Logica

Desde Chavacano de Zamboanga Wikipedia - El Libre Enciclopedia

En general, el logica es el estudio del maga sistema de razonamiento, aya ta es, del maga sistema de razonamiento que puede un ser inteligente utiliza para razona. Ta servi el logica para deci cual maga forma de inferencia valido y jendeh maga cual. Tradicionalmente, ta estudia se el como ramas del filosofia, ma tambien puede ser considerado un ramas del matematica o del informatica.

Etimologia[revisa | revisa codigo]

Ta bini logica del greco clasico λόγος (logos) significante palabra; el dicido. Mas tarde, ya se extende el significato a inclui pensamiento; razon.

Exegese[revisa | revisa codigo]

Ta puede el lenguaje ser usado de distinto maga forma: para demanda cualquier cosa, para aconseja a alguien, para describi cualquier cosa que ta mira ya nosotros con o simplemente para exprimi un sensacion, como cuando ta grita nosotros si ta toca nosotros fuego. Es el logica un uso especial del lenguaje que es conexo con el sentido y el exactitud del que ta deci nosotros. En concreto, ta es el disciplina que ta estudia el structura, fudamento y uso del maga expression del conocimiento humano.

Ta considera Aristoteles, quien ta es considerado el pionero en el estudio del logica y suyo creador en suyo forma clasico, el como el arte del discuti correcto y verdadero. Al maga libro que ya trata el maga tema de logica ya titula Aristoteles los "Organon", que ta significa "instrumiento". Ta se centra este maga obra en el estudio del silogismo, un conjunto de tres maga presunto o maga juicio que ta tene entre se el siguiente relacion: ta se deriva el tercero - ta se deduci o ta se conclui - del dos maga otro. Ta se llama al dos maga otro "maga premisa" y al ultimo ta se el llama "conclusion". Ta es un ejemplo clasico de silogismo: "Tote les maga hombre mortal; Socrates un hombre; por tanto, Socrates mortal".

Siguiente el definicion clasico de logica, ta puede nosotros deci que ta trata el del ciencia - o el estudio - que ta trata sobre el maga razonamiento correcto. Durante mucho maga siglo aya ya se desarrolla tambien un importante comprension del maga razonamiento incorrecto o maga falsedad, emitido mucho maga vez con el animo de confunde el razonamiento o el debate con otro maga interlocutor.

Este dia, y maga gracia al maga trabajo de un gran numero de maga matematico y maga filosofo, entre maga quien ta nota nosotros George Boole (1815-1864), Giuseppe Peano (1858-1932), Georg Cantor (1845-1918), Gottlob Frege (1848-1925) y Bertrand Russell (1872-1970), se ta desarrolla ya aya el logica simbolico o logica formal, el que ta se caracteriza por el uso de un lenguaje formal, simbolico, como el que ta se usa en el maga matematica, asi como algun maga regla estricto de transformacion entre diferente maga proposicion. En el ta puede nosotros diferencia tres maga rama principal: Teoria sintactico, Teoria semantico y Teoria axiomatico.

Ademas el logica clasico (simbolico), ta existi presentamente aya maga logica con maga nombre diverso como: el logica difuso, logica probabilistico, logica modal y maga logica no monotono.