Akaki Minashvili

Akaki "Ako" Minashvili (Plantilla:Lang-ka, nacido el 24 de septiembre de 1980) es un georgiano politico, miembro del Parlamento de Georgia na 2008–2016 y desde 2020, y ex-Presidente del suyo Comite de maga Exterior Relacion.

Un civil activista, ya trabaja ele para manada organizacion de civil sociedad, como el Instituto de Libertad y Articulo 19, y ya co-funda con el grupo de maga joven Kmara que eventualmente ya juga con un clave papel na el Revolucion de maga Rosa. El Executivo Director del liberal Instituto de Libertad na 2004–2007 cuando el organizacion ya goza de maga cercano vinculo con el administracion de Mikheil Saakashvili, regularmente ya provee si Minashvili con legislativo asistencia al Unio Nacional Movimiento y ya sirvi con el Nacional Consejo de Seguridad durante un corte termino na 2007–2008, antes del suyo eleccion al Parlamento.

Ya mira el termino de Minashvili, el Presidente del Comite de maga Exterior Relacion na 2008–2012, con un reconfiguracion del exterior politica detras del Ruso-Georgiano Guerra de 2008. Na este contexto, ya trata de obtene con el recognicion del ocupao estado de Abjasia y de Osetia del Sur por el maga Occidental legislatura, ya queda conocio por el de suyo critica del maga europeo institucion por cause del suyo falta de atencion al region, y fuertemente ya opone con el normalizacion del maga relacion con Rusia. Ya conduce este con el de suyo influencia al maga domestico responsibilidad tamen, durante el gobernanza de Presidente Saakashvili, y ya representa si Minashvili con el dominante Unio Nacional Movimiento na el de suyo maga negociacion de electoral reforma con el oposicion.

Na el oposicion desde 2012, fue ele uno del maga mas vocal critica del gobierno liderao por el Georgiano Sueño, y ya queda na el UNM cuando ya ruptura el de suyo faccion Europeo Georgia na 2017. Reelegio a Parlamento na 2020, ya queda ele el principal negociador para UNM durante el politico crisis que ya sigui con el parlamentario eleccion de 2020 y el arresto del Presidente del UNM, si Nika Melia, y ya rehusa a firma con el acuerdo de 19 de abril de 2021 facilitao por el Unión Europea. A maga final de 2021, fue involucrao na dos maga distinto huelga de hambre para pedi el libertad del anterior presidente, si Mikheil Saakashvili.

Temprano vida y educacion

Ya nace si Akaki Minashvili el 24 de septiembre de 1980 na Tbilisi, cabecera del entonces Sovietico Georgia. Ya gradua ele na 2003 del Facultad de Ley de Estatal Universidad de Tbilisi. Un año mas tarde, ya recibi con un diploma na el maga humano derecho del Central Europeo Universidad basao na Viena.

Ta casao con Ketevan Kobiashvili y tene con un bata.

Civil activismo

Primero ya uni si Akaki Minashvili con el civil sector na 1999, por el de suyo participacion na el Asociacion del Estudiantil Gobierno del Estatal Universidad de Tbilisi, un grupo de maga joven enfocao na defensa del maga derecho del maga estudiante na institucion. Na 2001, mientras estudiante pa na Tbilisi, ya alquila con ele el Instituto de Libertad, un organizacion del civil sociedad, afiliao con el Universidad Ilia Chavchavadze, que ya promociona con el maga liberal valor na recientemente independiente republica. Por medio del suyo trabajo, ya queda si Minashvili co-fundador de Kmara, un activista movimento de maga joven, que ya opone con el presidencia de Eduard Shevardnadze, y que mas tarde ya queda uno del maga principal jugador na el Revolucion de maga Rosa.

Detras del ascenso al poder del pro-Occidente Mikheil Saakashvili, ya muda si Minashvili na Articulo 19, un britanico organizacion sin animo de lucro dedicao al libertad de expresion. Ya queda tamen profesor del libertad del media na EUT y del maga humano derecho na el Universidad Chavchavadze. Na 2004, ya queda executivo director del Instituto de Libertad, ya crece gayot cuyo influencia durante el administracion de Saakashvili, y ya ayuda que redacta el nuevo gobierno con maga gran pieza de legislacion, maga tal como:

Un Policiaco Codigo de Conducto tras un aumento na el violencia del policia
Un fallao alternativo a un Ley de Lustracion advocao por el oposicion (que ya envisiona con un prohibicion, na todo el maga oficial del Sovietico era, del publico oficina) que ya requiri que revela este maga oficial con el de suyo maga reunion con el maga Ruso oficial, ademas de
Un teoretico plan de compensacion para el maga Osetio victima del discriminacion na el maga año 1990

A veces, ya critica con maga decision del gobierno, por ejemplo el sentencia na 2004 de tres maga individuo al prision por escupi na el coche de un ministro del gabinete.

Politico carrera

Entrada na politica

Na 2007, ya queda si Akaki Minashvili como Director para Defensa y para Ley y Orden al Nacional Consejo de Seguridad, entonces liderao por si Alexander Lomaia. Ya marca con el de suyo termino el maga protesta na Georgia de 2007 que ya resulta con un violente dispersion por el policia, el dimision de Presidente Saakashvili, y el reeleccion de este na el maga eleccion de Georgia de 2008. Ya gana tamen si Minashvili con un sede na Parlamento.

Con rapidez ya crece el de suyo influencia detras del Ruso-Georgiano Guerra de agosto de 2008, y antes del final del año, fue apuntao al Alto Consejo de Justicia de Georgia, el Comision de maga Presidencial Perdon, y el investigativo comite liderao por el oposicion y creao para estudia con el maga circunstancia del guerra. Na este ultimo, ya contragolpea ele con el maga sugerencia de que siguro tene con culpa el maga georgiano autoridad para el comienzo del guerra, y ya provee ele con evidencia para un planeao Ruso invasion durante el maga dia justo antes del conflicto.

Comite para maga Legal Asunto

Fue elegio si Minashvili como Diputado Presidente del Comite para maga Legal Asunto. Ansina, fue instrumental na el pasaje de maga destacao pieza de legislacion, tal como el Acto de Mesquetiano Repatriacion de 2009, un ley de 2010 que ya prohibi el extranjero propiedad del media, y un prohibicion de 2011 na venta del maga voto por el maga politico partido. Ya opone tamen con un propuesto Ley de Lustracion para el prohibicion del maga oficial (del epoca del Sovietico Union) del oficina, y ya toma parte na maga Constitucional Comision que ya aproba con maga enmienda na 2011, que ya muda con el Parlamento a Kutaisi y ya reduci gayot con el maga poder del presidencia. Durante el de suyo termino, ya critica con el Publico Defensor Sozar Subari, que a su vez ya critica con el recuerdo del gobierno na cuanto al maga humano derecho.

Na marzo de 2009, ya queda si Minashvili el representativo del UNM a un grupo de trabajo para el electoral reforma establecio por el Nacional Democratico Instituto, cuyo mision fue el negociacion de un nuevo electoral codigo antes del parlamentario eleccion de 2012. Durante el maga discusion, ya contragolpea ele con el maga demanda del oposicion para el maga directo mayoral eleccion na todo el maga municipialidad, y para el expansion del proporcional sistema na el maga eleccion de maga Municipial Asamblea. Na vez de este, ya compromete ele con un formula 25–25 que ya garantiza con el eleccion, del mitad del maga sede na el Municipial Asamblea de Tbilisi, na un mayoritario formato. Maskin el resistencia por el maga grupo de oposicion, ya reuni ele con el maga individuo politico partido. Na diciembre de 2011, ya apoya si Minashvili con maga nuevo regulacion de financiacion, para el maga politico partido, que ya queda controversial.

Comite para el maga Exterior Relacion

Na el 26 de diciembre de 2008, fue elegio Akaki Minashvili como Presidente del Comite de Parlamento para el maga Exterior Relacion, un posicion recien desocupao por si Lasha Zhvania, apuntao como Ministro del Economia. Durante el de suyo termino, detras del Ruso-Georgiano Guerra, ya tene un nuevo curso de exterior politica cuyo enfoque fue el resistencia al ruso cabildeo contra Georgia na el internacional escena. Con exito ya negocia ele con el de suyo maga Occidental homologo pare el recognicion del maga ocupao estado de Abjasia y Osetia del Sur por el maga europeo legislatura, y ya obtene un fuertemente escrito condenacion contra Rusia, na un resolution de 2009 de PACE, para el reconocimiento de Moscú del independencia de Abjasia y Osetia del Sur. Notablemente fue involucrao na un debate na abril de 2011 na PACE con un ruso MP, si Konstantin Kosachev, que ya compara con si Mikheil Saakashvili con Muammar Gaddafi.

Na manada situacion, ya critica si Minashvili con el maga europeo institucion por el de sila maga ambiguo relacion con Rusia. Ya pedi ele con el dimision del Comisario de maga Humano Derecho para el Consejo de Europa, si Thomas Hammerberg, por el de suyo falta de intervencion na liberacion de cuatro maga georgiano civiliano capturao na Tskhinvali na noviembre de 2009. Ya critica ele tamen con el Mision de Monitorizacion del Union Europea por el de suyo ineficacia, imbes ya pedi que el mision queda un fuerza para mantene con el paz na el maga ocupao territorio. Fue tamen co-autor del Estatal Estrategia de 2012 para el Caucaso del Norte, que ya provee con el viaje sin visa para el maga ruso ciudadano que ya viaja del maga republica del Caucaso del Norte, na adicion a maga educacional y cultural programa. Ya opone con cualquier directo negociacion con Rusia mientras que ya mantene el segundo con el de suyo militar fuerza na maga ocupao region, y ya mata con un debate iniciao por el Cristiano Democratico Movimiento para lanza con maga discusion sobre el restauracion del maga directo vuelo entre Georgia y Rusia.

Si Akaki Minashvili fue critico del maga fuerza del oposicion para el de sila presunto vinculo con Rusia. Tras el revelacion de un confidencial reunion entre dos maga lider del oposicion con un anterior georgiano oficial del gobierno, exiliao na Rusia na junio de 2009, ya declara si Minashvili que el oposicion fue "controlao por Rusia". Ya sugeri ele tamen que el ex-Presidente del Parlamento, si Nino Burjanadze, debe dejar de Georgia detras de que ya anuncia si Burjanadze con un exterior politico amistoso a Rusia. Ya nombra con Minashvili si Bidzina Ivanishvili, fundador de Georgiano Sueño y un empresario con maga vinculo a Rusia, uno del maga "ideologista del regimen de Saakashvili", mientras que ya acusa si Minashvili que el maga protesta na Georgia de 2011 fue planeao por el Kremlin.

Na 2012, fue apuntao a un especial comision establecido na Parlamento para estudia con el viabilidad del planeao Lazika, un grande proyecto de infraestructura del administracion de Saakashvili, y fue encargao con del implementacion de un autonomo local judicial sistema basao na el comun ley.

Reelegio na el mage eleccion na Georgia de 2012 que ya mira con el victoria de Georgiano Sueño na todo el pais, ya queda ele como vice-presidente del Comite para el maga Exterior Relacion hasta 2016.

Na oposicion

Segundo termino na Parlamento

Na oposicion desde 2012, ya alega si Akaki Minashvili que el victoria de Georgiano Sueño fue beneficioso a Rusia, y ya acusa que ta mantene el maga actual autoridad con un pro-ruso curso de maga exterior relacion. Originalmente ya opone con el restauracion del georgiano ciudadania a Bidzina Ivanishvili, removio por el Presidente Saakashvili maga mes antes del eleccion de 2012, y mas tarde ya acusa que ya busca el Estatal Ministro para el Reintegracion, si Paata Zakareishvili, con un "politica de apaciguamiento" con Rusia. Na enero de 2013, ya pedi con el despido del Ministro del maga Exterior Relacion, si Maia Panjikidze, por presuntamente causa con maga diplomatico tension entre Tbilisi, Bruselas y Washington. Na septiembre de 2014, ya omiti con un voto na un resolucion que ya condena con el ruso invasion de Ucrania (mas especificamente Crimea) porque hinde ya inclui el ley con maga economico sancion contra Rusia.

Un cercano aliao de si Bacho Akhalaia, un poderoso Ministro de Defensa na el administracion de Saakashvili, ya condena si Minashvili con el arresto de Akhalaia como "politicamente motivao" y ya envia con un lascivo mensaje por telefono al juez encargao con el caso de Akhalaia, algo condenao mas tarde por el Alto Consejo de Justicia, y ya causa que pedi el Primer Ministro, si Irakli Garibashvili, con un investigacion para determina si ya trata si Minashvili de amenaza con el corte. Al visita con Akhalaia na prision, fue revelao que ya instala el nuevo carceral administracion con maga microfono para escucha con maga conversacion de maga prisionero, na violacion del georgiano ley.

Un vocal critico del gobierno del Georgiano Sueño, ya tene el con manada escaramuza con el maga political activista. Na el 19 de diciembre de 2012, ya asalta con ele maga activista del GS, al sali de un reunion con el Presidente Saakashvili na Kutaisi. Ya sufre con otro herida na mayo de 2016 na Mingrelia al observa con el maga local eleccion.

Liderazgo del UNM

Ya sali si Akaki Minashvili del Parlamento despues del maga eleccion de Georgia de 2016. Mientra que ya comenza dividi el UNM — ya favorece un faccion con un radical lucha y un boicot, mientras que ya favorece el otro un salida del liderazgo de si Mikheil Saakashvili para queda un derechista partido na parlamentario oposicion — originalmente ya opone si Minashvili con el llamada de si Saakashvili para un boicot, ansina que ya cree manada gente que ya uni si Minashvili con el nuevo Europeo Georgia partido de Giga Bokeria. Sin embargo, eventualmente ya vota a favor del boicot durante un especial sesion del Politico Consejo del UNM, na el 13 de octubre de 2016, ansina que fue ele un del maga poco politico que ya queda con el partido na 2017. Na enero de aquel año, fue elegio al Politico Consejo del UNM, y na 2022 el de suyo vice-presidente y politico secretario.

Maskin ya no tene con el publico oficina, ya queda un vocal presencia na el maga georgiano politica. Na 2017 ya opone ele con un moratorio na el venta del agricultural tierra al maga extranjero. Tamen na 2017, ya alega que ya suprimi el maga autoridad con el grabacion na video del secuestro del azeri periodista Afgan Mukhtarli, y que hay un vinculo entre el de suyo abduccion y un potencial trato entre el maga especial servicio del dos maga pais. Na octubre de 2018, ya nomina con ele el coalicion Fortaleza na Unidad, un electoral bloque liderao por el UNM, para contesta con el alcaldia de Samtredia, pero ya derrota con ele si Ramaz Rukhadze del GS. Na mayo de 2019, ya involucra na un sensacional escaramuza na Zugdidi, cuando ya rehusa con un reunion con al maga local votante al candidato del UNM, si Sandra Roelofs.

Na el 30 de enero de 2023, despues del eleccion de si Levan Khabeishvili como presidente del partido, ya renuncia con Mirashvili con el de suyo sede del posicion de Politico Secretario y ya decidi ele "separa" del liderazgo del partido, aunque ya confirma que todavia fue miembro del partido. Na el 5 de febrero, ya elegi un partidario congreso, iniciao para inaugura con el liderazgo de si Khabeishvili, con si Minashvili para el Politico Consejo del partido (ex officio como un MP) aunque ya rechaza si Minashvili con el apuntamiento y ya llama con el proceso "indemocratico".

Maga eleccion de 2020 y un parlamentario boicot

Na el maga eleccion de 2020, ya queda si Akaki Minashvili na el 31ro lugar na el electoral lista de Fortaleza na Unidad, ansina que ya gana ele con un sede que ya rehusa acepta despues de que ya aparece maga alegacion de masivo electoral fraude. Ya causa el boicot lanzao por 49 MP del oposicion con un political crisis que ya involucra con el dimision del Primer Ministro Giorgi Gakharia, el regreso al poder de Irakli Gharibashvili, y el arresto del Presidente del UNM, si Nika Melia. Na un atento a negocia con un fin al crisis, ya visita el Presidente del Consejo del Unión Europea, si Charles Michel, con Georgia para comenza con el maga negociacion entre el oposicion y Georgiano Sueño, mientras que fue elegio si Minashvili como el principal negociador na nombre del UNM, junto con si Salome Samadashvili y el presidente del Republicano Partido, si Khatuna Samnidze.

El estancia de Minashvili durante el maga negociacion fue intransigente. Antes de senta al mesa de negociacion, ya pedi con el liberacion de maga individuo considerao por al partido como maga political prisionero. Ya causa este estancia con un fallo de un original acuerdo negociao por el Especial Representativo del UE, si Christian Danielsson, ansina que ya busca el Presidente Salome Zourabichvili y Charles Michel con el directo involucramiento. Na segundo ronda del maga negociacion, ya opone si Minashvili con el propuesta de acondiciona el maga parlamentario eleccion al performancia del GS na el maga proximo local eleccion, y publicamente ya declara que ya termina el UNM con el de suyo boicot solamente despues del planificacion del este maga eleccion. Al final, ya perdona el Presidente Zourabichvili con Giorgi Rurua, mientras que ya paga el Unión Europea con el fianza de si Nika Melia, pero ya rehusa si Minashvili firma con el Acuerdo del 19 de abril de 2021, y ya argui que hinde provee con el maga mecanismo para el judicial reforma. Durante este maga sesion, ya anota el maga politico observador que fue si Minashvili el de facto lider del UNM.

Aunque hinde firma el UNM con el acuerdo, ya termina amo si Minashvili y el de suyo maga partidario colega con el boicot despues del liberacion de Melia, y pronto ya visita ele con Kiev para reuni con si Mikheil Saakashvili. Despues del arresto del segundo cuando na secreto ya regresa a Georgia na octubre de 2021, ya pedi si Minashvili con el de suyo liberacion y, junto con 8 otro maga MP, ya lanza con un huelga de hambre para pedi con el relocacion de Saakashvili a un medical clinica para tratamiento despues de maga medical complicacion. Na el 21 de diciembre, junto con 300 maga partidario activista, otra vez ya lanza ele con una huelga de hambre, aunque este fue breve.

Si Akaki Minashvili es miembro del Comite para el Integracion de Europa y ta sirvi na el georgiano delegacion a PACE y el Comite del Parlamentario Asociacion EU–Georgia.Unión Europea