Pilar
 | Este article es como se llama na lenguaje de Ingles, un 'stub'. Quiere decir, necesita con este articulo traduci na Chavacano o necesita con este articulo hace revisa, compone, extende, o mejora. |
Nuestra Señora Virgen del Pilar de Zaragoza (tambien, Nuestra Señora del Pilar, La Virgen del Pilar, Santa Maria del Pilar) amo el nombre del La Santa Virgen Maria por su aparacimiento na España. Encerrao su imagen na Basilica de Nuestra Señora del Pilar na Zaragoza, España cerca na rio Ebro.
.jpg)
Asegun na un leyenda, del primer dia gayod del iglesia, el apostol Santiago el mayormente ta hace sermon acera con el evangelio na Ceasaraugusta con un poquito progreso. Despues, un milagro ya pasa cuando ya mira el apostol con La Virgen Maria arriba na un pilar cargando de maga angel. Si Maria ta comete con el apostol na Jerusalem. Ansina ya forma el creencia que actual ya venera con el Pilar na Zaragoza amo siempre el mismo pilar del Virgen. Mucho maga milagroso cura ya reporta que ya ocurri este na lugar.
Na Ciudad de Zamboanga, Las Filipinas, ta venera ya con La Virgen del Pilar por cerca 5-siglos. Grabao el su estatua arriba y enfrente del un fuerte de piedra como se llama el Fuerza de Pilar, un fuerte militar del maga Español del aca-16 siglo. Este antigo fuerza militar actualmente un santuario del Iglesia Catolico dedicao con La Virgen. Tiene tambien wl ciudad ya nombra calle asegun con La Virgen - Calle Pilar.
El fiesta del Pilar ta celebra cada aca-12 de Octubre y amo la virgen patrona del nacion España, del maga hispanico, na Ciudad de Zamboanga, Filipinas, y del maga guardia civil de España.
El Maria del Pilar un comun nombre de mujer na Español.
El Milagro del Nuestra Señora la Virgen del Pilar
[edita | edita texto de codigo]Un noche, el centinel ta esta dormido na costao del morralla enfrente del mar. Derepente ele ya agarra na de suyo hombro y ele ya oi un voz ta habla:
"Despierta, hay moros en la costa" (Desperta, no hay mas ya gente.)
Cuando ya despierta el centinel, ya puede ele mira un bonita mujer con vestido de blanco.
Ele ya grita "¡Alto! ¡Alto!" (Alto! Alto!)
Como no hay contestacion, ya apunta ele su pusil con el mujer y cuando para tira ya ele, ya oi ele con este hablando:
"¿Centinel, porque el paso niegas el alba del dia? si conoces a Maria, porque le gritas el Alto?" (Centinel, por que tu ta ataja con el luz del dia? Si conoce tu con Maria, por que tu ta grita el Alto?)
Ensiguidas el guardia ya hinca y ya habla:
"Perdonar me, señora mia madre de mi corazon, soy un pobre centinel que cumplo mi obligacion." (Perdona conmigo, señora mia madre de mi corazon, yo un pobre centinel quien ta cumpli con mi obligacion.)
El mujer ya desaparece sin hablar otro palabra. el siguiente dia, el guardia ya avisa con su comandante oficial con el cosa ya sucede en aquel noche pasao. Para sabe si ele ta habla el verdad acerca el historia del centinel, el comandante oficial ya dale orden corta con maga dedo del guardia y quema durante de un hora.
Maskin el fuego bien caliente, de suyo maga dedos no hay quema. Quiere decir que deverasan el historia del guardia.
Pasa cuantos dias, el guardia ya queda enfermo. Ele no hay salva y ya mori. Pero ya puede mira el de suyo maga compañeros soldao que el centinel bien contento con de suyo muerte.