Las Filipinas

	Traducido este artículo na Caviteño.

República de Filipinas Republic of the Philippines
Bandera Escudo
Lema: Maka-Diyos, Maka-Tao, Makakalikasan at Makabansa (Zamboangueño Chavacano Formal: « Pro con Dios, Pro Humano, Pro con Naturaleza , y Pro con País ») (Zamboangueño Chavacano Comun: «Amor de Dios, amor de Gente,amor de Naturaleza, y amor de País»)
Himno nacional: Lupang Hinirang o na Chavacano Formal: "Tierra Designao/Nombrao" o na Chavacano Común: "Tierra Nombrao/Escogido"
Situación de Filipinas
Capital	Manila 14°35'N121°00'E 14° 35’ N 121° 00’ E
Ciudad más poblada	Ciudad Quezón
Maga lenguaje oficial	Inglés Español*
Forma de gobierno	República Presidencialista
Presidente Vicepresidente	Rodrigo Duterte Leni Robredo
Establecimiento	España y Estados Unidos 12 de Junio de 1898 4 de Julio de 1946
Area
• Total	343.448 km2 (132.606 sq mi) (Aca-63)
• Agua	0,6 %
• Costas	36.289 km
Populacion
• Estimao del	100.981.437 (2015) (Aca-12)
• Densidad	294 hab/km2
PIB (PPA)	2006 estimado
• Total	US$ 443.369 millones (25º)
• Per cápita	US$ 5.160 (2006)
PIB (nominal)	2006 estimado
• Total	US$ 116.931 millones (47º)
• Per cápita	US$ 1.345 (2006)
IDH (2006)	0,763  (84º)
Moneda	Peso filipino (PHP)
Huso horario	UTC + 8
• en verano	no aplica
Prefijo telefónico	+63
Código ISO	608 / PHL / PH
Dominio Internet	.ph
Miembro de: ONU, ASEAN, APEC, Unión Latina
1 Bajo na Constitución de 1987, el idioma nacional amo el Filipino. El maga lenguaje oficial amo el Filipino e Inglés. El maga idioma regional (Cebuano, Ilocano, Hiligaynon, Bicolano, Chavacano, Waray-waray, Kapampangan, Pangasinense, Kinaray-a, Maranao, Maguindanao y Idioma de Sug) amo que se llama mga lenguaje auxiliar oficial na cada de suyo region respectivo. * El Español ta esta cooficial hasta 1973. Actualmente, ni el Español ni el Arabe tiene estado oficial, aunque puede usa como «base voluntaria y opcional».

Las Filipinas (Filipino: Pilipinas), oficialmente La Republica de Filipinas (Filipino: Republika ng Pilipinas), es un país archipelágico na Asia Sureste.

Na tiempo prehistorico, uno del mana habintante más temprano del archipíelago es el mana Negrito, seguido elós por mana onda sucesivo de gente austronesio que ya traé con elós el mana tradiciónes y custombres de Malasia, India, y del mundo Islámico, mientras ya introducí el comercio el mana aspeto cultural chino. Ya fundá elós el primer insular gobernado de mana datu, rajá, o sultán.

Na 1521, el llegada del explorador Fernando Magallanes, un portugués na servicio de España, ya introducí un era de influencia hispanico y luego gobierno. Miguel López de Legazpi ya establecé el primer asentamiento hispanico na Filipinas na año 1565, con el fundación de Cebu. Na 1571, ya fundá ele el ciudad de Manila, que di quedá el centro administrativo y económico del imperio hispanico na Asia y puerto de salida para el galeón Manila que di andá na Mexico. Tres siglo de influencia hispánica ya fundá con un cultura Hispano-Asiatico, evidente na arte, musica, gastronomía, y mana custombre de las Filipinas, especialmente con el religión Católico de suyo. También ya levantá un variente filipino del idioma español, floreciente na segundo mitad del siglo XIX y el primero mitad del siglo XX.

Na final del siglo XIX, el revolución filipino, apoyado por Estados Unidos, ya empezá, seguido por el guerra Hispano-Americano que ya llevá el cesión de España del mana isla con el Estados Unidos na 1898. Por causa de mana desacuerdo entre el Estados Unidos y las Filipinas, ya tené un guerra Filipino-Americano que ya terminá con el victoria de America na 1903. De este modo, ya reemplezá el Estados Unidos con el España como el poder dominante. Aparte del periodo de ocupación Japonés, ya mantené soberanía sobre el mana isla hasta el fin del segundo guerra mundial na 1946. Desde el independencia, ya pasá el país por mana vario conflicto politico que ya sirví para definí el mana caractéristica de un república constitucional

Reflejado el legada del mana distinto periodo histórico con el cultura actual del país, que es un combinación del indígena prehispanico con mana elemento chino, y el cultura hispanico, debido de tres siglo de presencia español. Presente este cultura mestizo na cocina, musica, baile, y arte Filipino. Más evidente el carácter español na su religión católico, na su legada arquitectónico, especialmente su mana iglesia y mana casa de estilo colonial, y na mucho mana nombre de lugares del país y con el mana nombre y apellido. Por fin, el herencia del Estados Unidos ta seguí vivo na idioma ingles y na mayor afinidad con el cultura popular

Historia

Mana Época Prehistoria y Prehispánico

Desde recién, estaba pensado que el mana resto humano más viejo encontrado na archiépelago de Filipinas, ya correspondé con el hombre Tabon, con un antigüedad de 22,000 - 24,000 año, pero ya reemplazá con elós el hueso metatarsiano del hombre Callao, que según del método de uranio-torio tiene 67,000 año. El mana primer habitantes del mana isla es el mana Negrito, pero todavía desconocido el fecha de su apariencia. Durante el año 13,000 ya occuré un asentamiento austranesio, cuando ya recorré elós na tierra hundida de Sundalandia, que un isla remanente pos-inundación el Filipinas de ese, como ya detectá na mana genética del mana gente Manobo y Sama. Concurrente con este es el expansión hacia el oeste del raza papú como ya detectá na mana genética del gente Blaan y Sangil.

Mira tambien

• Filipinas (na zamboagueño)