Vegetal ceguera

El vegetal ceguera o ceguera al maga planta es un informalmente propuesto forma de cognitivo sesgo, que na el de suyo mas amplio sentido es un humano tendendia a ignora con el maga especie de maga planta. Ta inclui esto con maga fenomeno como:

Hinde nota con maga planta na el circundante entorno,
Hinde reconoce con el importancia del vegetal vida para todo el biosfera y para el maga humano asunto,
Un filosofico vista del maga planta como un inferior forma de vida na comparacion con el maga animal, y/o
El incapacidad de aprecia con el maga distinto caracteristica o estetica del maga planta.

Ta inclui maga relacionao termino con negligencia vegetal, zoocentrismo y zoochovinismo.

Ya acuña el termino el maga botanico y maga maestro de biologo si J. H. Wandersee y E. E. Schussler na el de ellos publicacion "Prevencion del vegetal ceguera" (1999, English: Preventing Plant Blindness). Ya sugeri el maga cientifico que hinde ta nota el gente con el maga planta porque estacionario el maga planta y de similar color, aunque ta sugeri otro investigacion que ta afecta el maga cultural practica con el vegetal ceguera. Ya mira un estadounidense estudio con el percepcion del maga planta y maga animal usando con el atencional parpadeo (el capacidad de nota con uno de dos maga rapidamente presentao imagen). Ya mostra el estudio que mas preciso el maga participante na el deteccion de maga animal na maga imagen, na lugar de maga planta. Ademas ya sugeri el maga investigador con maga posible estategia para caracteriza y supera con el zoocentrismo.

Segun el periodista del BBC si Christine Ro, potencialmente vinculao el vegetal ceguera con el trastorno por deficit de naturaleza, que ta considera ele como el causa de un reduccion de maga fondo y menos clase para el botanica.

Maga causa

Sugerio que hay dos maga principal avenida para explica con el surgimiento del vegetal ceguera: el humano naturaleza y el cultura.

Humano naturaleza

Ta abarca el primero, el humano naturaleza, con el idea de que hay un sesgo inherente na el maga quimica y maga sistema de visual procesamiento del humano cerebro para ignora con el planta na el enterno. Ya mostra maga estudio que hinde puede procesa efectivamente el maga humano visual sistema con todo el informacion visto. Ansina, ta sugeri el investigacion que ta dale el cerebro con prioridad al maga variable color, movimiento y familiar objeto para detecta mas eficazmente con el maga amenaza y maga potencial fuente de alimento. Ya que na manada situacion hinde ta cumpli el maga planta con este maga criterio, ta cree manada cientifico que ta tende el humano cerebro a hinde procesa con el de ellos visual presencia. Adicionalmente mostrao que ta tene el maga primate con un preferencia para el maga organismo que ta actua de similar manera a el de ellos propio especie (un consecuencia de queda maga social especie). Ya que ta actua el maga planta muy diferentemente que el maga humano, tambien ta sugeri esto que hay un intrinsico componente al vegetal ceguera.

Cultura

Tambien mostrao que ta desempaña el cultura con un importante papel na el establecimiento de la vegetal ceguera na un sociedad. Ta cree manada que hay evidencia para esto na el disminucion del nivel de vegetal ceguera na cierto maga comunidad. Por ejemplo, na cierto maga indio e indigeno comunidad, muy valorado el maga planta para el de ellos papel na el religion, el medicina y el mitologia.

Na maga sociedad donde prevalente el vegetal ceguera, siguro ta contribui manada cultural mecanismo al fenomeno. Considerao el zoocentrico educacion como un principal causa. Na el maga Estados Unidos, ta dedica el maga libro de texto de biologia de secundario escuela con solo 15% del de ellos contenido al maga planta. Na manada sociedad, segun el publico opinion, nuay ningun integral comprension entre el maga ciudadano del complejidad detras del maga comportamiento, maga reaccion y maga movimiento del maga planta. Siguro ademas puede cultiva el vegetal ceguera el penetrante malentendido del evolucion como un lineal mecanismo na el que mas evolucionao el maga humano y menos evolucionao el maga planta, na lugar de como un proceso complejo y hinde jerarquico. Tambien parcialmente atribuio el vegetal ceguera al aumentao proceso de urbanizacion, que ya llega al trastorno por deficit de naturaleza y el disminucion del protagonismo del papel del maga planta na el cotidiano vida. Al final, ta reforza el cultural sobrerrepresentacion de maga animal —por ejemplo como maga mascota, c como maga simbolo o como maga animal— con el concepto de que mas importante el maga animal que el maga planta.

Maga potencial efecto

Propuesto manada metodo para combati con el vegetal ceguera y na curso maga esfuerzo. El mas prominente campaña enfrentando con este asunto es Prevent Plant Blindness ("Preveni con el vegetal ceguera") y creao por Wandersee y Schussler, el maga investigador que ya acuña con el termino. Ta usa este campaña con tres maga principal tipo de abogacia: (1) un escolar cartel, distribuio a 20,000 maga maestro y avalao por el Botanico Sociedad de America, (2) un ilustrao album de misterio para el maga niño sobre una planta, titulado Lost Plant! (¡Perdio planta!) y (3) el promocion de educacion para el cultivo de maga planta, incluyendo con el maga escolar huerto.

Ademas propuesto manada otro sugerencia para enfrenta con el cultural componente del vegetal ceguera. Ya mostra el investigacion que puede ayuda el maga creativo actividad que involucran plantas —como el narracion de maga historia, el arte y maga juego de rol— a fortalece con el maga relacion del maga niños con el maga planta. Tambien animao el aumento del representacion del maga planta na el maga libro de texto de cientifico educacion, especificamente ellos para el biologia de secundario escuela. Puede ayuda el difusion del conciencia sobre el vegetal ceguera a disminui con tal ceguera, ya que considerao el reconocimiento del sesgo como el primer paso para reduci conele. Ta trata el maga proyecto de ciudadano ciencia involucrando con el maga planta, como TreeVersity, de ayuda con el maga hinde botanico a mira con el maga planta de maga mas variable y frecuente manera. Considerao parte del solucion el vegetal representacion na el arte y el personaje de ficcion, como Groot, ademas del garantia de que ta emplea el educacion sobre el maga planta con el maga mejor practica. Particularmente sugerio que debe emplea el vegetal educacion con maga constructivista principio, activo aprendizaje y multimedia instruccion. Al final, ta sugeri el maga activista para el maga planta que debe considerao el maga humano como parte del natural sistema, na lugar de fuera y por encima de ello.

Desacuerdo sobre el termino

Hinde ta queda algun maga de acuerdo con el uso de este término, afirmando que ta extende el sesgo humano, hinde solo a maga cierto grupo de maga especie, sino a todo el maga organismo sin vertebral columna y maga ojo similar al maga del humano. Incuntrao mucho del biodiversidad na el Tierra na el maga insecto, como el maga escarabajo, masquen na el educacion de biologia y na el medio de comunicacion de maga masa poco representao el maga insecto. Ansina, ta afirma algun maga que este fenomeno es mas exactamente el tendencia del maga humano a ignora con todo, excepto el maga vertebrao, hinde solo el maga planta.

Ta discrepa algun mata con el nombre del fenomeno, ya que ta considera con el uso de un discapacidad, el ceguera, inapropiado como descriptor de un negativo rasgo, y na cambio ta sugeri con el nombre Disparidad de conciencia del maga planta (DCP, English: Plant Awareness Disparity o PAD).

Mira tambien

Especismo