Turlough

Un turlough (Plantilla:Lang-ga) es un estacional o periodico cuerpo de agua incuntrao principalmente na maga karstico area de caliza de Irlanda, al oeste del rio Shannon. Ta proveni el nombre del irlandes tur "seco" y loch "lago" (cognao con el de kanaton palabra). Ta llena y ta vacia el maga masa de agua al compas del maga cambio na el freatico nivel, siendo generalmente muy bajo o vacio durante na el verano y el otoño y lleno na el invierno. A medida que ta descende el maga nivel de subterraneo agua, ta drena este agua, bajo el tierra, a traves de maga grieta na el karstico caliza.

Casi unico a Irlanda el maga turlough, masquen tiene un ejemplo na Gales, Pant-y-Llyn a Cernydd Carmel cerca de Llandeilo. Para mucho maga cientifico, muy interesante este maga formacion — ta quere el maga geomorfologo paquemodo ta forma maga turlough, ta trata el maga hidrologo de explica por que ta inunda maga turlough, ta estudia el maga biologo con el inusual vegetacion que ta cubri con el suelo del turloug, y ta estudia el maga zoologo con el maga animal asociao con el maga turlough.

Maga ubicacion

Mayoritariamente incuntrao maga turlough na el maga central bajo tierra al oeste del Shannon, na el maga condao Galway, Clare, Mayo y Roscommon, masquen tiene vez ta existi ellos na otro maga parte, p.ej. Limerick, Sligo, Longford y Cork.

Identificao tres maga turlough lang na Irlanda del Norte — el maga Lough Roosky, Green y Fardrum, cerca del Selva Ely Lodge na el Condao de Fermanagh. Ta constitui este maga con el maga mas norteño furlough na Irlanda, y colectivamente designao este maga un sitio Ramsar ademas de un area de especial cientifico interes. Tiene un furlough na Gales del Sur, Pant y Llyn.

El turlough Rahasane na el Condao de Galway es el mas grande sobreviviente turlough na Irlanda y es un importante ubicacion para maga migratorio e invernante ave. Notable ele para el de suyo maga careto ansar, maga cantor cisne, maga silbon (Mareca spp.), maga cerceta y manada limicola na el invierno.

Incuntrable maga cuerpo de agua analogo a maga turlough, na otro maga parte del mundo donde ta ocurri similar el maga patron de lluvia, el tipo de roca y el freatico nivel. Na el este de Canada (Quebec, Nuevo Brunswick y Terranova) ta ocurri maga temporal cuerpo de agua, conocio na frances como les lacs mystérieux "el maga misterioso lago".

Na el continental Europa, ta ocurri maga estacional cuerpo de agua, llamao maga polje na Eslovenia, y descrio un karstico cuerpo de agua a Clot d’Espolla na Cataluña. Recientemente propuesto un modificacion del definicion de un turlough —particularmente como usao na el Directivo Habitats del Europeo Union— para inclui con el esloveno (y otro maga) cuerpo de agua. Basao el propuesto definicion na el fisico aspecto lang del maga cuerpo de agua, opuesto al flora y fauna, que ta diferi entre Irlanda y Eslovenia.

Geomorfologia e hidrologia

Cuando expuesto el caliza a agua de ulan puede ele disolve, cosa ta conduci al formacion y agrandamiento de maga grieta y maga junta. Na maga area donde ta queda caliza al superficie, ay drena el agua bajo tierra a traves de este maga grieta na lugar de escurri por encima del suelo a traves de maga sistema de maga rio y maga arroyo. Luego puede este agua flui bajo tierra, emergiendo mas tarde a maga manantial. Despues de un fuerte ulan, ay subi el freatico nivel, debio a que hinde puede el subterraneo flujo drena con todo el agua, y ay llena el maga turlough. Cuando ta baja el freatico nivel, ta vacia ellos de nuevo.

Por lo general, ta tene el maga turlough con un especifico lugar na el suelo donde ta flui el agua hacia adentro y hacia afuera, llamao un dolina (Plantilla:Lang-ga). Tiene vez visible un verdadero agujero, pero mas a menudo ele un hueco lleno de maga piedra. Na algun maga mas gran turlough, permanente mojao el agujero, razon por el cual capaz de sobrevivi maga totalmente acuatico planta y animal.

Ya tiene cuanto intento de clasifica con maga turlough na maga distinto tipo, como maga alto y bajo tierra, maga rapido y estacional fluctuacion, o maga mas complejo esquema. Sin embargo, segun un reciente estudio —mediante multivariante analisis de un amplio gama de maga variable que ta caracteriza con el maga cuerpo de agua— nuay maga distinto tipo sino un continuo de humedo a seco.

Flora

Na manada situacion, ta tene maga turlough con un mezcla de acuatico y terrestre vegetacion, ocurriendo na maga zona segun el profundidad del agua y el frecuencia/duracion del llenao. Na Irlanda, ta caracteriza el mas profundo parte maga acuatico y semiacuatico planta como Chara, Ranunculus, Potamogeton, Littorella uniflora, Polygonum amphibium y Mentha aquatica. Ta dale esto, poco a poco, a un pradera de Potentilla anserina, maga juncia como Carex panicea, y maga especie de Viola. Ta crece el negro musgo de turlough, Cinclidotus fontinaloides, na tal maga superficie como maga piedra y maga tronco. Mas arriba na el maga lado del turlough ta ocurri maga arbusto como Frangula alnus y Potentilla fruticosa. Sin embargo, na lugar de esto, ay transiciona algun maga turlough a pantanoso vegetacion incluio maga juncia y trebol de agua (Menyanthes trifoliata). Otro tipico caracteristica es el crecimiento de maga capa de filamentoso alga durante un calido y seco clima, que luego ta seca y ta forma con "papel de maga alga".

Fauna

Ta presenta el intermitente naturaleza de este maga temporal cuerpo de agua con maga desafio para el vida del maga acuatico animal. Ya adapta el maga organismo (comunmente incuntrao na ellos) con manada estrategia de supervivencia, como maga aereo adulto forma, el producción de maga etapa de reposo resistente al desecacion, y maga anfibio estilo de vida. Usualmente ausente el maga pez (masquen puede el maga espinoso Gasterosteidae sobrevivi retirando al maga dolina), y tiene vez ay desova na ellos el maga rana y maga triton. Gracias al falta de maga depredador pez, puede prospera algun maga usualmente raro invertebrao, como Eurycercus glacialis (del superorden Cladocera). Otro maga Cladocera comun na maga turlough son Alona affinis, Alonella excisa, Chydorus sphaericus, Eurycercus lamellatus y Simocephalus vetulus. Na maga turlough incuntrable cuanto tipo de escarabajo, raro o ausente na otro maga lugar, como Hygrotus quinquelineatus, Coelambus impressopunctatus, Graptodytes bilineatus, Agabus labiatus y A. nebulosus. Puede ocurri otro maga invertebrao, como el maga camaron hada, el maga platelminto y el maga caracol.

Mira tambien

Karst – Topografia de maga disuelto soluble roca
- Karstico lago
- Resurgencia o karstico manantial
- Dolina – Un cerrao depresion de subterraneo drenaje na maga karstico zona
- Subterraneo rio – Un rio que ta discurri total o parcialmente por debajo del superficie del suelo

Maga turlough na Irlanda

Lough Funshinagh, Condao Roscommon
Turlough Glenamaddy, Condao Galway
Turlough Rahasane, Condao Galway