Guadalajara (Jalisco)
Guadalajara amo un ciudad de estado de Jalisco de México. Puede incuntra na el occidente del pais, na el geografico zona del valle de Atemajac. Considera con el ciudad como uno de maga más importante centro de México: político, económico, social, cultural y turísticamente. Es ta conoci tamen como (na español) «La Perla Tapatía», «La Perla del Occidente», «La Ciudad de las Rosas», «Guanatos» (de vulgar uso) y «El Valle de Silicio de México».
Ta proveni el nombre del árabe, que ta significa «rio de maga piedra», «rio que ta corre entre maga piedra» o «valle de maga fortaleza». Ya recibi el ciudad con el de suyo nombre de Nuño Beltrán de Guzmán, na honor al español ciudad donde ya naci ele. Fue fundao Guadalajara na cuatro distinto ocasion, y definitivamente ya establece el ciudad si Cristóbal de oñate, Beatriz Hernández y algun maga familia más el 14 de febrero de 1542, sobre el margen del rio San Juan de Dios.
Ta limita el municipio al norte con Ixtlahuacán del Río, al este con Zapotlanejo y Tonalá, al sur con Tlaquepaque y al oeste con Zapopan y ta conta con una población de 1 385 629 habitante. Sin embargo, ta alcanza su conurbao area con una poblacion estimao de 5 179 874 habitante, ansina que queda el noveno más poblao urbano area de América Latina, sólo después del Ciudad de México, São Paulo, Buenos Aires, Río de Janeiro, Lima, Bogotá y Santiago, así como el sexto de América del Norte después del Ciudad de México, Nueva York, Los Ángeles, Chicago y Toronto.
Durante el Virreinato del Nueva España ya queda Guadalajara oficialmente el cabecera del Reino del Nueva Galicia y ya goza de mayor autonomia. Na el Independencia de México ya desempeña un papel crucial, ya que el 6 de diciembre de 1810 ya aboli si Miguel Hidalgo el esclavitud na el ciudad. Posteriormente, na el Guerra de Reforma, ya traslada si Benito Juárez con su gobierno a Guadalajara na 1858 debido al maga disputa entre maga liberal y maga conservador. Durante el Mexicano Revolucion ya queda el maga implicacion para el region más social que militar: ta destaca el entrada del Constitucionalista Ejercito el 8 de julio de 1914. Durante la segunda mitad del siglo XX, ya vivi el ciudad con un etapa de social estabilidad y de comercial e industrial crecimiento.
Debido al de suyo influencia y internacional alcance es ya cataloga como global ciudad na 2016, y como una del maga 90 más productivo ciudad del mundo, con un puntuacion de 56.3. A nivel nacional es el tercer economico nucleo del pais, con un PIB de 124,047 millon de dolar. Ta basa el economia del ciudad con el comercio, el maga servicio y el industria. Ta destaca con el tecnologico industria debido al gran numero del maga internacional firma que ya tene sede na el ciudad, por lo que es ta conoci como el Silicon Valley de México.
Es ta conoci tamen como un gran cultural polo, y centro de referente para el maga extranjero, ya que Jalisco es cuna del mariachi, el charreria y el tequila. Ta conta Guadalajara con el maga evento anual de gran prestigio, como el Festival Internacional de Cine de Guadalajara y la Feria Internacional del Libro de Guadalajara. El feria es el más importante na el mundo hispanohablante y el segundo más grande mundo después del feria de Fráncfort, Alemania.
Guadalajara fue sede de los Juegos Panamericanos de 2011 así como uno del sede del Mundial de Fútbol de México de 1970 y 1986. Asimismo, fue Americano Capital del Cultura na 2005, Mundial Capital del Deporte na 2020 y Mundial Capital del Libro por el UNESCO na 2022. El Hospicio Cabañas, enclavao na el Centro Histórico, es Patrimonio del Humanidad por el UNESCO desde 1997. Según el revista Time, Guadalajara es uno del maga mejor lugar na el mundo del 2023.
Toponimia
[revisa | revisa codigo]Ta proveni el de suyo nombre del homonimo ciudad na Castilla-La Mancha, y ta procede este nombre a su vez del vocablo andalusí وادي الحجارة (wādi al-ḥiŷara), que significa «valle del piedra», aunque el tradicional traduccion tradicional es «rio de maga piedra», «río que ta corre entre maga piedra» o «valle del maga fortaleza». El fundador, si Cristóbal de Oñate, ya nombra así con el ciudad na honor al conquistador del occidente de México, si Nuño de Guzmán, que era oriundo de Guadalajara, España.
Na México también es ta conoci como (na español) La Perla de Occidente, La Perla Tapatía, La Novia de Jalisco o La Ciudad de las Rosas. El de suyo oficial abreviacion es Guad pero tamen es comun el uso del maga letra GDL para referi al ciudad.
El de suyo gentilicio es guadalajarense, maskin popularmente (y siguro más comunmente) tamen conocio el maga persona oriundo de Guadalajara como maga tapatío.