Ciudad de Zamboanga

Ciudad de Zamboanga
Ciudad de Zamboanga
Ciudad altamente urbanizada
	Flag Seal
	Mapa de Península de Zamboanga donde enfatizao el Ciudad de Zamboanga
	Coordinates: 6°54'15"N, 122°4'34"E
Pais	Filipinas
Region	Península de Zamboanga
Provincia	Península de Zamboanga
Numero de barangay	98
Ya establece del	1635
Gobierno
• Type	ayuntamiento
• Electorao	483,058 votante (23 Enero 2025)
Area
• Total	1414.7 km2 (546.2 sq mi)
Elevation	96 m (315 ft)
Population (1 Julio 2024)
• Total	1,018,849
• Density	720/km2 (1900/sq mi)
• Casa	227,352
Economia
• Clase de ingreso	es un primera clase de ciudad
• Nivel de pobreza	<div style="background-color: Error en la expresión: no se reconoce la palabra «porcentaje».; width: 3.30 porcentaje%; height: 100%;">3.30 porcentaje% (2021)
• Ingreso	₱ 5475 million (2024)
• Activo	₱ 25,113 million (2024)
• Pasivo	₱ 3094 million (2024)
• Gastos	₱ 1931 million (2024)
Time zone	UTC+8 (PST)
Codigo postal	7000
PSGC	097332000
Codigo telefonico	62
Clima	clima tropical
Lenguaje nativo	Subanon; Cebuano; Chavacano; Tagalog
Website	http://www.zamboanga.gov.ph/

Este article es como se llama na lenguaje de Ingles, un 'stub'. Quiere decir, necesita con este articulo traduci na Chavacano o necesita con este articulo hace revisa, compone, extende, o mejora.

Puede tu ayuda con el Chavacano Wikipedia para mejora con este pagina.

Ciudad de Zamboanga es un primera clase de ciudad na provincia de Península de Zamboanga, Filipinas. Tiene este zona de 1,414.7 kilómetro cuadrado kilometro cuadrado. Comporme del 1 Julio 2024 censo, este tiene papulidad de 1,018,849 personas y 227,352 hogares. El designada codigo postal 7000 y PSGC 097332000.

El ciudad de Zamboanga uno tambien del maga primero que ya tene estado na país.El Commonwealth Act No. 39 que ya firma el antes presidente Manuel L. Quezon na Palacio de Malacañang del 12 de Octubre, 1936 ya crea y ya establece con este ciudad como un de estado clase de ciudad. El ciudad que se llama tambien el Orgullo de Mindanao y su palayaw como el Ciudad del Flores/Ciudad de las Flores. Este tiempo, el gobierno local del ciudad ta promove con el ciudad na turismo como el Ciudad Latina de Asia.

El cumpleaño de este ciudad amo el cada aca-12 de Octubre y amo tambien este el fecha del Fiesta del Pilar que ta celebra por el honor del santa patrona del ciudad, el Real Fuerza de Nuestra Señora La Virgen del Pilar de Zaragoza donde su estatua grabao arriba y enfrente del Fuerza Pilar, un fuerta de piedra - llamao tambien na su maga primera dia como el Fuerza de San Jose - que ya construi el maga Español, bajo principalmente con el Padre Jesuito Melchor de Vera del 23 de Junio, 1635 como un defensa contra con maga moro pirata na Mindanao. El ciudad de Zamboanga amo el uno del maga mas viejo ciudad na Filipinas y conocido tiene herencia Hispanico. Uno tambien del maga bien grande ciudad na entero mundo este ciudad con 1,480 km² y 28 cercano islas.

Asegun con el censo del año 2000, el Zamboanga tiene populacion de mas o menos 601,794 de residente na mas o menos 177,152 de casa. Este maga tiempo, estimao que el ciudad tiene ya mas o menos de un millon de residentes. Este el aca-seis mas populao ciudad na entero nacion. Este ciudad ta esta na centro de comercio y negocio, maga servicios de buen salud, y educacion na entero region de oeste Mindanao. Este ciudad tambien el sitio del Zamboanga City Special Economic Zone Authority (como se llama el Zambo Ecozone).

Mayoria del maga residente, maga Zamboangueño, ta convera un lenguaje criollo base na español que se llama Chavacano de Zamboanga que entre 70-80% del su palabra desde Español y el los demas por ciento amo el maga lenguaje Austronesia como el Cebuano, Ilonggo/Hiligaynon, Subanon, Yakan, Tausug, Sinama, y tambien el Portugues, Italiano, Quechua, Taino, Nahuatl y Mexicano-Indiano.

El ciudad de Zamboanga tiene tres universidades: el Ateneo de Zamboanga University (Universidad Ateneo de Zamboanga), Western Mindanao State University (Universidad Estado de Oeste Mindanao) - un universidad del estado, y el Universidad de Zamboanga. Con este ciudad tambien ya establece el primera diocesis na Mindanao. El ahora Arzodiocesis de Zamboanga ya crea del año 1910 y ya hace subi con este como arzobispero del año 1958.

Demografía

Censo de Populacion
Ciudad de Zamboanga
Año	Populación	±% p.a.
1903	20,692	—
1918	42,007	+4.83%
1939	43,894	+0.21%
1948	103,317	+9.98%
1960	131,489	+2.03%
1970	199,901	+4.27%
1975	265,023	+5.82%
1980	343,722	+5.34%
1990	442,345	+2.56%
1995	511,139	+2.75%
2000	601,794	+3.56%
2007	774,407	+3.54%
2010	807,129	+1.52%
2015	861,799	+1.26%
2020	977,234	+2.68%
2024	1,018,849	+1.01%
Ref: Autoridad de Estadisticas de Filipinas^[3]^[4]^[5]^[6]

Geografia

Clima

El ciudad tiene natural y suave clase de clima con tiempo de secas y tiempo de ulan o mojao - seco desde Noviembre hasta Mayo y mojao na otro maga meses del año.

Maga Isla

El Ciudad de Zamboanga tiene 28 isla fuera del costa del mayoria del de este terreno. Oficialmente, en posecion este maga islas del ciudad y bajo na poder del ciudad. Tiene de este maga isla, tiene gente, tiene no hay. El maga isla como el isla de Santa Cruz es famoso na su maarosao color de arena que ta considera como raro na entero mundo. El isla de Siromon locao na costa este, sitio Panubigan de ciudad que tiene un bonito y famoso formacion de maga piedra, arena que blanco y otro pa maga diutay isla que puede pasea. Estos el maga islas rico na maga corales, marisco y vida de la mar. Mas de media del maga clase de marisco na entero mundo ay puede encontra na Mar de Sulu, que alreredor de este maga islas. El maga isla amo el na maga siguente:

Isla de Bacungan
Isla de Baong
Isla de Bobo
Isla de Buguias
Isla de Cabog
Isla de Camugan
Isla de Gatusan
Isla de Santa Cruz Grande
Isla de Kablingan
Isla de Lambang
Isla de Lamunigan
Isla de Lapinigan
Isla del Malanipa Pequeña
Isla de Santa Cruz Pequeña

Isla de Malanipa
Isla de Panganaban
Isla de Pangapuyan
Isla de Pitas
Isla de Sacol
Isla de Salangan
Isla de Sinunug
Isla de Taguiti
Isla de Tictabon
Isla de Tigburacao
Isla de Tumalutap
Isla de Tumitus
Isla de Vilan-Vilan
Isla de Visa

Barangay

El Ciudad de Zamboanga tiene 98 barangay:

Abong-Abong
Arena Blanco
Ayala
Baliwasan
Baluno
Boalan
Bolong
Buenavista
Bunguiao
Busay
Cabaluay
Cabatangan
Cacao
Calabasa
Calarian
Camino Nuevo
Campo Islam
Canelar
Capisan
Cawit
Culianan
Curuan
Daap
Dita
Divisoria
Dulian (Upper Bunguiao)
Dulian (Upper Pasonanca)
Guisao
Guiwan
Kasanyangan
La Paz
Labuan
Lamisahan
Landang Gua
Landang Laum
Lanzones
Lapakan
Latuan (Curuan)
Licomo
Limaong
Limpapa
Lubigan
Lumayang
Lumbangan
Lunzuran
Maasin
Malagutay
Mampang
Manalipa
Mangusu
Manicahan
Mariki
Mercedes
Muti
Pamucutan
Pangapuyan
Panubigan
Pasilmanta (Sacol Island)
Pasobolong
Pasonanca
Patalon
Putik
Quiniput
Recodo (formerly La Caldera)
Rio Hondo
Salaan
San Jose Cawa-Cawa
San Jose Gusu
San Roque
Sangali
Sibulao (Curuan)
Sinubong
Sinunoc
Sta. Barbara
Sta. Catalina
Sta. Maria
Sto. Niño
Tagasilay
Taguiti
Talabaan
Talisayan
Talon-Talon
Taluksangay
Tetuan
Tictapul
Tigbalabag
Tictabon
Tolosa
Tugbungan
Tulungatung
Tumaga
Tumalutab
Tumitus
Victoria
Vitali
Zambowood
Zone I
Zone II
Zone III
Zone IV

Historia de Zamboanga

El historia de Zamboanga ya influencia na tradicion de Sama conocimiento na origen el nombre de Zamboanga. El uno ta relata na caña largo y el otro na flores de jardin.

El uno version ta habla que el nombre Zamboanga ya saca na palabra "samuang" que na Sama vernaculo, quiere decir rempuja el caña para na agua lodo con el vinta o canoa. Este caña ta dale vuelo, hende na necesita ancla. Si esta para cree, este amo el uno del maga historia clasico, el historia ta continua cuando tiene un soldao Español ya perde su camino na rio, ya puede le mira sama na vinta ta amarra su ancla na caña. El soldao ya pregunta con el barquero si cosa el nombre del lugar, pensaba el barquero ta pregunta el Español si cosa ele ta hace. Ya contesta el "samuang". El soldao ya cree cay samuang el nombre del lugar.

El otro version cuando nuevo centuria grupo de antigua maritimo ta encabeza si Salingai Bongsu y el Pesquisa celebrao flore de jardin ta llama Jambangan, ellos ta vela para na este estaba na imperio de Srivijaya para na dirección de Zamboanga, que ya renombra el Jardin de Asia.

Cuando na viaje, un grupo también ta man viaje para afuera na este sudeste ya llega con este lugar que amo ahora el Sandakan, el grupo ya llama con el lugar Jambangan, el otro grupo también ya llega na lugar que amo también ahora el Siasi y ellos ya llama también con este lugar como Jambangan.

Gente

Favor pulsa con este enlace del primero articulo Zamboangueño.

El Zamboangueño conocido tambien como Chavacano o Chabacano

- El descendiente desde'l Cristiano preso que ya converti con maga Español y para ayuda defende el guarnicion del español (Fort Pilar, Ciudad de Zamboanga) y tambien para ayuda contra con maga moro.

- El nativo Cristiano que tiene mezclao sangre del maga tribo; Subanon, Visayan (Ilonggo y Bisaya), Ilocano, Chino, Moro y sangre Español. Por causa del interaccion de matrimonio dentro del tribos mencionao, este ya causa con el nacimiento de un nuevo tribo se llama "Tribo Zamboangueño"

Idioma

Favor pichi con este enlace del primero articulo Chavacano.

Zamboangueño conocido también como lenguaje Chavacano o lenguaje Chavacano de Zamboanga o como un Tribo Zamboangueño o Chavacano. ademas, conocido también como La española criollo de el maga Filipinas, que 80% de los palabras estaba na español y 20% de otras palabras estaba desde Subanon, Cebuano, Ilonggo, Sama-Bangingi, Tausug, Yakan, Portuguis, Quechua, Taino y Nahuatl.

El lenguaje Zamboangueño, es uno también viejo lenguaje que hablando o ta conversa na entero mundo, que ya nacer de Juño 23, 1635 tiempo de la colonia de España en (Nuestra Señora La Virgen del Pilar, Fort Pilar, Ciudad de Zamboanga). Ese tiempo también que el Fundación del Zamboanga y de Los Chavacanos ya establece, y debe también conocido un simbolico como el "Dia de Los Chavacanos de Zamboanga".

El tribo Zamboangueño, ahoramente que puede también encontrar na maga lugares o dentro el Peninsula de Zamboanga, Ciudad de Isabela (Basilan), Municipalidad de Lamitan (Basilan), Cotabato, Davao y na otro parte del país, y otras países. Según, el lenguaje Zamboangueño o Chavacano de Zamboanga ta esta evolucionar pa siempre.

Maga referencias

↑ "Province: Zamboanga del Sur". PSGC Interactive. Quezon City, Philippines: Philippine Statistics Authority. Ya recupera del Diciembre 17, 2016. {{cite web}}: Check date values in: |accessdate= (help)
↑ "PSA Releases the 2021 City and Municipal Level Poverty Estimates". Autoridad de Estadística de Filipinas. 2 Abril 2024. Ya recupera del 28 Abril 2024.
↑ Census of Population (2015). "Region IX (Zamboanga Peninsula)". Total Population by Province, City, Municipality and Barangay. PSA. Ya recupera del 20 Junio 2016.{{cite encyclopedia}}: CS1 maint: numeric names: authors list (link)
↑ Census of Population and Housing (2010). "Region IX (Zamboanga Peninsula)". Total Population by Province, City, Municipality and Barangay. NSO. Ya recupera del 29 Junio 2016.{{cite encyclopedia}}: CS1 maint: numeric names: authors list (link)
↑ Censuses of Population (1903–2007). "Region IX (Zamboanga Peninsula)". Table 1. Population Enumerated in Various Censuses by Province/Highly Urbanized City: 1903 to 2007. NSO.{{cite encyclopedia}}: CS1 maint: numeric names: authors list (link) CS1 maint: url-status (link)
↑ "Province of Zamboanga del Sur". Municipality Population Data. Local Water Utilities Administration Research Division. Ya recupera del Diciembre 17, 2016. {{cite web}}: Check date values in: |accessdate= (help)

Enlaces externos

Provincia de Zamboanga del Sur
Pagadian (cabecera)
Municipalidad:	Aurora ▪ Bayog ▪ Dimataling ▪ Dinas ▪ Dumalinao ▪ Dumingag ▪ Guipos ▪ Josefina ▪ Kumalarang ▪ Labangan ▪ Lakewood ▪ Lapuyan ▪ Mahayag ▪ Margosatubig ▪ Midsalip ▪ Molave ▪ Pitogo ▪ Ramon Magsaysay ▪ San Miguel ▪ San Pablo ▪ Sominot ▪ Tabina ▪ Tambulig ▪ Tigbao ▪ Tukuran ▪ Vincenzo A. Sagun
Ciudad:	Pagadian ▪ Ciudad de Zamboanga

[nscb-area-1] "Province: Zamboanga del Sur". PSGC Interactive. Quezon City, Philippines: Philippine Statistics Authority. Ya recupera del Diciembre 17, 2016. {{cite web}}: Check date values in: |accessdate= (help)

[2] "PSA Releases the 2021 City and Municipal Level Poverty Estimates". Autoridad de Estadística de Filipinas. 2 Abril 2024. Ya recupera del 28 Abril 2024.

[PSA15–09-3] Census of Population (2015). "Region IX (Zamboanga Peninsula)". Total Population by Province, City, Municipality and Barangay. PSA. Ya recupera del 20 Junio 2016.{{cite encyclopedia}}: CS1 maint: numeric names: authors list (link)

[NSO10–09-4] Census of Population and Housing (2010). "Region IX (Zamboanga Peninsula)". Total Population by Province, City, Municipality and Barangay. NSO. Ya recupera del 29 Junio 2016.{{cite encyclopedia}}: CS1 maint: numeric names: authors list (link)

[NSO07-09-5] Censuses of Population (1903–2007). "Region IX (Zamboanga Peninsula)". Table 1. Population Enumerated in Various Censuses by Province/Highly Urbanized City: 1903 to 2007. NSO.{{cite encyclopedia}}: CS1 maint: numeric names: authors list (link) CS1 maint: url-status (link)

[LWUA-PopulationData-6] "Province of Zamboanga del Sur". Municipality Population Data. Local Water Utilities Administration Research Division. Ya recupera del Diciembre 17, 2016. {{cite web}}: Check date values in: |accessdate= (help)

[1]

[2]

[3]

[4]

[5]

[6]