Esperanto

Desde Chavacano de Zamboanga Wikipedia - El Libre Enciclopedia

Esperanto es un artificial lenguaje inventada por L. L. Zamenhof na 1887. Ahora Esperanto es el lenguaje artificial mas hablado na el mundo. Alrededor de 1000 gente ta habla Esperanto como un lenguaje nativo, y hasta 2 millon gente puede habla el Esperanto como segundo lenguaje. El gramatica de Esperanto es bien simple y facil. Kay el gramatica es simple, un persona puede aprende Esperanto con facilidad.

Gramatica del Esperanto[revisa | revisa codigo]

El abecedario de Esperanto ta tene 28 letra.

a b c ĉ d e f g ĝ h ĥ i j ĵ k l m n o p r s ŝ t u ŭ v z


En Esperanto,

Maga sustantivo acaba con -o.

Maga verbo acaba con -i (infinitivo).

Maga adjetivo acaba con -a.


Maga sustantivo en Esperanto ta declina na este modo-

Pronombre Sujeto Objeto
Singular -o -on
Maga -oj -ojn
Adjectivo Sujeto Objeto
Singular -a -an
Maga -aj -ajn

Maga ejemplo- Mi havas hundo (Yo ta tene un perro)

Mi havas hundoj (Yo ta tene maga perro)

Mi vidas la hundon (Yo ta mira el perro) (Aki, hundo es objeto, entonces, el cambia a hundon)

Mi vidas la hundojn (Yo ta mira el maga perro)


Maga verbo declina na este modo-

Tiempo del verbo Sufijo
Presente (ta) -as (kantas)
Pasado (ya) -is (kantis)
Futuro (ay) -os (kantos)
Modo del verbo Sufijo
Infinitivo -i (kanti)
Orden -u (kantu)
Condicional -us (kantus)

Maga verbo no cambia por cada pronombre.

Maga ejemplo-

  • Mi kantas (Yo canta)
  • Mi kantis (Yo ya canta)
  • Mi kantos (Yo ay canta)
  • Kanti (Cantá)
  • Kantu! (Canta!) etc.


Maga pronombre personal en Esperanto-

singular maga
primero persona mi (yo) ni (kita/kamo)
segundo persona vi (tu) vi (ustedes)
tercero persona masculino li (el) ili (ellos)
feminino ŝi (ele)
neutro ĝi[1]

Maga referencia[revisa | revisa codigo]

  1. Pronombre neutro

Maga enlace externo[revisa | revisa codigo]