Cesar Climaco
 | Este articulo es como se llama na lenguaje de Ingles, un 'stub'. Quiere de cir, necesita con este articulo traduci en Chavacano o necesita con este articulo revisa o compone y extende o mejora. Puede tu ayuda con el Chavacano Wikipedia para mejora con este pagina. |
Cesar C. Climaco (Nacimiento: February 28, 1916 — Muerte: November 14, 1984) es un Filipino politico quien ya servi como alcalde del Ciudad de Zamboanga por onse años. Ya queda ele famoso como un prominente y agresivo critico del regimen de ley martial de presidente Ferdinand Marcos y tambien por su colorido personalidad y por causa no quiere ele manda corta su pelo hasta hay restora el regulacion democracia na Filipinas. Ya asesina con Climaco del año 1984.
Joventud
[revisa | revisa codigo]Si Climaco ya nace na Ciudad de Zamboanga. Ele un hijo del un agente de aduana quien ya queda tambien un consejo de municipal. Ya acaba ele su primera y secondaria educacion na su pueblo despues ya cambia ele na Manila junto con Julia, quien hay queda su mujer na futuro, para prosegui con el educacion colegio. Ya entra ele escuela na Universidad de Santo Tomas na curso ante juresprudencia y aquel tiempo ya tarabaja ele como chufer de un familia para ayuda paga su estudio. Despues ya entra ele escuela na Universidad del Filipinas na curso de ley y juresprudencia y mientras tanto ya trabaha ele como un portero na Corte de Apelacion del Filipinas. Ya gradua si Climaco del añ0 [1941] na curso de ley y ya admiti con ele na oficina del maga titulo de abogado despues ele ya pasa na examinacion de abogacia.