra a 0.1654 ''[[fuerza g|g]]'' — el luna [[Io (luna)|Io]] de [[Jupiter]] es el unico satelite na Solar Sistema conocio tene con un mas alto gravedad de superficie y [[densidad]].

Ta orbita el Luna con el Tierra a un [[Lunar distancia (astronomia)|medio distancia]] de 384,400 km, o alrededor de 30 veces el diametro del Tierra. El de suyo gravitacional influencia es el principal causa del maga [[marea]] del Tierra y [[Aceleracion de marea|muy lentamente ta alarga]] con el dia del Tierra. Ta tene el [[orbita del Luna]] con un [[orbital periodo]] de 27.3 maga dia. Durante cada [[sinodico periodo]] de 29.5 maga dia, ta varia, desde 0% hasta casi 100%, el cantidad del superficie del Luna iluminao por el Sol, que ta resulta con el maga [[lunar fase]] que ta forma con el base para el maga [[mes]] de un [[lunar calendario]]. Ta experimenta el Luna con un [[acoplamiento de marea]] na cuanto al Tierra, que quiere deci que ta enfrenta firmi [[visible cara del Luna|el mismo lado del Luna]] con el Tierra. Debido al maga ciclico cambio na el perspectivo ([[libracion]]), el 59% del lunar superficie es visible del Tierra.

Na cuanto al [[origen del Luna]], ta postula el mas ampliamente aceptao explicacion que ya forma hace 4.51 mil millon de maga año, poco despues del [[edad del Tierra|formacion del Tierra]], por el maga escombro de un [[teoria del gran impacto|gran impacto]] entre el Tierra y un postulao cuerpo del tamaño de [[Marte]] llamao [[Theia]]. Ya retrocede el Luna a un mas amplio orbita debido al [[aceleracion de marea]] con el Tierra. Ta mancha, con el cercano lado del Luna, maga oscuro volcanico [[Mar lunar|mar]], que ta llena con el maga espacio entre maga brillo anciano planicie del corteza y maga promimente [[crater de impacto]]. Ya tiene ya el mayoria de este maga caracteristica por el fin del [[imbrio]] periodo, hace tres mil millon de maga año. Maskin bajo el [[reflectividad]] del [[superficie del Luna]] (comparable al [[asfalto]]), debido al de suyo grande [[angular diametro]] es el Luna el mas brillo celestial objeto na el nocturnal cielo. Visto del Tierra, el Luna ta aparece casi tan grande como el Sol, ansina que ta cubre el Luna con el Sol casi por completo durante un total [[solar eclipse]].

A lo largo del [[historia]], ya deriva el maga humano [[sociedad]] con maga [[cultura]]l referencia e influencia del prominencia del Luna na el cielo del Tierra, ademas del suyo regular ciclo de maga fase. Puede incuntra con tal maga influencia na [[lenguaje]], maga sistema de [[calendario]], [[arte]], y [[mitologia]]. El primero artificial objeto que ya alcanza con el Luna fue el [[nave espacial]] [[Luna 2]] del [[Sovietico Union]] na 1959. Mas tarde fue el primero exitoso [[suave aterrizaje (aeronautica)|suave aterrizaje]] por [[Luna 9]] na 1966. Hasta el fecha el maga unico humano lunar mision fue el maga del [[programa Apolo]] del maga [[Estados Unidos]], que ya aterriza con doce maga [[hombre]] na el superficie entre 1969 y 1972. Ya retrae este maga y otro maga mision sin tripulacion con maga [[lunar roca]] que ya resulta con un detallao [[geologia del Luna|geologico entendimiento]] del [[origen del Luna]], el de suyo [[interno estructura del Luna|interno estructura]], y subsiguiente historia. El Luna es el unico [[astronomico objeto|celeste cuerpo]] visitao por el maga hombre.

== Etimologia ==
{{VT|Luna#Cultural representacion}}
Ta proveni ''luna'' del [[idioma español]] sin cambio, y este del [[Lengua Latin|latin]] ''lūna''. Ta proveni este del [[antiguo latin]] ''losna'', del [[protoitalico idioma|protoitalico]] *''louksnā'', del [[protoindoeuropeo idioma|protoindoeuropeo]] *''lówksneh₂'' 'luna', del protoindoeuropeo *''lewk-'' 'brillo, brilla'. De este PIE raiz ta deriva tamen el PIE palabra *''léwks'' 'luz', y poreso el latin ''lūx'' (español y chavacano ''luz'').

== Natural historia ==

=== Formacion ===
{{AP|Origen del Luna|Teoria del gran impacto|Circumplanetario disco}}
[[File:Far side of the Moon.png|thumb|El [[oculto cara del Luna]], que ta carece del maga grande oscuro area del maria, y ansina siguro ta parece al [[visible cara del Luna]] temprano na historia del Luna.<ref name="The Planetary Society 2022">{{cite web | title=The two-faced Moon | website=The Planetary Society | date=2022-03-14 | url=https://www.planetary.org/articles/the-two-faced-moon | access-date=2023-04-28 | lang=en}}</ref><ref name="explanet.info">{{cite web | website=explanet.info | url=https://explanet.info/Chapter04.htm | title=Exploring the Planets: Chapter 4. The Moon|access-date=2023-04-28 | lang=en}}</ref>]]
Ta sugeri el [[radiometrico datacion]] del maga lunar muestra que ya forma el Luna alrededor de 50 millon de maga año despues del [[origen del Solar Sistema]]. Historicamente, ya propone con manada mecanismo de formacion, pero hinde ta explica ningun con el maga caracteristica del sistema Tierra–Luna.

El dominante teoria es que ya forma el sistema Tierra–Luna despues de un [[gran impacto]] de un cuerpo del tamaño de [[Marte]] (llamao ''[[Theia]]'') con el [[proto-Tierra]]. Ya lleva el explosion con material na orbita alrededor del Tierra, y ya acreta esta materia para forma con el Luna, justo mas alla del [[limite de Roche]] del Tierra de ~{{val|2.56|ul=Earth radius}}.

Ta cree el maga [[cientifico]] que comun fueron el maga gran impacto na el temprano Solar Sistema. Ya produci el maga simulacion por computadora del maga gran impacto con maga resultao consistente con el masa del [[lunar nucleo]] y el [[angular momento]] del sistema Tierra–Luna. Ta demostra este maga simulacion que ya deriva el mayoria del Luna del impactor, imbes del proto-Tierra. No obstante, ta sugeri maga mas reciente simulacion con un mas grande fraccion del Luna derivao del proto-Tierra. Na otro maga cuerpo del interior Solar Sistema, como [[Marte]] y [[Vesta]], tiene, segun maga meteorita de ila, maga muy diferente isotopico composicion de [[oxigeno]] y [[wolframio]], na comparacion con el Tierra. No obstante, na el Tierra y el Luna, tiene maga casi identico isotopico composicion. Siguro ta explica con el isotopico igualacion del sistema Tierra–Luna el post-impacto mixtura del vaporizao materia que ya forma con el dos maga, maskin debatio este.

Segun el teoria, ya lanza el impacto con bastante energia para licua y con el ejecta y con el corteza del Tierra, para forma con un [[oceano de magma]]. Entonces ya re-acreta el licuao ejecta para forma con el sistema Tierra–Luna. Ansina mismo, ya tene el nuevamente formao Luna con el de suyo propio [[lunar oceano de magma|oceano de magma]]. Ta varia el maga estimacion del profundidad de este, desde 500 km hasta 1,737 km.

Maskin ta explica el teoria del gran impacto con manada linea de evidencia, pendiente pa algun maga pregunta, que ta involucra mayoritariamente con el composicion del Luna. Sobre un umbral de alto resolucion para el maga simulacion,{{clarify}} ta incuntra un estudio publicao na 2022 que puede coloca inmediatamente el maga gran impacto con un satelite, de similar masa y contenio de hierro al Luna, na orbita muy lejos del [[limite de Roche]]. Maskin puede sobrevivi fiable y predeciblemente el maga satelite que ta pasa inicialmente dentro del limite de Roche, si parcialmente despojao y luego torcio na maga mas amplio y estable orbita.

=== Natural desarrollo ===
[[File:Archean.png|thumb|upright=1.5|[[Impresion de un artista]], del Luna como siguro ya aparece na el [[cielo]] del Tierra detras del [[Intenso Tardio Bombardeo]] hace alrededor de 4 mil millon maga año, cuando el de suyo [[orbita]] fue el mitad que el actual, y ya aparece 2.8 maga vez mas grande que hoy.<ref name="Lunar and Planetary Institute" />]]

Despues del formacion del Luna ya tene con un mucho mas cercano terreste orbita que ta tene hoy. Poreso ya aparece cada cuerpo mucho mas grande na [[cielo]] del otro, mas frecuente maga [[eclipse]], y mas fuerte maga [[fuerza de marea]]. Debido al [[aceleracion de marea]], ya agranda y alarga significativamente el orbita del Luna alrededor del Tierra.

Desde el enfriamiento y el despojamiento del mayoria [[atmosfera del Luna|del de suyo atmosfera]], ambo durante el de suyo formacion, ya dale con forma al [[selenografia|superficie del Luna]] maga gran [[astronomico impacto]] y manada chico, que ya forma con un paisaje de maga [[crater]] de todo el maga edad. Ya produci el [[volcanismo|volcanico actividad]] con el maga promimente [[lunar mar]]. Volcanicamente activo hasta hace 1.2 mil millon de maga año, ya erupciona el mayoria del maga lunar [[basalto]] durante el [[Imbrio]], hace 3.3–3.7 mil millon de maga año, maskin algun maga tan joven como 1.2 mil millon de maga año, y algun maga tan viejo como 4.2 mil millon de maga año. Tiene maga diferente explicacion para el maga causa del erupcion del maga lunar basalto, na particular el de ila desigual occurrencia, na especial na visible cara. Y nuay tamen bien entendio el maga causa del distribucion del [[maga lunar planicie]] na el [[oculto cara del Luna|oculto cara]]. Ta sugeri un explicacion que ya impacta maga gran [[meteorito]] con el Luna na el de suyo temprano historia, que ya deja atras con maga gran crater mas tarde llenao con [[lava]]. Ta sugeri otro maga explicacion con maga proceso de lunar volcanismo.

== Maga fisico caracteristica ==
El Luna es un muy ligeramente [[escaleno elipsoide]] debio a estiramento de maga [[marea]], con el de suyo largo [[eje]] desplazao 30° del Tierra, debio a maga gravitacional anomalia de maga [[cuenca de impacto]]. El de suyo forma es mas elongao que pueda explica el actual maga fuerza de marea. Ta indica este "fosilizao protuberancia" que ya solidifica el Luna cuando ya orbita al mitad del de suyo actual distancia del Tierra, y que ahora demasiao frio el Luna para restaura con [[hidrostatico equilibrio]] al de suyo actual orbital distancia.

=== Tamaño y masa ===
{{further|Lista de maga natural satelite}}
[[File:Moons of solar system v7.jpg|thumb|upright=1.5|Comparacion del maga tamaño del maga principal luna del Solar Sistema, con el Tierra para escala. Ta tene diecinueve maga luna con bastante tamaño [[Hidrostatico equilibrio|para queda maga rotundo]], ta tene vario maga con maga [[subsuperficial oceano]] y ta tene uno, [[Titan (satelite)|Titan]], con un considerable [[atmosfera]].]]

Por tamaño y masa es el Luna el quinto mas grande natural satelite del Solar Sistema, categorizable como uno de suyo maga [[luna de planetario masa]], ansina que es un [[satelite planeta]] bajo el [[geofisico definicion de planeta|geofisico definicion del termino]]. Mas chico que [[Mercurio]] y considerable mas grande que el mas grande [[enano planeta]] del Solar Sistema, [[Pluton (enano planeta)|Pluton]]. Mientras que el [[asteroidal satelite]] [[Caronte (satelite)|Caronte]] del sistema Pluton-Caronte es mas grande relativo a Pluton, el Luna es el mas grande natural satelite del Solar Sistema relativo al de suyo [[primario (astronomia)|primario]] planeta.

El [[diametro]] del Luna es alrededor de 3,500&nbsp;km, mas de un cuarto del terrestre, con el cara del Luna comparable al anchura de [[Australia]], [[Europa]] o maga [[Estados Unidos]] sin [[Alaska]]. El [[superficial area]] del entero Luna es alrededor de 38 maga millon de maga [[cuadrao kilometro]], entre el tamaño de [[America]] ([[America del Norte|del Norte]] y [[America del Sur|del Sur]]) y [[Africa]].

El masa del Luna es 1/81 del terrestre, siendo el segundo mas denso entre el maga planetario luna, y teniendo con el segundo mas alto [[superficial gravedad]], despues de [[Io (satelite)|Io]], a 0.1654 {{val |0.1654 |u=[[Fuerza g|g]]}}, y un [[velocidad de escape]] de {{convert|2.38|km/s|km/h mph|comma=gaps|abbr=on|disp=x| <small>(|)</small>}}.

=== Estructura ===
{{AP|Interno estructura del Luna|Geologia del Luna}}
El Luna es un [[planetario diferenciacion|diferenciao]], inicialmente na [[hidrostatico equilibrio]], pero desde entonces ya sali de este condicion. Ta tene con un [[geoquimica]]mente distinto [[corteza (geologia)|corteza]], [[manto (geologia)|manto]] y [[nucleo (geologia)|nucleo]]. Ta tene el Luna con un solido nucleo, rico na [[hierro]] —cuyo [[radio (geometria)|radio]] siguro tan chico como 240&nbsp;km— y con un fluido externo nucleo, primariamente hecho de liquido hierro, que ta tene con un radio de alrededor de 300&nbsp;km. Alrededor del nucleo es un parcialmente fundio capa limite con un radio de aproximadamente 500&nbsp;km. Siguro ya desarrolla este estructure por medio del [[fraccionao cristalizacion (geologia)|fraccionao cristalizacion]] de un global oceano de [[magma]] poco despues del formacion del Luna hace 4.5&nbsp;mil millon de maga año.

Siguro ya crea el cristalizacion de este oceano de magma con un [[mafico]] manto del [[precipitacion (quimica)|precipitacion]] y hundimiento del maga [[mineral]] [[olivino]], [[clinopiroxeno]] y [[ortopiroxeno]]: detras del [[cristalizacion]] de alrededor de tres maga cuarto del oceano de magma, ya puede forma, y flota hacia arriba para forma con un corteza, el maga mineral [[plagioclasa]] de menor densidad. Siguro emparedao, entre el corteza y el manto, el ultimo maga liquido que ya cristaliza, con un gran abundancia de maga elemento [[compatibilidad (geoquimica)|incompatible]] y productor de [[calor]]. Consistente con este perspectiva, ta mostra el geoquimico cartografia hecho del orbita con un corteza de mayoritariamente [[anortosita]]. Ta confirma el maga muestra del [[lunar roca]], del maga [[lava]] que ya [[erupcion]]a na el superficie, por un parcial derretimiento na manto, con el mafico composicion del manto, mas rico na hierro que el del Tierra. Na promedio ta tene el corteza con un espesor de 50&nbsp;km.

El Luna es el segundo mas denso satelite na Solar Sistema, despues de [[Io (satelite)|Io]]. Sin embargo, chico el interno nucleo del Luna, con un radio de alrededor de 350&nbsp;km o menos, alrededor de 20% del radio del Luna. Hinde bien entendio el de suyo composicion, pero siguro metalico [[hierro]] [[aleacion|aleao]] con un chico cantidad de [[azufre]] y [[niquel]]. Ta sugeri maga [[analisis]] del [[rotacion]] del Luna que nuestro satelite es por lo menos parcialmente fundio. Estimao el [[presion]] al lunar nucleo como {{convert|5|GPa|atm}}.

=== Gravitatorio campo ===
[[File:Youtubeastronautsonmoonot3.gif|thumb|Un [[astronauta]] saltando sobre el Luna, ilustrando que el [[intensidad del gravitatorio campo]] del Luna es aproximadamente 1/6 del terreestre. Limitao el altura del salto por el peso del [[espacial traje]] na el Luna de alrededor de 13.6&nbsplkg y por el presurizacion, que ta resisti con el flexion del traje, necesario para salta.]]
Na promedio el [[superficial gravedad]] del Luna es {{val|1.62|ul=m/s2}}, alrededor del mitad del superficial gravedad de [[Marte]], y alrededor de un sexto del terrestre.

Hinde uniforme el [[gravitatorio campo del Luna]]. Ya envia maga orbitando [[espacial nave]] con maga [[señal de radio]] y ya graba con el [[efecto Doppler]], ansina que ya logra medi con el maga detelle del gravitatorio campo. El maga principal caracteristica del lunar gravedad son maga [[mascon]], maga gran positivo gravitatorio anomalia asociao con algun del maga gigante cuenca de impacto, parcialmente causao por el maga denso flujo de [[basaltico]] lava que ta llena con aquel cuenca. Ta influencia gayot el maga anomalia con el orbita del maga espacial nave alrededor del Luna. Ya queda un maga rompecabezas: hinde puede explica el maga flujo de lava con el entero gravitacional firma, y hay algun maga mascon hinde vinculao con el [[vulcanismo]] del [[mare]].

=== Magnetico campo ===
Ta tene [[lunar magnetico campo|el Luna con un magnetico campo]] de menos de 0.2&nbsp;[[tesla (unidad)|nanotesla]], o menos de cien maga milésima del [[terrestre magnetico campo|terrestre]]. Actualmente ta carece el Luna de un [[dipolar]] magnetico campo, y solo ta tene con [[magnetizacion]] na corteza, siguro adquirio temprano na el lunar historia cuando ya opera pa un [[dinamo (electrico generador)|dinamo]]. Sin embargo, hace 4 mil millon de maga año, siguro tan fuerte el lunar magnetico campo al terrestre. Siguro ya expira este dinamo hace alrededor de mil millon de maga año, despues del completo [[cristalizacion]] del lunar nucleo. Teoreticamente, puede origina algo del residual magnetizacion de maga transeunte maga magnetico campo generao durante gran maga impacto por el expansion de maga [[nube]] de [[plasma]]. Ta genera este maga nube maga gran impacto na un ambiente magnetico campo. Ta apoya este teoria el ubicacion del mas grande maga cristalizacion del corteza cerca del [[maga antipoda]] del maga gigante cuenca de impacto.

=== Atmosfera ===
{{AP|Atmosfera del Luna}}
[[File:Apollo 17 twilight ray sketch.jpg|thumb|Visible el tenue lunar atmosfera na el superficie del Luna al [[orto]] y [[ocaso]] junto con el [[resplandor del lunar horizonte]] y el maga lunar [[crepuscular rayo]], como el maga del Tierra. Ta representa este dibujo de [[Apolo 17]] con el resplandor y el maga rayo entre el general [[zodiacal luz]].]]

Ta tene el Luna con un [[atmosfera]] tan tenue que es casi un vacio, con un total masa de menos de diez maga [[tonelada]]. El superficial presion de este chico masa es alrededor de 3 × 10<sup>−15</sup>&nbsp;[[Atmosfera (unidad)|atm]] (0.3&nbsp;[[nanopascal|nPa]]) y ta varia con el [[lunar dia]]. Ta inclui el de suyo maga fuente con [[desgasificacion]] y [[catodico pulverizacion]], un producto del bombardeo del lunar suelo por el maga [[ion]] del [[solar viento]]. Ta inclui el maga [[quimico elemento]] con:
* El [[sodio]] y el [[potasio]], producio por el catodico pulverizacion (incuntrao tambien na el maga atmosfera de [[Mercurio]] e [[Io (satelite)|Io]]);
* El [[helio-4]] y el [[neon]] de solar viento; y
* El [[argon-40]], [[radon-222]], y [[polonio-210]], desgasificao despues del de suyo creacion por el [[nuclear desintegracion]] dentro del corteza y el manto.
Hinde entendio el ausencia de tal maga neutro especie (maga [[atomo]] o maga [[molecula]]) como el [[oxigeno]], el [[nitrogeno]], el [[carbon]], el [[hidrogeno]] y el [[magnesio]], presente na [[regolito]]. Ya detecta ''[[Chandrayaan-1]]'' con el [[vapor de agua]], y ya incuntra que ta varia este vapor con el [[latitud]], el maximo siendo al maga ~60–70 maga [[grado (angulo)|grado]]. Siguro ta genera este vapor el [[sublimacion]] del [[hielo]] na el regolito. Na cuanto a este maga [[gas]], o ta volve al regolito por el [[gravitatorio campo del Luna|lunar gravedad]], o ta escapa al [[exterior espacio]]. Puede pasa tal escape por dos maga razon: o por el presion del solar radiacion o, si ionizao el maga particula, ta arrasta el magnetico campo del solar viento con ellos.

Ta demostra maga estudio del maga muestra del lunar magma recuperao por el maga [[mision Apolo]] que, durante un periodo de 70 millon de maga año hace entre 3 y 4 mil millon de maga año, ya posee el Luna con un relativamente grueso atmosfera. Ta tene este atmosfera, procedente del maga gas expulsao de maga lunar volcanico erupcion, fue dos maga vez mas grueso que el del actual [[Marte]]. Eventualmente, ya desnuda el maga solar viento con el antiguo lunar atmosfera, que entonces ya escapa al espacio.

Alrededor del Luna ta existi un permanente nube de [[lunar polvo]] generao por maga chico particula de maga [[cometa]]. Segun el maga estimacion, ta golpea cinco maga tonelada de maga particula de maga cometa con el superficie del Luna cada 24 maga hora, cosa resulta na el eyeccion de maga particula de [[polvo]]. Durante alrededor de diez maga [[minuto]] ta queda el polvo arriba del Luna: ta tarda cinco maga minuto na subi, y cinco maga minuto na cae. Na promedio, presente 120 maga [[kilograma]] de polvo arriba del Luna, subiendo hacia 100 maga kilometro arriba del superficie. Ta incuntra el maga conteo del polvo, hecho por el Lunar Dust EXperiment (LDEX) de [[LADEE]], con que ya alcanza el maga conteo del maga particulo con el de suyo maximo durante cierto maga [[ulan de maga meteoro]], na particular el [[maga Geminida]], el [[maga Cuadrantida]], el [[maga Taurida]] y el [[maga Omicron Centaurida]], cuando ta pasa el Tierra y el Luna por el maga [[escombro]] de maga [[cometa]]. [[Asimetrico]] el nube de lunar polvo, siendo mas denso cerca del limite entre el maga [[visible cara del Luna|visible]] y [[oculto cara del Luna]].

=== Maga condicion al superficie ===
[[File:AS17-145-22224.jpg|thumb|Si [[Gene Cernan]] con [[lunar polvo]] apegao al de suyo [[espacial traje]]. Altamente abrasivo el lunar polvo y dañino al maga humano [[pulmon]], ademas del maga [[nervioso sistema|nervioso]] y [[cardiovascular sistema]].]]
Ta produci el [[ionizante radiacion]] —originario del maga [[cosmico radiacion]], el [[Sol]] y el resultante [[radiacion por maga neutron]]— con un nivel de radiacion a, na promedio, 1.369 maga [[milisievert]] al dia, cosa alrededor de:
* 2.6 maga vez mas que na el [[Internacional Espacial Estacion]] con 0.53 maga milisiever al dia, a alrededor de 400&nbsp;km orbitando con el Tierra,,
* 5–10 maga vez mas que durante un trans-Atlantico viaje, o
* 200 maga vez mas que al superficie del Tierra.
Para mas comparacion el radiacion, na un [[tripulao viaje a Marte|viaje a Marte]], es alrededor de 1.84 maga milisievert al dia, y na Marte mismo, na promedio 0.64 maga milisievert al dia, y siguro ta tene algun maga ubicacion sobre Marte con maga nivel tan bajo como 0.342 maga milisievert al dia.

El [[oblicuidad del eclíptica]] del Luna, con respecto al [[ecliptica]], es solo 1.5427°, mucho menos que el 23.44° del Tierra. Debio a este chico oblicuidad, ta varia el solar iluminacion del Luna mucho menos por [[Maga estacion del año|estacion]] que na Tierra. Ta permiti esto con maga [[pico de eterno luz]] al [[norte polo del Luna]], al borde del [[crater]] [[Peary (crater)|Peary]].

Expuesto el superficie a maga drastica diferencia de temperatura, desde 140 °C hasta −171 °C, dependiendo del [[solar irradiacion]]. Debio al falta de atmosfera, ta varia particularmente el maga temperatura de maga diferente area, dependiendo del presencia o ausencia de luz o sombra. Poreso ta desempeña maga [[topografico]] detalle con un decisivo papel na maga local superficial temperatura. Ta queda firmi na sombra maga parte de mucho maga crater, particularmente el maga fondo de mucho maga polar crater. Poreso ta tene este maga "[[crater de eterno oscuridad]]" con sumamente bajo maga temperatura. Ta medi el ''Lunar Reconnaissance Orbiter'' con el mas bajo [[verano|veranal]] temperatura na maga crater al [[sur polo del Luna]] a {{Convert|35 |K |4=0 |abbr=on}} y solo {{Convert |26 |K |4=0 |abbr=on}} cerca del [[solsticio de invierno]] na el norteño polar crater [[Hermite (crater)|Hermite]]. Esto el mas [[frio]] temperatura jamas recordao por un espacial nave, aun mas frio que el superficie de [[Pluton]].

Ta cubri el corteza un superficial capa, llamao [[regolito]], mayoritariamente gris, formao por [[impact gardening|maga proceso de impacto]], y compuesto de [[cominucion|sumamente fino polvo]]. Ta tene el fino regolito, el [[lunar suelo]] de [[vidrio]] de [[óxido de silicio]], con un textura como nieve y un olor como gastao [[polvora]]. El regolito del maga mayor es generalmente mas espeso que el del maga menor: ta varia na espesor desde 10–15&nbsp;m na el maga planicie y 4–5&nbsp;m na el maga [[lunar mar]]. Debajo de este capa es el ''megaregolito'', un capa de altamente quebrao [[madre roca]] de mucho maga kilometro de espesor.

Debio a este maga extremo condicion, improbable que ta refugia el maga espacial nave con maga bacteriano [[espora]] na el Luna durante mas de solo uno lunar orbita.

=== Maga superficial caracteristica ===
{{AP|Selenografia||Lunar terrane|Lista de lunar caracteristica|Lista de maga cuadrangulo del Luna}}
[[File:Apollo 17 AS17-140-21497.jpg|thumb|Astronauta de [[Apolo 17]], si [[Harrison Schmitt|Harrison H. Schmitt]], na el superficie del Luna cerca de un gran [[bloque (roca)]].]]

Ya medi el [[lidar]] y el [[estereoscopia]] con el [[topografia del Luna]]. El de suyo mas extensivo [[lista de lunar caracteristica|topografica caracteristica]] es el gigante [[Cuenca Aitken]] al [[oscuro lado del Luna]] al [[sur polo del Luna]], con un [[diametro]] de 2,240&nbsp;km, el mas grande crater na el Luna y el segundo mas grande confirmao [[lista de maga crater de impacto na el Solar Sistema|crater de impacto na el Solar Sistema]] (el mas grande siendo el [[Utopia Planitia]]). Con un profundidad de 13&nbsp;km, el de suyo piso es el mas bajo punto na el superficie del Luna. Ubicao directamente al noreste el maga mas alto elevacion del superficie del Luna, siguro espesao por el [[oblicuo angulo]] de este [[astronomico impacto]]. Ta posee otro maga cuenca de impacto, como [[Mare Imbrium]], [[Mare Serenitatis]], [[Mare Crisium]], [[Mare Smythii]] y [[Mare Orientale]], con regionalmente bajo maga elevacion y elevao maga borde. El [[oculto cara del Luna]] es na promedio alrededor de 1.9&nbsp;km mas alto que el del [[visible cara del Luna|visible cara]].

Ta sugeri el descubrimiento de maga [[acantilao]] con maga [[escarpe de falla]] que ya encoge el Luna por alrededor de 90&nbsp;m durante el ultimo mil millon maga año. Ta existi similar maga caracteristica de encogimiento na [[Mercurio]]. Ya quebra y cambia Mare Frigoris, un cuenca cerca del [[norte polo del Luna|norte polo]], durante mucho tiempo presumio geologicamente muerto. Debio a que ta carece el Luna de maga [[tectonico placo]], lente el geologico actividad de este mar, y ta desarrolla maga grieta por el perdida del [[calor]].

==== Maga volcanico caracteristica ====
{{AP|Lunar vulcanismo}}
[[File:Moon names.svg|lang=es|thumb|upright=1.35|El maga nombre (na [[Lengua Español|español]]) del maga principal volcanico caracteristica: el maga [[lunar mar]] (azul) y algun maga [[lunar crater]] del [[visible cara del Luna]].]]
El maga principal caracteristica visible del Tierra a simple vista son maga oscuro y relativamente soso lunar [[llanura]] llamao maga [[lunar mar]] (na [[Lengua Inglés|ingles]] y [[Lengua Latin|latin]] ''mare'', plural ''maria'', porque na aquel entonces ya cree el maga temprano astronomo que este maga "mar" fue lleno de agua). Na [[realidad]] son maga vasto solidificao piscina de antiguo [[basaltico]] [[lava]]. Masquen similar a maga terrestre basalto, ta tene el maga lunar mar con mas [[hierro]] y ningun maga mineral alterao por (inexistente) agua. Ya queda vario maga [[geologico provincia]], que ta contene con maga [[volcan na escudo]] y maga volcanico [[lunar domo|domo]], dentro del maga "mar" del visible cara del Luna.

Ya queda casi todo el maga mar na visible cara del Luna, y ta cubri con 31% del superficie del visible cara, na comparacion con 2% del oculto cara. Esto siguro debio a [[KREEP]] bajo el corteza na visible cara, cosa siguro ya causa con el calentamiento, parcial fundicion, subida y subsecuente erupcion del subyacente manto. Ya erupciona el mayoria del maga lunar mar durante el [[Superior Imbrico Periodo]], hace 3.3–3.7 mil millon de maga año, masquen algun maga tan joven como 1.2 mil millon de maga año, y otro maga tan viejo como 4.2 mil millon de maga año (casi tan viejo como el Luna mismo, circa 4.5 mil millon de maga año de edad).

[[File:Lava flows in Mare Imbrium (AS15-M-1558).png|thumb|Maga viejo [[basalto|endurecio]] flujo de lava de [[Mare Imbrium]] formando con maga [[arrugao cresta]].]]

Na 2006 ya incuntra un estudio de [[Ina (crater)|Ina]], un chico depresion na [[Lacus Felicitatis]], con maga dentado caracteristica, relativamente sin polvo, que por falta de [[erosion]] por el caida de maga escombro, ya aparece tene con solo dos millon de maga año. Ta indica maga terremoto (o "selenemoto") y maga liberacion de [[gas]] con continuo lunar actividad. Hay evidencia de reciente [[lunar vulcanismo]] na 70 maga [[irregular zona de maga lunar mar]], algun maga menos que 50 millon de maga año de edad. Ta plantea esto con el posibilidad de un mucho mas caliente lunar manto que previamente asumio, por lo menos na visible cara donde el profundo corteza es sustancialmente mas caliente por causa del mayor concentracion de maga [[radiactivo elemento]]. Tambien hay evidencia para basaltico vulcanismo desde hace 2–10 millon de maga año dentro del crater [[Lovell (crater)|Lovell]], dentro del [[Mare Orientale]]. Para el maga prolongao actividad na lejano lado del Mare Orientale, puede responsible algun combinacion de un inicialmente mas caliente manto y un local enriquecimiento de maga calentador elemento na manto.

Llamao ''maga tierra'' (ing. y lat. ''terrae''), o mas comunmente ''maga planicie'', el maga relativamente claro region del Luna, porque mas alto este maga que el mayoria del maga mar. [[Radiometria|Radiometricamente]] fechao este maga a un formacion hace 4.4 mil millon de maga año de edad. y puede representa con maga [[cumulo (geologia)|cumulo]] de [[plagioclasa]] del lunar magmatico oceano. A diferencia del Tierra, ta cree el maga cientifico que hinde ya forma ningun mayor [[lunar montaña]] como resultao del maga tectonico evento.

El concentracion de maga mar na el visible cara es siguro un reflexion del sustancialmente mas esposo corteza del maga planicie del oculto cara, que puede ya forma na un impacto de lento velocidad por un segundo luna del Tierra, un maga decena de millon de maga año despues del formacion del Luna. Alternatively, puede un consecuencia de [[asimetrico]] [[calentamiento de marea]] cuando ya queda el Luna mucho mas cercano al Tierra.

==== Maga crater de impacto ====
{{further|Lista de maga crater na Luna}}
[[File:Daedalus crater AS11-41-6151.jpg|alt=Un gris superficie, con mucho maga cresta, desde el maga altura. El mas grande caracteristica es un circular anillao estructura con maga alto pared y un mas bajo central pico: lleno el entero superficie, hasta el horizonte, con maga similar estrucrtura, mas chico y traslapao.|thumb|Un vista de un gran crater, [[Daedalus (crater)|Daedalus]], a tres maga kilometro de profundidad, na [[oculto cara del Luna]].]]

Un mayor geologico proceso que ya afecta con el superficie del Luna son el maga [[crater de impacto]], que ta forma cuando ta colisiona maga [[asteroide]] y maga [[cometa]] con el lunar superficie. Na el visible cara del Luna, siguro hay alrededor de 300,000 maga [[crater]] mas ancho de un kilometro. El [[escala lunar geologico tiempo]] basao na mas prominente maga evento de impacto, incluyendo con el [[Nectarico Periodo]], el [[Imbrico Periodo]] y el [[Mare Orientale]]: maga estructura caracterizao por multiple maga anillo de elevao material, entre maga ciento y maga mil de kilometro de [[diametro]] y asociao con un ancho delantal de maga deposito de [[eyeccion]] que ta forma con un regional [[estratigrafia|estratigrafico horizonte]]. Ta significa el falta de un atmosfera, [[atmosferico tiempo|tiempo]] y maga reciente geologico proceso que bien preservao un gran numero de este maga crater (ademas del maga [[pisada]] del maga [[astronauta]] de ''[[Apolo 11]]''). Debio a que ta acumula el maga crater de impacto a un casi constante ritmo, puede usao un conteo del maga crater por area de unidad para estima con el edad del superficie. Ta agrupa el maga [[radiometria|radiometrico edad]] del maga roca derretio por impacto, recogio durante el [[maga mision del programa Apolo]], durante 3.8 y 4.1 mil millon de maga año de edad. Poreso ta propone el maga cientifico con un perido de mas bombardeo, conocio como el [[Intenso Tardio Bombardeo]].

Ta mostra maga imagen de alto resolucion, del Lunar Reconnaissance Orbiter na el maga 2010, con un contemporaneo ritmo de produccion de maga crater significantemente mas alto que anteriormente estimao. Ta deci el maga cientifico que siguro ta bati un secundario proceso de [[craterizacion]], causao por un [[manta de eyeccion]] con el dos maga superior centimetro de [[regolito]], na un escala de tiempo de 81.000 maga año. Este ritmo es 100 maga vez mas rapido que el ritmo computao de maga [[matematico modelo]] basao solo na el maga impacto de maga [[micrometeorito]].

==== Maga lunar remolino ====
{{AP|Maga lunar remolino}}
[[File:Reiner-gamma-clem1.jpg|thumb|Gran angular imagen de un lunar remolino, el [[Reiner Gamma]] de 70 kilometro de longitud.]]

El maga lunar remolino son enigmatico maga caracteristica incuntrao a traves del superficie del Luna. Caracterizao ellos por un alto [[albedo]], ta aparece [[optica]]mente inmaduro (i.e. el maga optico caracteristica de un relativamente joven regolito) y na manada situacion ta tene con un sinuoso forma. Ubicao ellos na mejorao superficial [[magnetico campo]] y ubicao mucho maga na [[antipodal punto]] de maga gran impacto. Ta inclui el maga destacao remolino con [[Reiner Gamma]] y [[Mare Ingenii]]. Hipotetizao ellos maga area parcialmente blindao del [[solar viento]], ansina que sujeto ellos a mas lento [[espacial erosion]].

=== Presencia de agua ===
{{AP|Lunar agua}}
Hinde puede persiste el liquido agua na el lunar superficie. Expuesto al [[solar irradiacion]], rapidamente ta descompone el agua por un proceso conocio como [[fotolisis]] y ta queda perdio al espacio. Sin embargo, desde el maga 1960, ya hipotetiza el maga cientifico que puede queda depositao por maga impactando [[cometa]] o posiblemente producio por el reaccion del maga [[lunar roca]], rico en [[oxigeno]], e [[hidrogeno]] del [[solar viento]], dejando maga rastro de agua que posiblemente puede persisti na maga frio [[crater de eterno oscuridad]] na cualquier del [[maga polo lunar]]. Ta sugeri el maga [[simulacion]] por [[computadora]] que ta queda hasta 14,000&nbsp;km<sup>2</sup> na permanente sombra. El presencia de maga usable cantidad de agua na el Luna es un importante factor na el renderizacion del [[colonizacion del Luna]] como un rentable plan, pues prohibitivamente caro el alternativo de transporta con el agua del Luna.

Desde entonces, incuntrao maga firma de agua na el lunar superficie. Na 1994, ya indica el [[biestatico experimento por radar]], ubicao na el espacial nave ''[[Clementine (espacial nave)|Clementine]]'', con el existencia de maga chico, congelao paquete de agua cerca del superficie. Sin embargo, ta sugeri maga observacion por radar por el [[radiotelescopio de Arecibo]] que este hallazgo puede de hecho maga roca expulsao por maga joven crater de impacto. Na 1998, ya demostra el [[espectrometro de maga neutron]] na el espacial nave ''[[Lunar Prospector]]'' que ta queda maga alto concentracion de hidrogeno na el primer metro de profundidad na el regolito cerca del maga polar region. Ta mostra maga [[abaolorio]] de volcanico lava, recogio al Tierra por [[Apolo 15]], con maga traza de agua na el de ellos interior.

[[File:Chandrayaan1 Spacecraft Discovery Moon Water.jpg|thumb|Na 2008, ya descubri por primera vez el equipo del [[Moon Mineralogy Mapper]] de [[NASA]], na el ''[[Chandrayaan-1]]'' de [[India]], con maga [[mineral]] rico na agua (mostrao na azul alrededor de un chico crater del que expulsao ellos).]]

Ya confirma el espacial nave ''[[Chandrayaan-1]]'' con el existencia de [[hielo]] na superficie, usando con el [[Moon Mineralogy Mapper]] a bordo. Ya observa el [[espectometro]] con maga [[linea de absorcion]] comun para el [[hidroxilo]], na el [[reflexion (fisica)|reflejao]] [[solar luz]], aportando con evidencia de maga grande cantidad de hielo na el lunar superficie. Ya demostra el espacial nave que puede tan alto como 1,000&nbsp;[[maga parte por millon]]. Usando con el maga espectro de [[reflectividad]], ya confirma el maga indirecto iluminacion de maga area na sombra con hielo dentro de 20° de latitud de ambo maga [[lunar polo|polo]] na 2018. Na 2009, ya envia [[LCROSS]] con un impactor de 2,300&nbsp;kg na un polar [[crater de eterno oscuridad]], y ya detecta por lo menos con 100&nbsp; de agua na un penacho de expulsao material. Ya demostra otro examinacion del maga datos de LCROSS con un cantidad de expulsao agua mas cerca de 155 ± 12 kg, o 5.6% por masa.

Na mayo de 2011 ya aparece el informe de agua de 615–1410&nbsp;ppm na maga [[inclusion de fosa]] na el lunar muestra 74220, el famoso "suelo de anaranjado vidrio" de volcanico origen recogio durante el mision de [[Apolo 17]] na 1972. Formao el maga inclusion durante maga explosivo erupcion na el Luna hace aproximadamente 3.7 mil millon de maga año. Comparable este concentracion con el del [[magma]] na el [[superior manto (Tierra)|superior manto]] del [[Tierra]]. Masquen de considerable [[selenologico]] interes, hinde ta significa este  perspicacia que facilmente disponible el agua puesto que ya origina el muestra mucho maga kilometro debajo del superficie, y accede con el maga inclusion es tan dificil que ya tarda con 39 maga año na incontra con ellos usando con un instrumento de ionico ultrasonda de ultimo generacion.

Ya revela un analisis del maga hallazgo del Moon Mineralogy Mapper (M3) na agosto de 2018 por primera vez con "definitivo evidencia" para hielo na lunar superficie. Ya revela el maga hecho con el maga distinto reflectivo firma de hielo. opuesto a polvo y otro maga reflectivo substancia. Incuntrao el maga deposito de hielo na el maga [[polo norte del Luna|polo norte]] y [[polo sur del Luna|sur]], masquen mas abundante na el Sur, donde atrapao el agua na maga crater de eterno oscuridad, que ta permiti que ta persisti este agua como hielo na el superficie, debio a que apantallao del sol este deposito.

Na octubre de 2020, ya informa el maga [[astronomo]] con el deteccion del molecular [[agua]] na el superficie del Luna iluminao por el Sol, detectao por vario maga independiente espacial nave, incluyendo con el [[SOFIA]].

== Sistema Tierra–Luna ==
{{VT|Satelital sistema (astronomia)|Otro natural maga satelite del Tierra|Doble planeta}}

=== Orbita ===
{{AP|Orbita del Luna|Lunar teoria}}
{{VTe|Lunar orbita|Cislunar espacio}}
[[File:Dscovrepicmoontransitfull.gif|thumb|Un vista del rotando Tierra y el [[oculto cara del Luna]] mientras que ta pasa el Luna na el de suyo orbita entre el observando [[DSCOVR|satelite DSCOVR]] y el Tierra.]]

Ta forma el Tierra y el Luna con el [[satelital sistema]] Tierra–Luna con un compartio centro de masa, o [[baricentro]]. Ta queda este baricentro a 1,700&nbsp;km (alrededor de un cuarto del [[terrestre radio]]) debajo del terrestre superficie.

Algo eliptico el orbita del Luna, con un [[orbital excentricidad]] de 0.055. El [[mayor semieje]] del geocentrico lunar orbita, llamao el [[lunar distancia]], es aproximadamente 400,000&nbsp;km, comparable a [[circunnavega]] con el Tierra 9.5 maga vez.

Ta hace el Luna con un completo orbita alrededor del Tierra con respeto al [[maga fijo estrella]], el de suyo [[sideral periodo]], cada 27.3 maga dia, mas o menos. Sin embargo, debio a que durante este tiempo ta move el sistema Tierra–Luna na el de suyo orbita alrededor del Sol, ta tarda algo mas largo, 29.5 maga dia, na volve al mismo [[lunar fase]], completando con un lunar ciclo, como visto del Tierra. Comunmente conocio este [[sinodico periodo]], o sinodico mes, como el [[lunar mes]], e igual este mes al largura del [[solar dia]] na el Luna.

Debio al [[acoplamiento de marea]], ta tene el Luna con un [[orbital resonancia]] de 1:1. Por causa de este [[razon (matematica)|razon]] [[rotacion]]–[[orbita]], igual el maga orbital periodo del Luna alrededor del Tierra al de suyo correspondiente maga [[periodo de rotacion]]. Esto es el razon por que solo un lado del Luna, el de suyo llamao [[visible cara del Luna|visible cara]], es visible desde el Tierra. Esto dicho, mientras que ta queda na resonancia el movimiento del Luna, ta sufri pa ele con tal maga matiz como el [[libracion]], dando lugar a ligeramente cambiante maga perspectiva,, ansina que con el pasaje del tiempo, visible desde el Tierra alrededor de 59% del superficie del Luna.

Hinde como el mayoria del maga satelite de otro maga planeta, mas cerca el orbital plano del Luna al [[ecliptico]] que al [[celeste ecuador]]. Ta sufri el orbita del Luna con maga sutil perturbacion, por el Sol y el Tierra, na mucho maga chico, complejo e interactuando manera. Por ejemplo, [[lunasticio|ta gradualmente rota]] el plano del orbita del Luna un vez cada 18.61 maga año, que ta afecta con otro maga aspecto del lunar mocion. [[Matematica]]mente ta describi el [[maga ley de si Cassini]] con este maga subsecuente efecto.

[[File:Moon_distance_range_to_scale.svg|center|thumb|upright=3|Minimo, medio y maximo maga distancia del Luna desde el Tierra con el de suyo [[angular diametro]] como visto desde el superficie del Tierra, a escala.]]

=== Maga efecto de marea ===
{{AP|Fuerza de marea|Aceleracion de marea|Marea|Teoria de maga marea}}
[[File:Tide animation.gif|thumb|Simplificao diagrama del gravitatorio efecto del Luna na el maga marea del Tierra.]]

Ta manifesta el mutual gravitatorio atraccion del Tierra y el Luna (ademas del Sol) na un ligeramente mayor atraccion na el maga mas cercano lado, resultando na maga [[fuerza de marea]]. El maga [[marea]] del [[oceano]] son el mas ampliamente experimentao efecto de esto, pero considerablemente ta afecta el maga fuerza de marea con otro mecanismo del Tierra, ademas del Luna y el de ellos sistema.

Ta experimenta el lunar solido corteza con maga marea de amplitud de alrededor de 10&nbsp;cm a traves de 27 maga dia, con tres maga componente: un fijo marea debio al Tierra, porque ta queda ellos na [[sincronico rotacion]], un variable marea por causa del orbital excentricidad e inclinacion, y un chico variable componente del Sol. Ta surgi el variable componente inducio por el Tierra por causa de cambiante distancia y [[libracion]], un resultao del orbital excentricidad del Luna y el de suyo inclinacion (si perfectamente circular y sin inclinacion el orbita del Luna, solo hay maga solar marea). Segun reciente maga investigacion, ta sugeri el maga cientifico que puede contribui el influencai (del Luna na al Tierra) al mantenimiento del [[terrestre magnetico campo]].

Ta produci el maga cumulativo efecto del estres, aumentao por este maga fuerza de marea, con maga [[lunar terremoto]]. Mucho menos comun el maga lunar terremoto que el de ellos maga terrenal contraparte, aunque ta puede dura el maga lunar terremoto hasta un hora —significantemente mas largo que maga terrestre— debio al dispersion del maga sismico vibracion na el superior corteza, seco y fragmentao. El existencia del maga lunar terremoto fue un inesperao descubrimiento por el maga [[sismografo]] colocao na el Luna por el maga [[astronauta]] del [[programa Apolo]] desde 1969 hasta 1972.

De vuelta na el Tierra, maga elevao nivel del mar, llamao maga marea de oceano, son el mas comunmente conocio efecto del maga fuerza de marea. Mientras que ta ejerce el Luna con el mayoria del maga fuerza de marea, tambien ta ejerce el Sol con maga fuerza de marea y ansina ta contribui al maga marea tanto como el 40% del fuerza de marea del Luna, produciendo por este interaccion con el maga [[vivo marea|vivo]] y [[muerto marea]].

El maga marea son dos maga protuberancia na el maga [[oceano]] del Tierra, uno na el lado frente al Luna y el otro na al opuesto lado. Mientras que ta rota el Tierra na [[terrestre eje|el de suyo eje]], ta queda uno del maga protuberancia del oceano (pleamar) na el de suyo lugar "bajo" el Luna, mientras que hay otro marea na el opuesto lado del Tierra. Como resultao, hay dos maga pleamar y dos maga bajamar na alrededor de 24 maga hora. Ya que ta orbita el Luna con el Tierra na el mismo direccion como el del rotacion del Tierra, ta ocurri el maga pleamar alrededor de cada 12 maga hora y 25 maga minuto, el 25 maga minuto debio al tiempo que ta tarda el Luna na volve al de suyo anterior percibio posicion (na el cielo).

Si el Tierra fuera un mundo de agua (hinde un [[tematico parque]] sino un planeta cubierto de agua, sin maga continente) ta produci ele un marea, muy predecible, de un solo metro. Pero ta tene kita con maga continente na el de kanaton mundo, y ta modifica otro maga efecto con el maga marea del oceano na gran medida:
* el [[friccion]]al acoplamiento del agua al rotacion del Tierra a través del maga [[oceanico relieve]],
* el [[inercia]] del movimiento del agua,
* el maga [[oceanico cuenca]] que ta queda menos profundo cerca del tierra, y
* el chapoteo del agua entre maga diferente oceanico relieve.
Como resultao, el horario del maga marea na el Tierra es un producto de maga observacion explicao, incidentalmente, por teoria.

Ta causa maga retraso na el maga pico del maga marea (y na el oceano y na el maga solido cuerpo) con un [[momento de fuerza]] na oposicion al [[rotacion del Tierra]]. Ta "escurri" esto con [[angular momento]] y rotacional [[cinetico energia]] del rotacion del Tierra, y por lo tanto ta ralentiza el rotacion del Tierra. Ta desplaza este angular momento del Tierra al Luna na un proceso conocio como [[aceleracion de marea]], que ta eleva con el Luna a un mas alto orbita mientras que ta baja con el orbital velocidad alrededor del Tierra.

Ansina ta aumenta el distancia entre el Tierra y el Luna, y na reaccion ta ralentiza el rotacion del Tierra. Ya incuntra maga medicion del maga reflector de [[laser]] dejao durante el maga mision del [[programa Apolo]] (el [[Laser Ranging Retro-Reflector]]) que ta aumenta el distancia del Luna na 38&nbsp;mm al año (aproximadamente el tasa de crecimiento del maga humano [[uña]]). Ta demostra maga [[atomico reloj]] que ta alarga el dia del Tierra na alrededor de 17&nbsp;[[microsegunda]] al año, lentamente aumentando al tasa na el que ta ajusta el [[UTC]] por maga [[intercalar segundo]].

Ta hace este [[resistencia (fluido)|resistencia]] que muy lentamente ta coincidi el rotacion del Tierra y el orbital periodo del Luna. Inicialmente, ta resulta este cotejo na [[acoplamiento de marea]] para el mas ligero cuerpo del [[orbital sistema]], cosa ta el caso ya para el Luna. Teoricamente, dentro de 50 mil millon de maga año, ay ralentiza el rotacion del Tierra hasta el punto de coincidi con el orbital periodo del Luna, causando que firmi ta presenta el Tierra con el mismo lado al Luna. Sin embargo, ay queda el Sol un [[rojo gigante]], engullindo con el sistema Tierra–Luna, mucho antes de entonces.

== Posicion y apariencia ==
{{VT|Observacion del Luna}}
[[File:Lunar libration with phase Oct 2007 (continuous loop).gif|thumb |alt=A traves de un lunar mes, visible mas de un mitad del superficie del Luna, desde el superficie del Tierra.|El [[libracion]], el ligero variacion na el [[aparente tamaño]] y [[angulo de vision]] a traves de un lunar mes como visto del norte del Tierra.]]

Ta varia el [[altura (astronomia)|altura]] al [[culminacion]] por el de suyo [[lunar fase]], o mas bien el de suyo orbital posicion, y el [[estacion del año]], o mas bien el posicion del [[terrestre eje]]. Mas alto el [[lleno luna]] na el cielo durante el invierno y mas bajo durante el verano (para cada [[hemisferio]]).

Al maga [[norte polo del Luna|norte]] y [[sur polo del Luna]], ta queda el Luna arriba del [[horizonte]] durante dos maga semana cada [[tropical mes]] (alrededor de 27.3 maga dia), comparable al [[polar dia]] del [[tropical año]]. Ta utiliza el maga [[zooplancton]] na el [[Artico]] con el [[claro de luna (astronomia)|claro de luna]] cuando ta queda el Sol [[polar noche|debajo del horizonte]] durante vario maga mes.

Na cuanto al aparente orientacion del Luna, ta depende ele del de suyo posicion na el cielo y el hemisferio del Tierra desde el que visto. Na el [[norte hemisferio]] ta aparece al reves na comparacion con el vista del [[sur hemisferio]]. Tiene vez ta aparece el maga "cuerno" de un [[creciente luna]] apunta mas hacia arriba que a un lado. Conocio este fenomeno como un [[mojado luna]] y ta ocurri mas frecuentemente na el [[intertropical zona]].

Ta varia el [[distancia al Luna]] desde 356,400&nbsp;km ([[perigeo]]) hasta 406,700&nbsp;km ([[apogeo]]) ansina que ta fluctua el distancia y [[aparente tamaño]] del Luna hasta 14%. Na promedio el [[angular diametro]] del Luna es alrededor de 0.52°, casi el mismo aparente tamaño como el Sol (mira con el seccion "Maga eclipse" mas abajo). Ademas, ta hace un puramente [[sicologico]] efecto, conocio como el [[lunar ilusion]], que ta aparece mas grande el Luna cuando mas cerca del horizonte.

A pesar del acoplamiento de marea, ta hace el efecto de [[libracion]] con alrededor de 59% del superficie del Luna visible desde el Tierra a traves de un mes.

=== Rotacion ===
[[File:Tidal locking of the Moon with the Earth.gif|thumb|Comparacion entre el Luna al izquierda, rotando con acoplamiento de marea (correcto), y el Luna al derecha, sin rotacion (incorrecto).]]

Gracias al [[acoplamiento de marea]] del Luna mientras que ta orbita este con el Tierra, firmi ta enfrenta el planeta casi el mismo cara. El lado del Luna que ta enfrenta con el Tierra es el [[visible cara del Luna|visible cara]], y el opuesto el [[oculto cara del Luna]]. Na manada situacion conocio el segundo como el "oscuro lado", pero de hecho iluminao tan a menudo como el cercano cara, una vez cada 29.5 maga terrestre dia. Entre el [[oscuro luna]] y el [[nuevo luna]], oscuro el cercano lado.

Originalmente ya rota el Luna a un mas rapido tasa, pero temprano na el de suyo historia ya ralentiza el de suyo rotacion, y ya ocurri el acoplamiento de marea, como resultao de maga [[friccion]]al efecto asociao con maga deformacion na el [[fuerza de marea]], causao por el Tierra. Eventualmente ya disipa como calor el energia del Luna na el de suyo eje, hasta que nuay ningun rotacion del Luna relativo al Tierra. Na 2016, ta incuntra maga planetario cientifico, usando con maga dato recogio del mision ''[[Lunar Prospector]]'' de [[NASA]] na 1998–99, con dos maga area rico na [[hidrogeno]] (siguro anteriormente hielo) na maga opuesto lado del Luna. Especulao que este maga area fueron el maga polo del Luna, hace cuanto mil millon de maga año, antes del acoplamiento de marea.

=== Iluminacion y maga fase ===
{{VT|Lunar fase|Claro de luna (astronomia)|Halo (meteorologico fenomeno)}}
[[File:Moon phases en.jpg|center|thumb|upright=1.5|El maga mensual cambio na el angulo entre el direccion de solar luz y vista del Tierra, y el maga [[lunar fase|fase del Luna]] que ta resulta, como visto del [[Norte hemisferio]]. Hinde a escala el [[distancia al Luna|distancia Tierra–Luna]].]]

Firmi iluminao por el Sol, salvo durante un [[lunar eclipse]], el mitad del superficie del Luna  Tambien ta reflexiona el Sol con luz al Luna, observable a maga tiempo como [[claro de Tierra (astronomia)|claro de Tierra]] cuando reflexionao de vuelta al Tierra de maga area del [[visible cara del Luna]] hinde iluminao por el Sol.

Ya que el lunar [[oblicuidad del eclíptico]] es 1.5427°, na cada [[draconico año]] (346.62 maga dia) ta move el Sol, desde 1.5427° al norte del ecuador lunar, hasta 1.5427° de ello, y de vuelta, justo como na el Tierra ta move el Sol desde el [[Tropico de Cancer]] hasta al [[Tropico de Capricornio]] y de vuelta cada [[tropical año]]. Poreso sombreao el maga polo del Luna durante un mitad de un draconico año (o vislble solo un parte del Sol) y entonces iluminao durante el otro mitad. Na cuanto al cantidad de luz solar cayendo na el maga horizontal area cerca del maga polo, ta depende del [[angulo]] de [[altura (geometria)|altura]] del Sol. Pero ta tene este maga "estacion" con poco efecto na maga ecuatorial area.

Con el maga diferente posicion del Luna, iluminao maga diferente parte por el Sol. Ta produci este iluminacion de maga diferente lunar area, como visto del Tierra, con el maga diferente [[lunar fase]] durante el [[sinodico mes]]. Igual un fase al area del visible lunar [[esfera]] iluminao por el Sol. Ta dale este area o ''nivel de iluminacion'' <math>(1-\cos e)/2=\sin^2(e/2)</math>, donde <math>e</math> es el [[elongacion (astronomia)|elongacion]] (i.e. el angulo entre el Luna, un obervador na el Tierra, y el Sol).

Tambien ta cambia el brillo y aparente tamaño del Luna debio al de suyo [[eliptico]] [[orbita del Luna|orbita alrededor del Tierra]]. Al [[apogeo]] (mas distante) puede queda 14% mas carca, aparece mas grande, y tene con un aumento de brillo por 30%, que al [[perigeo]] (mas cercano) y el mismo fase. Un lleno (o nuevo) luna a tal posicion es un [[superluna]].

==== Maga observacional fenomeno ====
Historicamente hay controversia sobre si ta cambia maga observao caracteristica na el superficie del Luna con el pasaje del maga año. Hoy dia considerao ilusorio el mayoria de este maga reclamo, causao por observacion bajo maga diferente estado de iluminacion, pobre astronomico [[seeing]], o maga inadecuao [[dibujo]]. Sin embargo, tiene vez ta ocurri gayot el [[desgasificacion]], y puede responsable para un chico porcentaje del maga reclamao [[transitorio lunar fenomeno]]. Hace poco tiempo hay un sugerencia de que ya sufri un region del lunar superficie (con un diametro de alrededor de 3&nbsp;km) con un modificacion por un evento de liberacion de [[gas]] hace alrededor de un millon maga año.

=== Albedo y color ===
[[File:Two Lunar Phases.jpg|thumb|right|upright=1.35|El cambiante aparente color del Luna, filtrao por el [[atmosfera del Tierra]].]]

Ta tene el Luna con un excepcionalmente bajo [[albedo]], y ansina un [[difuso reflexion|reflectancia]] algo mas brillo que el de desgastao [[asfalto]]. A pesar de esto, es el mas brillo objeto na el cielo despues del [[Sol]], parcialmente debio al mejora del brillo gracias al [[efecto de oposicion]]: el Luna a cuarto fase es solo un decimo tan brillante, na lugar de un mitad tan brillante, como un [[lleno luna]]. Ademas, ta recalibra el [[constancia de color]] na el [[visual sistema]] con el maga relacion entre el maga color de un objeto y el de suyo entorno, y ya que comparativamente oscuro el circundante cielo, visto el Luna, iluminao por el Sol, como un brillante objeto. Ta parece el maga borde del lleno luna tan brillante como el centro, sin [[oscurecimiento al borde]], gracias al [[ley de si Lambert|maga reflectivo propiedad]] del [[lunar suelo]], que ta [[retrorreflector|retrorreflexiona]] con el luz mas hacia el Sol que na otro maga direccion. Ta depende el lunar color del luz reflejao por el Luna, que al de suyo vez ta depende del lunar superficie y el de suyo maga caracteristica, teniendo con (por ejemplo) maga [[lunar mar|grande y oscuro region]]. Por lo general ta reflexiona el lunar superficie con un gris parduzco luz, [[gen dun|como el color de cuanto maga caballo]].

Visto desde el Tierra ta filtra el aire con el reflexinao luz, que tiene vez ta dale a esto con un marron rojizo color dependiendo del angulo del Luna na el cielo y espesor del atmosfera, o un azul tinte dependiendo del [[difuso radiacion del cielo|maga particula na el aire]], como na maga caso del [[volcanico ceniza|maga volcanico particula]]. Hinde necesariamente ta referi el maga termino [[luna de sangre]] y [[azul luna]] a maga circunstancia de rojo o azul [[claro de luna (astronomia)|claro de luna]], sino que son maga algo particular cultural referencia, tal como maga particular [[lleno luna#Na folclore y tradicion|lleno luna]] de un año.

=== Maga eclipse ===
{{AP|Solar eclipse|Lunar eclipse|Ciclo de maga eclipse}}
Solo ta ocurri el maga eclipse cuando ta queda el Sol, el Tierra '''y''' el Luna na un [[recta]] (denominao como "[[sizigia]]"). Ta ocurri el maga [[solar eclipse]] al [[nuevo luna]], cuando ta queda el Luna entre el Sol y el Tierra. Na cambio, ta ocurri el maga [[lunar eclipse]] al [[lleno luna]], cuando ta queda el Tierra entre el Sol y el Luna. El aparente tamaño del Luna es mas o menos el mismo como el del Sol, y ta tene ambo maga con un aparente anchura de un mitad de un [[grado sexagesimal|grado]]. Mucho mas grande el Sol que el Luna, por supuesto, pero ta dale el vasto distancia al Sol con el mismo aparente tamaño como el mucho mas cercano y mucho mas chico Luna, desde el perspectiva del Tierra. Ademas, casi ta coincidi el maga variacion na maga aparente tamaño, debio al [[eliptico orbita|hinde circular orbita]], masquen ta ocurri na maga diferente ciclo. Poreso posible y maga [[total eclipse|total]] (cuando ta aparece el Luna mas grande que el Sol) y [[anular]] (cuando ta aparece el Sol mas grande que el Luna) solar eclipse. Durante un total eclipse, ta cubri el Luna con el disco del Sol, y ta queda visible el [[solar corona]] a [[simple vista]]. Debio a que muy lentamente ta aumenta el distancia entre el Luna y el Tierra, ta disminui el angular diametro del Luna. Mientras que ta evoluciona hacia queda un [[rojo gigante]], lentamente ta aumenta el tamaño del Sol, ademas del de suyo aparente diametro na el cielo. Ta significa el combinacion de este dos maga cambio que, hace cuanto cien millon de maga año, firmi ya cubri el Luna con el Sol por completo durante el maga solar eclipse, e imposible el maga anular eclipse. Ansina mismo, cuanto cien millon de maga año na maga futuro, ay hinde ya cubri el Luna con el Sol por completo, y hindi ay ocurri el maga total solar eclipse.

Debio a que inclinao (por alrededor de 5.145°, o 5° 9') el orbita del Luna alrededor del Tierra con respeto al [[ecliptica|orbita del Tierra alrededor del Sol]], hinde ta ocurri maga eclipse a cada lleno y nuevo luna. Para que ocurri un eclipse, ta debe el Luna queda cerca del interseccion del dos maga [[orbital plano]]. Ta describi el [[saros]] —que ta tene con un periodo de aproximadamente 18 maga año— con el periodicidad y recurrencia del maga eclipse del Sol por el Luna, y del Luna por el Tierra.

Debio a que continuamente ta bloquea el Luna con el vista de un circular area del cielo, de un diametro de un mitad de un grado, ta ocurri el relacionao fenomeno de [[ocultacion]], cuando ta pasa un brillante estrella o planeta detras del Luna y ta queda oculto. De este manera, un solar eclipse es un ocultacion del Sol. Debio a que comparativamente cerca del Tierra el Luna, hinde visible (por todo maga parte del planeta) el maga ocultacion de maga individual estrella, ni al mismo tiempo. Debio al [[precesion]] del lunar orbita, ocultao diferente maga estrella cada año.

== Historia de exploracion y humano presencia ==
{{AP|Exploracion del Luna|Lista de maga extraterrestre orbitador|Lista de maga mision al Luna|Lista de maga lunar sonda}}

=== Pretelescopico observacion  (antes de 1609) ===
{{AP|Exploracion del Luna#Antes del espacial vuelo}}
Ta cree algun maga que el proposito del maga [[tallao palo]] (de 20–30,000 maga año de antigüedad) fue medi con el Luna, marcando con el tiempo usando el creciente y menguante del maga [[lunar fase]]. Uno del mas antiguo posible representacion ya conocio del Luna es un [[petroglifo]] de 5000 maga año de antigüedad ''[[Orthostat 47]]'' a [[Knowth]], Irlanda.

Ya razona el [[Antigua Grecia|antiguo griego]] [[filosofo]] si [[Anaxagoras]] (f. 428 AEC) que el Sol y el Luna fueron maga gigante [[esferico]] roca (parcialmente correcto) y que ya refleja el segundo con el luz del primero (correcto). Na otro maga parte durante el aca-5 y aca-4 maga siglo AEC, ya graba el maga [[babilonico astronomia|babilonico astronomo]] con el [[saros]] de 18 maga año de maga [[lunar eclipse]], y ya describi el maga [[indio astronomia|indio astronomo]] con el la mensual elongacion del Luna. Ya dale el [[chino astronomia|chino astronomo]] si [[Shi Shen]] (fl. aca-4 siglo AEC) con maga instruccion para predeci con el maga [[solar eclipse|solar]] y lunar eclipse.

Na el [[Sobre el cielo|descripcion del universo]] de si [[Aristoteles]] (384–322 AEC), ya marca el Luna con el borde entre el maga esfera del maga [[maga elemento del naturaleza|mutable elemento]] ([[tierra (elemento)|tierra]], [[agua (elemento)|agua]], [[aire (elemento)|aire]] y [[fuego (elemento)|fuego]]) y el maga imperecedero estrella del [[eter (elemento)|eter]], un [[aristotelico física|influyente filosofia]] que ya domina durante maga siglo. Ya diseña si [[Arquimedes]] (287–212 AEC) con un planetario capaz de calcula con el maga movimiento del Luna y de otro maga objeto del Solar Sistema. Na el aca-2 siglo AEC,  ya teoriza correctamente si [[Seleuco de Seleucia]] que ya causa el maga [[marea]] el atraccion del Luna, y que ta depende el de ellos altura del posicion del Luna relativo al del Sol. Na el mismo siglo, [[Sobre el maga tamaño y el maga distancia (Aristarco)|ya computa si Aristarco con el tamaño y distancia]] del Luna desde el Tierra, obteniendo con un valor de veinte maga vez el [[terrestre radio]] para el distancia.

Masquen ya cree el maga chino del [[dinastia Han]] que el Luna fue energia equivalente al ''[[qi]]'', ya reconoce el de ellos teoria de "radiante influencia" que el luz del Luna fue meramente un reflejo del Sol, y ya nota si [[Jing Fang]] (78–37 AEC) con el [[esfericidad]] del Luna. Ya mejora mucho si [[Claudio Ptolomeo]] (90–168) con el maga [[numero]] de Aristarco, calculando con un medio distancia de 59 maga vez el terrestre [[radio]] del Tierra y un diametro de 0,292 maga terrestre [[diametro]], cerca del maga correcto valor de alrededor de 60 y 0,273 respectivamente.

Na el aca-2 siglo del de kanaton era, ya escribi si [[Luciano de Samosata]] con el novela [[Verdadero historia]], na el que ta viaja el maga heroe al Luna y ta conoce con el de suyo maga habitante. Na 499 CE, ya menciona el indio astronomo si [[Aryabhata]] na el de suyo [[Aryabhatiya]] que el reflejao solar luz es el causa del brillo del Luna. Ya incuntra el astronomo y fisico si [[Alhacén]] (965–1039) que hinde reflejao el [[solar luz]] desde el Luna como un [[espejo]] sino que emitio luz desde cada parte del lunar superficie, iluminao por el Sol, na todo el maga direccion. Ya crea si [[Shen Kuo]] (1031–1095, del [[dinastia Song]]) con un [[alegoria]] equiparando con el luna creciente y menguante a un redondo [[bola (topologia)|bola]] de reflectante [[plata]] que, cuando rociao con blanco [[polvo]] y visto de lado, ya parece a un [[creciente]].

Durante el [[Medio Edad]], antes del invencion del telescopio, el Luna cada vez mas reconocio como un esfera, masquen ya cree pa mucho que ele "perfectamente liso".

=== Telescopico exploracion (1609–1959) ===
{{AP|Exploracion del Luna#Antes del espacial vuelo}}
[[File:Galileo's sketches of the moon.png|thumb |upright |Maga esbozo de si [[Galileo]]'del Luna del innovador ''[[Sidereus Nuncius]]'' (1610), publicando entre otro maga hallazgo con el primer maga descripcion del [[selenografia|topografia del Luna]].]]

Na 1609, ya usa si [[Galileo Galilei]] con un temprano [[telescopio]] para hace con maga dibujo del Luna para el de suyo libro ''[[Sidereus Nuncius]]'', y dedujo que no era liso sino que ya tene con maga montaña y maga crater. Poco maga mes mas temprano, ya hace, pero hinde si publica, si [[Thomas Harriot]] con tal maga dibujo.

Ya segui el telescopico cartografia del Luna: mas tarde na el aca-17 siglo, ya conduce el maga esfuerzo de si [[Giovanni Battista Riccioli]] y si [[Francesco Maria Grimaldi]] al actual sistema de nomenclatura del maga lunar caracteristica. Na cuanto al mas exacto ''Mappa Selenographica'' (1834–1836) de si [[Wilhelm Beer]] y si [[Johann Heinrich von Mädler]], y el de ellos asociao libro ''Der Mond'' (1837, aleman para ''El Luna''), el primer [[trigonometria|trigonometricamente]] preciso estudio del maga lunar caracteristica, ya inclui este maga libro con el maga altura de mas de mil maga montaña, y ya introduci con el estudio del Luna a maga precision posible na el terrestre [[topografia]]. El maga lunar crater, notao por primer vez por si Galileo, considerao como [[volcan]]ico hasta el propuesta de si [[Richard Anthony Proctor]], na el decada 1870, de que ya forma maga colision con el maga crater. Ya gana este punto de vista con apoyo na 1892 a partir del experimentacion del [[geologo]] si [[Grove Karl Gilbert]], y a partir de maga comparativo estudio desde 1920 hasta el decada 1940, llevando al desarrollo del [[escala de lunar geologico tiempo|lunar estratigrafia]], que na el decada 1950 ya queda un nuevo y creciente rama del [[astrogeologia]].

=== Primero maga mision al Luna (1959–1990) ===
{{VT|Espacial carrera|Alunizaje}}
Despues del [[Segunda Mundial Guerra]] ya aparece el primer maga [[espacial lanzadera]] y a maga final del decada 1950 ya alcanza con maga capacidad que ya permiti que ya lanza el [[Sovietico Union]] y el maga [[Estados Unidos]] con maga [[espacial nave]] na el [[exterior espacio]]. Ya impulsa el [[Frio Guerra]] con un desarrollo, seguio de cerca, de maga espacial lanzadera por el dos maga estado, llevando al llamao [[espacial carrera]] y el de suyo mas tarde fase el lunar carrera, acerelando con maga esfuerzo e interes na el [[exploracion del Luna]].

[[File:Luna 3 moon.jpg|thumb|Primera vista del [[oculto cara del Luna]], tomao por [[Luna 3]], 7 de octubre de 1959. Claramente visible es [[Mare Moscoviense]] (top right) y un trio de maga mare: [[Mare Crisium]], [[Mare Marginis]] y [[Mare Smythii]] (izquierdo centro).]]

Despues del primer [[orbital espacial vuelo]] del ''[[Sputnik 1]]'' na 1957 durante el [[Internacional Geofisico Año]] el maga espacial nave del [[programa Luna]] del Sovietico Union fueron el maga primero na lograr con un serie de maga objetivo. Despues de tres maga innombrao fallao mision na 1958, ya escapa el primer objeto hecho por el hombre, ''[[Luna 1]]'', del [[gravedad]] del Tierra y ya pasa cerca del Luna na 1959. Mas tarde, na el mismo año, ya alcanza ''[[Luna 2]]'' al lunar superficie por un [[aterrizador|intencional impacto]]. Al final de aquel año ya alcanza ''[[Luna 3]]'' al [[oculto cara del Luna]], tomando con el maga primer [[fotografia]] de ello. El primer espacial nave na realiza con un exitoso lunar [[suave aterrizaje]] fue ''[[Luna 9]]'' y el primer vehiculo na orbita con el Luna fue ''[[Luna 10]]'', ambo maga na 1966.

[[File:NASA-Apollo8-Dec24-Earthrise.jpg|thumb|''[[Salida del Tierra]]'', el primer [[Cronologia del maga primer imagen del Tierra desde el espacio|imagen del Tierra]] na color tomao por un humano desde el Luna, durante [[Apolo 8]] (1968), el primer vez que ya sali del [[terrestre orbita]] un tripulao espacial nave y ya alcanza a otro [[astronomico objeto]].|alt=El chico azul-blanco [[circulo|semicirculo]] del Tierra, casi brillando de color na el negrura del espacio, saliendo sobre el limbo de la desolao, cratereao superficie del Luna.]]

Siguiendo con el compromiso de si [[John F. Kennedy]] a un tripulao [[alunizaje]] antes del final del decada, ya lanza el maga Estados Unidos, bajo el liderazgo de NASA, con un serie de maga sonda sin tripulacion para desarrolla con un entendimiento del lunar superficie na preparacion para maga humano mision: el [[programa Ranger]] del [[Laboratorio de Propulsion a Reaccion]], el [[programa Lunar Orbiter]] y el [[programa Surveyor]]. Desarrollao na paralelo el tripulao [[programa Apolo]], despues de un serie de maga prueba (con y sin tripulacion) del espacial nave Apolo na el [[terrestre orbita]], e impulsao por un potencial [[tripulao lunar programa del Sovietico Union|Sovietico humano alunizaje]], na 1968 ya realiza [[Apollo 8]] con el primer humano mision al [[lunar orbita]]. (Ya circula el Luna el primer maga terricola, dos maga [[testudinidos]], tres maga mes mas temprano na el ''[[Zond 5]]'' del Sovietico Union, seguio por maga tortuga na ''[[Zond 6]]''.) Ya mira mucho gente con el subsiguiente humano alunizaje na 1969 como el culminacion del espacial carrera.

A 02:56 UTC na el 21 de julio de 1969, ya queda si [[Neil Armstrong]] el primer persona na camina sobre el Luna como comandante del estadounidense mision ''[[Apolo 11]]'', Ya mira un estimao 500 millon de maga persona con el transmision por el [[camara de TV de Apolo]], el mas grande televisivo audiencia para un transmision na vivo na aquel entonces. Ya remove el maga mision Apolo 11–17 (excepto [[Apolo 13]], que ya aborta con el de suyo previsto alunizaje) con 380.05&nbsp;kg de [[lunar roca]] y [[lunar suelo|suelo]] na 2,196 maga muestra.

Instalao maga paquete de maga cientifico instrumento na el lunar superficie durante todo el maga alunizaje de Apolo. Instalao maga longevo [[Maga paquete de maga experimento Apolo na el lunar superficie|maga estacion de maga instrumento]], incluyendo con maga sondas de [[flujo de calor]], maga [[sismografo]] y maga [[magnetometro]] al maga sitio de alunizaje de [[Apolo 12]], [[Apolo 14|14]], [[Apolo 15|15]], [[Apolo 16|16]] y [[Apolo 17|17]]. Ya conclui el directo transmision de maga [[dato]] al Tierra a maga final de 1977 por maga presupuestario consideracion, pero ya que el maga [[Laser Ranging Retro-Reflector]] son maga pasivo instrumento, ta segui na uso. Ta queda pa [[Apolo 17]] na 1972 el ultimo tripulao mision al Luna. [[Explorer 49]] na 1973 fue el ultimo dedicao estadounidense sonda al Luna hasta el decada 1990.

Ya envia el Sovietico Union con maga robotico mision al Luna hasta 1976, implementando na 1970 a bordo de ''[[Luna 17]]'' con el primer [[rover]] a control remoto, ''[[Lunojod 1]]'', na un extraterrestre superficie. Ademas ya recoge y ya devolve tres maga mision ''Luna'' (''[[Luna 16]]'' na 1970, ''[[Luna 20]]'' na 1972 y ''[[Luna 24]]'' na 1976) con 0.3&nbsp;kg de maga muestra del maga lunar roca y el lunar suelo.

=== Tratado del Luna y ausencia de exploracion (1976–1990) ===
{{AP|Tratado del Luna}}
Ya segui un quietud de catorce maga año con el ''[[Luna 24|ultimo sovietico mision al Luna]]'' na 1976. Ya cambia el enfoque del [[astronautica]] al exploracion del maga [[Interior Solar Sistema|interior]] (e.g. el [[programa Venera]]) y [[Exterior Solar Sistema|exterior]] (e.g. ''[[Pioneer 10]]'', 1972) [[planeta]] del Solar Sistema, pero tambien al [[terrestre orbita]], desarrollando y continuamente operando, ademas de maga [[satelite de maga comunicacion]], con maga [[satelite de terrestre observacion]] (e.g. el [[programa Landsat]], 1972), maga [[espacial observatorio]] y particularmente maga [[espacial estacion]] (e.g. el [[programa Saliut]], 1971).

El [[tratado del Luna]] de 1979, que ya entra na vigor na 1984, fue el unico mayor actividad na relacion con el Luna hasta 1990.

=== Renovao exploracion (1990–presente) ===
[[File:Moon landing sites.svg|thumb|Mapa de todo el maga sitio de suave alunizaje na el visible cara del Luna (2020).|upright=1.5]]
Na 1990 ya alcanza al Luna ''[[Hiten]]-Hagoromo'', el primer dedicao lunar mision desde 1976. Enviao por [[Japón]], ya queda el primer mision hinde un sovietico o estadounidense mision al Luna.

Na 1994 ya dedica el EEUU con un mision para lanza con un espacial nave (''[[Clementine]]'') al Luna por primer vez desde 1973. Ya obtene este mision con el primer [[topografico]] mapa casi global del Luna, y el primer maga global [[multiespectral imagen]] del lunar superficie. Na 1998 ya segui esto el mision ''[[Lunar Prospector]]'', ya indica cuyo maga instrumento con el presencia de exceso hidrogeno al [[maga lunar polo]], siguro causao por el presencia de hielo na el maga superior metro del [[regolito]] dentro de maga permanentemente sombreado crater.

Ya mira el maga proximo año con un serie de maga primer mision al Luna por un nuevo grupo de maga estado activamente explorando con el Luna. Entre 2004 y 2006 ya alcanza al Luna el primer nave espacial por el [[Europeo Espacial Agencia]] (EEA) (''[[SMART-1]]''), grabando con el primer detallao encuesta de maga [[quimico elemento]] na el lunar superficie. Ya comenza el [[Chino Programa de Lunar Exploracion]] con ''[[Chang'e 1]]'' entre 2007 y 2009, obteniendo con un lleno grafico mapa del Luna. Ya alcanza [[India]] al Luna na 2008 por primer vez con el de suyo ''[[Chandrayaan-1]]'', creando un [[quimica|quimico]], [[mineralogico]] y [[fotogeologico]] mapa del lunar superficie de alto resolucion, y confirmando con el presencia de [[lunar agua|maga molecula de agua na el lunar suelo]].

Ya lanza el EEUU con el ''Lunar Reconnaissance Orbiter'' (LRO) y el impactador ''[[LCROSS]]'' na el 18 de junio de 2009. Ya completa ''LCROSS'' con el de suyo mision haciendo un planeao y ampliamente observao impacto na el crater [[Cabeus (crater)|Cabeus]] na el 9 de octubre de 2009, mientras que ta segui ''LRO'', obteniendo con preciso lunar [[altimetria]] y maga imagen de alto resolucion.

Ya segui China con el de suyo lunar programa na 2010 con ''[[Chang'e 2]]'', mapeando con el superficie a un mas alto resolucion durante un periodo de ocho maga mes, y na 2013 con ''[[Chang'e 3]]'', un lunar [[aterrizador]] junto con un [[lunar rover]] nombrao [[Yutu]] ({{lang-zh|玉兔}}, {{lang-cbk|Conejo de Jade}}). Esto fue el primer mision para un lunar rover desde ''[[Lunojod 2]]'' na 1973 y el primer lunar [[suave aterrizaje]] desde ''[[Luna 24]]'' na 1976.

Na 2014 ya alcanza al Luna el primer sonda financiao con maga privao fondo, el [[Manfred Memorial Moon Mission]].

Ya logra otro chino mision de rover, ''[[Chang'e 4]]'', con el primer alunizaje na el [[oculto cara del Luna]] a maga principio de 2019.

Ademas na 2019, exitosamente ya envia India con el de suyo segundo sonda, ''[[Chandrayaan-2]]'', al Luna.

Na 2020, ya realiza China con el de suyo mision para recoge con maga lunar muestra (''[[Chang'e 5]]''), recogiendo con 1,731&nbsp;g de lunar material al Tierra.

Con el firma del [[maga Acuerdo de Artemisa]] liderao por Estados Unidos na 2020, ta aspira el [[programa Artemis]] a devolve con maga astronauta al Luna na el decada 2020. Ya uni un creciente numero de maga pais al maga Acuerdo. Ya impulsa el introduccion del maga Acuerdo de Artemisa con un renovao discusion sobre el internacional marco y cooperacion de lunar actividad, basao na el [[Tratado del Luna]] y el concepto, liderao por el EEA, de un [[lunar aldea]]. Ya [[Vision for Space Exploration|desarrolla maga plan]] el EEUU para viaja al Luna a partir de 2004, que ya resulta na cuanto programa. Mas avanzao el programa Artemis, y ta inclui con maga plan para envia con el primer mujer al Luna, ademas de construi con un internacional lunar [[espacial estacion]] llamao [[Lunar Gateway]].

=== Futuro ===
{{VT|Lista de maga propuesto mision al Luna}}
[[File:Orion and the Moon (art001e000269).jpg|thumb|El sobrevuelo de [[Orion (espacial nave)|Orion]] del Luna na el mision [[Artemis 1]].]]
Ta inclui maga proximo lunar mision con el maga mision del [[programa Artemis]] y el primer lunar mision de Rusia, ''[[Luna-Glob]]'': un aterrizador, sin tripulacion, con un conjunto de maga [[sismografo]], y un orbitador basao na el de suyo fallao mision a Marte, ''[[Fobos-Grunt]]''.

Na 2021 ya anuncia China con un plan, junto con Rusia, para desarrolla y construi con un [[Internacional Estacion de Lunar Investigacion]] na el decada 2030.

== Humano presencia ==
{{VT|Humano presencia na el espacio}}
Ya realiza el maga humano un [[alunizaje]] por ultima vez durante el [[programa Apolo]], un serie de tripulao mision de exploracion realizao desde 1969 hasta 1972. Ya mira el [[lunar orbita]] con el ininterrumpido [[Lista de maga extraterreste orbitador#Luna|presencia de maga orbitador desde 2006]], haciendo mayoritariamente con [[lunar observacion]] y proporcionando con retransmitio comunicacion para maga robotico mision na el lunar superficie.

Ta ayuda el maga lunar orbita y el [[lista de maga objeto a maga punto de si Lagrange|maga orbita alrededor de maga punto de si Lagrange Tierra–Luna]] a establece con un casi-lunar [[infraestructura]] para habilita con aumentao humano actividad na el [[cislunar espacio]] ademas del lunar superficie. Na cuanto al maga mision al oculto cara del Luna, o al maga region del [[norte polo del Luna|norte polo]] y/o [[sur polo del Luna|sur polo]], ta requeri ellos con maga espacial nave con maga especial orbita, como el satelite de retransmision ''[[Queqiao]]'', o el planeao primer extraterrestre [[espacial estacion]], el [[Lunar Gateway]].

=== Humano impacto ===
{{VT|Espacial basura|Espacial sostenibilidad|Lista de maga artificial objeto na el Luna|Espacial arte#Arte na el espacio|Lunar base|Maga lunar recurso#Mineria|Turismo na el Luna|Espacial arqueologia}}
[[File:ALSEP_AS17-134-20500.jpg|Maga artefacto del humanp actividad, el [[paquete de maga experimento Apolo na el lunar superficie]] (''[[Apolo 17]]'').<ref name="Garber 2012" />|thumb|right]]

Mientras que ta tene el Luna con el menor [[Planetario proteccion#Maga categoria destino|categorizacion destino de planetario proteccion]], discutio ya el de suyo degradacion como prístino cuerpo y cientifico lugar. Si hay algun [[Luna#Astronomia desde el Luna|astronomia realizao desde el Luna]], ay necesita queda libre de cualquier fisico y [[electromagnetico polucion]]. Mientras que ta carece el Luna de cualquier significante [[atmosfera del Luna|atmosfera]], ta causa el trafico y el maga impacto na el Luna con maga nube de polvo que puede extende lejos y posiblemente contamina con el original estado del Luna y el de suyo especial cientifico contenido. Ta afirma el escolar si [[Alice Gorman]] que, masquen que el Luna, masquen inhospito, hinde muerto, y que ta requeri sostenible humano actividad con el tratamiento del [[ecologia]] del Luna como un co-participante.

Na cuanto al llamao "[[maga tardigrado na el Luna|asunto de maga tardigrado]]" del estrellao aterrizador ''[[Beresheet]]'' y el de suyo carga de maga [[tardigrado]], discutio esto como ejemplo de falta de maga medida y falta de internacional regulacion para el [[planetario proteccion]].

Ay queda el [[espacial basura]] mas alla del Tierra un futuro desafio con un numero cada vez mayor de maga mision a la Luna, na particular como un peligro para tal maga mision. Ansina, planteao el gestion de maga lunar residuo como un asunto que ay necesita accion por parte del maga futuro lunar mision, na particular na el superficie.

Ademas del maga residuo del humano actividad na el Luna, hay maga intencional permanente instalacion como el [[obra de arte]] ''[[Lunar Museo]]'', el [[maga mensaje de buen voluntad del Apolo 11]], seis [[maga placa del maga mision Apolo]], el [[conmemorativo monumento]] ''[[El caido astronauta]]'' y otro maga artefacto.

Maga mision a largo plazo, activo pa, algun maga orbitador como el [[Lunar Reconnaissance Orbiter]], lanzao na 2009 y explorando con el Luna para maga futuro mision, ademas de algun maga [[aterrizador]] como el ''[[Chang'e 3]]'', lanzao na 2013, operacional pa el de suyo Lunar Ultravioleta Telescopio. Instalao cinco maga [[retrorreflector]] na el Luna desde el decada 1970 y usao pa para maga preciso medicion del maga fisico [[libracion]] por medio de [[Laser Ranging Retro-Reflector|telemetro laser al Luna]].

Ta planea [[Lista de maga mision al Luna#Maga futuro mision|cuanto agencia y empresa]] con maga mision para establece con un humano presencia de largo plazo na el Luna, con el [[Lunar Gateway]] como el actualmente mas avanzao proyecto como parte del [[programa Artemis]].

=== Astronomia desde el Luna ===
{{VT|Extraterrestre cielo#El Luna}}
[[File:Niac2020 bandyopadhyay.jpg|thumb|El concepto [[Radiotelescopio del Lunar Crater|RTLC]] para un [[radiotelescopio]] na el Luna.]]

El Luna un excelente sitio para maga [[telescopio]]: (1) relativamente cercano el Luna, (2) permanentemente oscuro y frio cierto maga crater cerca del maga polo y especialmente util para maga [[infrarrojo telescopio]] y (3) ta blinda el oculto cara con el maga [[radiotelescopio]] del radial charla del Tierra. El [[lunar suelo]], masquen un problema para cualquier movil parte del maga [[telescopio]], mezclable con maga [[nanotubo de carbono]] y maga [[epoxi]] y empleao para el construccion de maga [[espejo]] hasta 50 maga metro de diametro. Construible baratamente un lunar [[cenital telescopio]] por medio de un [[ionico liquido]].

Na abril de 1972, ya graba el mision ''[[Apolo 16]]'' con cuanto astronomico imagen y maga espectro na [[ultravioleta]] por el [[Far Ultraviolet Camera/Spectrograph]].

El Luna tambien un sitio para [[observacion del Tierra]], particularmente culturalmente como na el fotografia titulao ''[[Salida del Tierra]]''. Ta aparece el Tierra na el [[extraterrestre cielo#El Luna|cielo del Luna]] con un [[aparente tamaño]] de 1° 48′ a 2°, tres o cuatro maga vez el tamaño del Luna o del Sol na el cielo del Tierra, o el aparente anchura de dos maga meñique dedo a un brazo de distancia.

=== Vivienda na el Luna ===
{{AP|Lunar habitacion}}
[[File:Aldrin Looks Back at Tranquility Base - GPN-2000-001102.jpg|thumb|Astronauta si [[Buzz Aldrin]] na el de suyo [[A7L|traje de vital soporte]] Mirando hacia atrás al primer [[lunar base|lunar habitat y base]], el [[lunar modulo Eagle|lunar module ''Eagle'']] de [[Base Tranquilidad]], durante ''[[Apolo 11]]'' (1969), el primer tripulao [[alunizaje]].]]

Ya lleva a cabo el unico maga ejemplo de [[Espacial habitat (instalacion)|maga humano viviendo na el Luna]] na un [[Lunar Modulo de Apolo]] durante cuanto dia al vez (por ejemplo, durante el mision ''[[Apolo 17]]''). Un desafio para el maga astronauta durante el de ellos permanencia na el superficie es que ta adheri el [[lunar polvo]] al de ellos maga traje y ansina ta queda llevao al de ellos maga aposento. Ya puede el maga astronauta saborea y ole con el polvo, llamando conele el "aroma de Apolo". Puede este fino lunar polvo causa con [[Lunar suelo#Maga nocivo efecto del lunar polvo|maga problema de salud]].

Na 2019, ya brota al menos un [[semilla]] de [[planta]] na un experimento na el [[Chang'e 4#Lunar aterrizador|aterrizador de Chang'e 4]], que ya lleva conele desde el Tierra junto con otro chico vida na el de suyo ''lunar microecosistema''

== Juridico situacion ==
{{VT|Espacial derecho|Astropolitica|Espacial abogacia|Colonizacion del Luna}}

Masquen ya dispersa maga aterrizador del [[programa Luna]] con maga [[gallardete]] del [[Sovietico Union]] na el Luna, y simbolicamente plantao al de ellos maga sitio de alunizaje por [[lista de maga astronauta de Apolo|el maga astronauta de Apolo]], hinde ta reclama ningun nacion con ningun parte del superficie del Luna. Ansina mismo hinde creible maga teorico reclamo de [[maga extraterrestre bien raiz]].

Ta defini el [[Tratado sobre el ultraterrestre espacio]] de 1967 con el Luna y todo el [[exterior espacio]] como el "[[comun patrimonio del humanidad|provincia de todo el humanidad]]", es deci, "ta incumbi na todo el humanidad" ({{lang-en|... shall be the province of all mankind}}<ref>https://www.unoosa.org/oosa/en/ourwork/spacelaw/treaties/outerspacetreaty.html</ref>, {{lang-es|... e incumben a toda la humanidad}}<ref>https://www.unoosa.org/pdf/publications/st_space_11rev2S.pdf</ref>). (Igualmente valido este maga y otro maga version del [[tratado]].) Ta restringi ele con el uso del Luna a maga pacifico fin, prohibiendo explícitamente con el maga militar instalacion y el [[maga arma de masivo destruccion]]. El mayoria del maga pais son maga parte de este tratado. El proposito del [[Tratado del Luna]] de 1979 es clarifica con el texto del anterior tratado, ademas de restringi con el explotacion del [[maga lunar recurso]] por cualquier nacion, dejando conele a un internacional normativo regimen hinde especificao. A partir de enero de 2020, firmao y ratificao por 18 maga nacion, masquen ta carece todo el maga firmante con maga capacidad de [[tripulao espacial vuelo]].

Desde 2020, ya uni cuanto pais con el EEUU na el [[maga Acuerdo de Artemisa]], que ta desafia con el anterior tratado. Ademas ya enfatiza el EEUU na un presidencial [[ejecutivo orden]] ({{lang-cbk|Alentando con el internacional apoyo al recuperacion y utilizacion del maga espacial recurso.}}, {{lang-en|Encouraging International Support for the Recovery and Use of Space Resources.}}) que "hinde ta mira el EEUU con el exterior espacio como un 'global procomun'" ({{lang-en|the United States does not view outer space as a 'global commons'}}) y llama al Tratado del Luna "un fallio intento de restringi con el libre empresa" ({{lang-en|a failed attempt at constraining free enterprise}}).

Na Australia, que ya firma y ya ratifica con el Tratado del Luna na 1986 ademas del maga Acuerdo de Artemisa na 2020, hay un discusion si armonizable el dos maga tratado. Na este luz hay maga esfuerzo de abogacia para un ''Acuerdo de Implemtacion'' ({{lang-en|Implementation Agreement}}) para el Tratado del Luna, para compensa con el maga deficiencia del Tratado del Luna y para armoniza conele con otro maga ley y maga acuerdo como el maga Acuerdo de Artemisa. Ta puede tal maga accion aumenta con el legal disponibilidad y territorializacion del Luna.

Na 2021, ya crea un grupo de maga [[abogado]], maga espacial arqueologo y maga preocupado ciudadano —utilizando con maga precedente del movimiento por el [[maga derechos del naturaleza]] y el concepto de juridico personalidad para el maga entidad hinde humano na el espacio— con el ''Declaracion del maga Derecho del Luna''.

=== Coordenacion ===
Al luz del futuro desarrollo en la Luna, hay cuanto organizacion a traves de multiple nacion y/o multiple [[espacial agencia]]:
* [[International Lunar Exploration Working Group]] (ILEWG)
* [[Moon Village Association]] (MVA)
* [[International Space Exploration Coordination Group]] (ISECG)

== Na el cultura y el vida ==

=== Cronometraje ===
{{VT|Lunar calendario|Lunisolar calendario|Metonico ciclo}}
[[File:Venus-de-Laussel-detail-corne.jpg|thumb|right|El [[Venus de Laussel]] (c. 25,000 [[Antes del present|AP]]) sosteniendo con un cuerno en forma de media luna. Puede significa las 13 muescas del cuerno con el [[medio]] [[numero]] de maga [[dia]] desde el [[menstruacion]] hasta el [[ovulacion]], o el aproximao numero de maga lleno [[menstrual ciclo]] and [[lunar ciclo]] por año, mientras que ta refura el [[ciencia]] con cualquier conexion entre el dos maga.]]

Desde el maga [[prehistorico]] tiempo ya nota el gente con el maga [[lunar fase]] y el de suyo creciente y menguante ciclo, y ya utiliza conele para nota con el [[tiempo]]. Ta cree algun maga cientifico que ta marga el maga [[tallao palo]] —maga [[hueso]] con maga muesca que ta data de hace 20–30.000 maga año— con el maga fase del Luna. Eventualmente ya lleva el conteo del maga dia entre e maga fase del Luna al maga generalizao [[unidad de tiempo]], con maga lunar ciclo como maga [[mes]], y siguro maga fase como maga [[semana]].

Na maga [[palabra]] para "mes" na un rango de maga diferente [[idioma]], ta incuntra kita con este [[etimologico]] relacion entre el mensual periodo y el Luna mismo. Al [[protoindoeuropeo]] (PIE) palabra ''*méh1nōt'' "mes", al de suyo vez derivao del PIE raiz ''*meh1-'' "medi", ta remonta el maga ingles palabra ''month'' "mes" y ''moon'' "luna", ademas del de suyo maga [[cognado]] na otro maga indoeuropeo idioma, por ejemplo el [[Lengua Latin|latin]] ''mensis'' y el [[antiguo griego]] μείς (''meis'') or μήν (''mēn'') "mes". Ta indica esto con un funcional conception del Luna, i.e. un marcador del mes. Para dale con otro ejemplo de otro [[lingüístico familia]], ta utiliza el [[chino idioma]] con el mismo palabra (月) para ''luna'' ademas de ''mes'', que tambien ta aparece na el [[maga chino caracter]] para el palabra ''semana'' (星期).

Ya lleva este lunar cronometraje al maga historicamente dominante, pero distinto, [[lunisolar calendario]]. El [[musulman calendario]] del aca-7 siglo EC es un ejemplo de un puramente [[lunar calendario]], donde por tradicion ta determina el maga mes el visual Avistamiento del hilal, o mas temprano luna creciente, sobre el horizonte.

De particular significancia es el ocasion del [[lleno luna]], destacao y celebrao na un rango de maga calendario y maga cultura, un ejemplo siendo el [[budista]] [[Vesak]]. Na manada situacion aplicao el nombre [[luna del cosecha]] al lleno luna alrededor del [[equinoccio de marzo]] o [[equinoccio de septiembre|de septiembre]], y celebrao con maga [[fiesta]], como el [[Fiesta del Medio Otoño]] del [[chino calendario]], el segundo mas importante celebracion de este calendario despues del de suyo [[chino Año Nuevo|chino]] lunisolar [[Lunar Año Nuevo]].

Ademas, incuntrable na el [[religion]] tambien el asociacion del [[tiempo]] con el Luna, como el antiguo egipto temporal y lunar deidad [[Jonsu]].

=== Cultural representacion ===
{{further|Cultural astronomia|Arqueoastronomia|Lunar deidad|Selene|Luna (mitologia)|Creciente|El cara del Luna}}
{{VT|Nocturno (pintura)}}
Desde el maga prehistorico y antiguo tiempo ya dibuja el maga humano con el Luna y ya describi con un rango de maga entendimiento de ello. Ta desempeña el Luna con un importante papel na maga diferente [[cosmologia]], na manada situacion como un [[espiritu]], un [[lunar deidad]] o un [[aspecto (religion)|aspecto]], particularmente [[Luna (astrologia)|na astrologia]].

Ta favorece manada cultura con el [[simbolo]] de [[creciente]] (🌙) para representa con el Luna, na especial el de suyo maga [[lunar fase|fase]]. Na tal maga [[sistema de escritura]] como el [[escrito chino|chino]], ya desarrolla el creciente na el [[maga chino caracter|caracter]] 月, el palabra para Luna, y na el [[antiguo egipcio]] fue el simbolo 𓇹, deletreao como el antiguo egipcio lunar deidad si [[Iah]], significando Luna.

[[Iconografia|Iconograficamente]] usao el creciente na [[Mesopotamia]] como el primario simbolo de si [[Sin|Nanna/Sîn]], el entiguo sumerio lunar deidad, y el padre de si [[Innana|Innana/Ishtar]], el diosa del planeta [[Venus (planeta)|Venus]] (simbolizao como el [[estrella de si Ishtar]] [[octagrama|de ocho maga punto]]) y [[Utu|Utu/Shamash]], el dios del Sol (simbolizao como un [[solar simbolo|disco, opcionalmente con ocho maga raya]]), el tres maga na manada situacion representao junto. Mas tarde conocio Nanna como Sin, y particularmente asociado con el [[magia]] y el [[brujeria]].

Ademas utilizao el creciente como un elemento de maga lunar [[astao dios|deidad llevando con maga [[tocado]] o maga [[corona (tocado)|corona]] na un disposicion que ta recorda al maga cuerno]], por ejemplo el antiguo griego si [[Selene]] o el antiguo egipcio si [[Jonsu]]. Asociao si Selene con si [[Artemisa]] y [[sincretismo|sincretizao]] con el romano si [[Luna (mitologia)|Luna]], ambo maga tiene vez representao [[Luna (mitologia)#Carro del Luna|conduciendo con un carro]], como el hindu lunar deidad [[Chandra (dios)|Chandra]]. Ya observa manada cultura (o maga contemporaneo o mas tarde) con el maga diferente o concurrente [[aspecto (religion)|aspecto]] de este maga deidad, na particular formando con maga [[triple deidad]]. Por ejemplo, na el [[romano mitologia]], asociao el Luna (el celestial objeto) con si [[Juno (mitologia)|Juno]] y si [[Diana (mitologia)|Diana]], y Luna el de ellos [[epiteto|apodo]]. Ya forma Luna (el diosa) a su vez con parte de un triplete (''diva triformis'') con Diana y [[Proserpina]], siendo na este caso [[Hecate]] el de ellos vinculando manifestacion como ''trimorphos''.

Al [[Edad del Bronce]] ta remonta el arreglo de [[estrella y creciente]] (☪️). Dependiendo del cultura y el situacion, ta representa este con el [[Sol]] y el Luna, o el Luna y el planeta [[Venus]], na combinacion. Ya llega ele a representa con el diosa Artemisa o Hecate, y a traves del mecenazgo de Hecate, un [[maga bandera y maga insignia del bizantino imperio|simbolo de Bizancio]], posiblemente influyendo na el desarrollo del [[otomano bandera]], especificamente el combinacion del turco creciente con un estrella. Desde entonces ya prolifera el [[heraldica|heraldico]] uso del estrella y creciente, y ya queda un popular [[maga simbolo del islam|simbolo para el islam]] (como el hilal del [[musulman calendario]]) y [[estrella y creciente#contemporaneo uso|para un rango de maga nacion]].

Na el [[veneracion de maga santo|veneracion]] del [[Virgen Maria na el catolico Iglesia]], [[María (madre de Jesús)]] ([[Reina del maga Cielo]]) representao desde el [[Baja Edad Media]] situao na un creciente y adornao con maga estrella. Na el [[islam]] si [[Mahoma]] particularmente vinculao con el Luna por el milagro del [[division del luna]] ({{lang-ar|انشقاق القمر‎}}).

Ya mira manada cultura con el contraste entre el maga mas brillo planicie y el mas oscuro mar como [[lunar pareidolia|maga abstracto forma]], entre otro maga, [[el hombre del Luna]] o [[el conejo del Luna]] (e.g. el chino si [[Tu'er Ye]], o na el maga [[mitologia del maga americano nativo]], por ejemplo el aspecto del [[maya diosa del luna]]).

Na el occidental [[alquimia]] asociao el [[plata]] con el Luna, y el [[oro]] con el [[Sol]].

=== Moderno cultural representacion ===
{{VT|Luna na el ficcion}}
Ya informa el [[moderno astronomia]] con el percepcion del Luna. Habilitao el moderno astronomia al de suyo vez por (1) el invencion del [[telescopio]] y (2) el [[espacial vuelo]], que ya permiti con verdadero humano actividad na el Luna, particularmente el maga [[Programa Apolo#Cultural impacto|culturalmente impactante alunizaje]]. Ya inspira este maga nuevo perspicacia con maga cultural referencia, conectando con maga romantico reflexion sobre la Luna (mira con [[Rosa novela]] y [[Romanticismo]]) ademas de especulativo ficcion como el [[ciencia ficcion[[ que ta trata del Luna.

Na el de kanaton maga tiempo visto el Luna como un lugar para [[comercializacion del espacio|un economico expansion na el espacio]], con misiones de [[prospeccion]] de [[maga lunar recurso]]. Acompañao este vista por renovao publico y critico reflexion sobre el cultural y [[Luna#Juridico situacion|legal relacion al celestial cuerpo]], na especial na cuanto al [[colonialismo]], como na el poema de 1970 "[[Whitey on the Moon]]". Na este luz invocao el naturaleza del Luna, particularmente para el lunar conservacion, y como un [[procomun]].

Na 2021 el 20 de julio —el aniversario del [[Apolo 11#Alunizaje|primer tripulao alunizaje]]— el anual ''Internacional Dia del Luna''.

=== Lunar efecto ===
{{AP|Lunar efecto}}
El lunar efecto es un supuesto, pero hinde demostao, [[correlacion]] entre maga especifico etapa del [[lunar ciclo]], de alrededor de 28.5 maga dia, y maga [[conductual]] y [[fisiologico]] [[cambio (filosofia)|cambio]] na el maga [[vivo ser]] del Tierra, incluio el maga [[humano]]. Durante mucho tiempo asociao el Luna con el [[mental enajenacion]] y el [[irracionalidad]]: ta remonta a ''Luna'' el de kanaton palabra ''[[lunatico]]''. Ya afirma el maga [[filosofo]] si [[Aristoteles]] y si [[Plinio el Viejo]] que ta induci el [[lleno luna]] con el [[locura]] na maga susceptible [[individuo]], creyendo con el [[cerebro]], mayoritariamente [[agua]], afectao por el Luna y el de suyo poder sobre el maga [[marea]], pero demasiao tenue el gravedad del Luna para afecta con un solo persona. Hasta hoy dia, ta afirma maga persona que ta cree na un lunar efecto que durante un lleno luna ta aumenta maga ingreso ma maga [[psiquiatrico hospital]], maga [[accidente de trafico]], maga [[homicidio]] y/o maga [[suicidio]], masquen ta invalida maga docena de maga [[observacional estudio]] con este maga afirmacion.

== Mira tambien ==
* [[Lista de maga natural satelite]]
* [[Selenografia]] ([[geografia]] del Luna)

== Maga explicativo nota ==
{{notelist}}

== Maga referencia ==
{{reflist}}

[[Categoría:Solar Sistema]]
[[Categoría:Luna| ]]