Ir al contenido

Rayo

Desde Chavacano de Zamboanga Wikipedia - El Libre Enciclopedia
Ta cae maga golpe de maga rayo de nube a tierra na el Mediteraneo Mar cerca de Port-la-Nouvelle na el sur de Francia.

El rayo es un natural fenomeno formao por maga electrostatico descarga na el atmosfera entre dos maga electricamente cargao region. O ta queda ambo maga region na el atmosfera, o ta queda uno na el atmosfera y otro na el suelo, temporalmente neutralizando con ellos na un casi instantaneo liberacion de un promedio de entre 200 maga megajulio y 7 maga gigajulio de energía, segun el tipo. Puede este descarga produci con un amplio rango de electromagnetico radiacion, desde calor creao por el rapido movimiento de maga electron, a maga brillante destello de visible luz na forma de radiacion de negro cuerpo. Ta causa el rayo con el trueno, un sonido del onda de choque que ta desarrolla mientras que ta experimenta maga gas na el maga proximidad del descarga con un repentino aumento del presion. Ta ocurri frecuentemente el rayo durante el maga electrico tormenta ademas de otro maga tipo de maga energetico tiempo, pero puede ocurri tambien el volcanico tormenta durante maga volcanico erupcion. El rayo es un fenomeno de atmosferico electricidad y ta contribui al global atmosferico electrico circuito.

Distinguio el tres maga principal tipo de rayo segun el de suyo lugar de ocurrencia: (1) dentro de un solo nube de tormenta (intra-nube), (2) entre dos maga nube (nube-a-nube) o (3) entre un nube y el suelo (nube-a-suelo). Na el tercer caso, conocio este fenomeno como un golpe de rayo, o simplemente un rayo. Reconocio manada otro observacional variante, como rayo de calor, visible a gran distancia pero inaudible, seco rayo, capaz de causa con maga forestal incendio, y globular rayo, raramente observao cientificamente.

Durante manada milenio ya deifica el maga humano con el rayo. Entre maga idioma, comun maga modismo derivao del rayo, p.ej. "como un golpe de rayo". A lo largo del historia, ta fascina el vista y el diferencia (na comparacion con lo normal) del rayo con el gente. Tiene vez ta provoca tal reaccion con miedo, na este caso conocio como astrafobia (miedo al maga rayo).

Ta remonta a 1847 el primer conocio fotografia del rayo, por si Thomas Martin Easterly, masquen ta remonta a 1882 el primer fotografia sobreviviente al maga kanaton dia, por si William Nicholson Jennings, un [[fotografo[[ que ya pasa con el mitad del de suyo vida capturando con maga imagen de maga rayo y demostrando con el de ellos diversidad.

Ta aumenta el evidencia de que ta aumenta el maga emision de maga particula na suspension (un forma de atmosferico contaminacion) con el actividad de rayo. Sin embargo, tambien puede el rayo mejora con el calidad del aire y elimina con el maga gas de invernadero efecto, como el metano del atmosfera, mientras creando con oxido de nitrogeno y ozono al mismo tiempo. El rayo tambien el principal causa de maga forestal incendio, que puede contribui al climatico cambio. Necesario mas maga estudio para clarifica con el de ellos relacion.

Electrificacion[revisa | revisa codigo]

(Figura 1) Ta ocurri el principal zona de carga na un electrico tormenta na el central parte del tormenta, donde ta move con rapidez el aire hacia arriba (ascendente corriente) y ta oscila el maga temperatura entre -15 y -25 °C.
(Figura 2) Al colisiona el maga ascendente cristal de hielo con graupel, ta queda el maga cristal de hielo positivamente cargao y el graupel negativamente cargao.
Ta queda el superior parte del cumulonimbus positivamente cargao mientras que ta queda el maga central e inferior parte del cumulonimbus negativamente cargao.

Ta estudia pa el maga cientifico con el maga detalle del proceso de carga y descarga, pero ta existi un general acuerdo sobre el maga basico concepto del electrificacion de maga electrico tormenta. Puede el triboelectrico efecto causa con el electrificacion, llevando a transferencia de maga electron o maga ion entre maga cuerpo na colision. Puede maga gota de agua sin carga, chocando dentro del nube, queda cargao por causa de transferencia de carga entre ellos (como maga acuoso ion) na un electrico campo como ta existi na un nube de tormenta. Ta ocurri el principal zona de carga na un electrico tormenta na el central parte del tormenta, donde ta move con rapidez el aire hacia arriba (ascendente corriente) y ta oscila el maga temperatura entre -15 y -25 °C; mira con Figura 1. Na aquel area, ta produci el combinacion de temperatura y rapido movimiento de ascendente aire con un mezcla de maga superfusionao gota de nube (maga chico gota de agua por debajo del punto de congelacion), maga chico cristal de hielo y graupel (suave granizo). Ta lleva hacia arriba el ascendente aire con el maga superfusionao gota de nube y maga muy chico cristal de hielo.

Al mismo tiempo, ta tende el graupel, considerablemente mas grande y mas denso, a cae o queda suspendio na el ascendente aire.

Ta causa maga colision el maga diferencia na el movimiento del precipitacion. Al colisiona con graupel, ta queda el maga cristal de hielo positivamente cargao y el graupel negativamente cargao; mira con Figura 2. Ta lleva el ascendente aire con el maga positivamente cargao cristal de hielo hacia arriba, hacia el superior parte del cumulonimbus. Na cuanto al graupel, mas grande y mas denso, o ta queda suspendio na el centtral parte del cumulonimbus, o ta cae hace el inferior parte del nube.

Na cuanto al maga ascendente movimiento dentro del tormenta, y el maga viento na maga mas alto nivel del atmosfera, ta tende este maga a causa que ta extende el maga chico cristal de hielo (y el positivo carga) na el superior parte del cumulonimbus, horizontalmente y a algun distancia del base del cumulonimbus. Este parte del cumulonimbus llamao el yunque. Masquen esto el principal proceso de carga para el cumulonimbus, puede maga movimiento de aire (dentro del tormenta, o hacia arriba o hacia abajo) redistribui con algun maga carga. Ademas, hay un chico pero importante acumulacion de carga cerca del inferior parte del cumulonimbus debio al precipitacion y al maga mas caliente temperatura.

Conocio desde el decada 1840 el inducio separacion del carga na puro liquido agua, ademas del electrificacion de puro liquido agua por el triboelectrico efecto.

Ya demostra si William Thomson (Lord Kelvin) que ta ocurri el separacion del carga na agua na el maga usual electrico campo al terrestre superficie. Gracias a este conocimiento, ya desarrolla si Kelvin con un dispositivo de medicion de continuo electrico campo.

Ya demostra tambien si Kelvin, por medio del generador de si Kelvin, con el fisico separacion del carga na maga diferente region utilizando con liquido agua. Ya considera ele con el maga mas probable especie portador de carga como el ion de acuoso hidrogeno y el ion de acuoso hidroxido.

Considerao tambien el electrico carga de hielo de solido agua. De nuevo ya considera si Kelvin con el maga mismo ion como el maga mas probable conductor de carga.

Un electron hinde estable na liquido agua, con respecto a un ion de hidroxido mas disuelto hidrogeno, para el maga escala de tiempo involucrao na maga electrico tormenta.

El portador de carga na el rayo es mayoritariamente maga electron na un plasma. Hay que involucra el cambio —desde maga carga como maga ion (maga positivo ion de hidrogeno y maga negativo ion de hidroxido) asociao con el liquido agua, hasta maga carga como maga electron asociao con el rayo— con algun forma de electroquimica, es deci, el oxidacion y/o el reduccion de maga quimico especie. Ya que ta funciona el hidroxido y el dioxido de carbono es un acidico gas, es posible que ta interactua maga cargao nube de agua (donde ta queda el negativo carga na forma de acuoso ion de hidroxido) con el atmosferico dioxido de carbono para forma con maga acuoso ion de carbonato y maga acuoso ion de carbonato de hidrogeno.

Maga general consideracion[revisa | revisa codigo]

Video (de cuatro maga segundo) de un destello de rayo a Canyonlands National Park na Utah, EEUU.

Ta culmina el tipico destello de rayo (nube-a-suelo) na el formacion de un canal de plasma, un conductor de electricidad a traves del aire de mas de 5 maga km de altura, desde el interior del nube hasta el terrestre superficie. El real descarga es el final etapa de un muy complejo proceso. Na el de suyo apogeo, ta produci un tipico electrico tormenta con tres o mas maga golpe na el Tierra al minuto.

Mayoritariamente ta ocurri el rayo cuando ta mezcla el caliente aire con maga mas frio masa de aire, dando lugar a maga atmosferico perturbacion necesario para polariza con el atmosfera.

Tambien posible el rayo durante maga tormenta de polvo, maga forestal incendio, maga tornao, maga volcanico erupcion, y hasta na el frio del invierno, donde conocio el rayo como rayo de nieve. Tipicamente ta genera el maga tropical ciclon con algo de rayo, mayoritariamente na el maga tierra de ulan, hasta 160 km del centro.

Distribucion, frecuencia y conteo[revisa | revisa codigo]

Maga dato obtenio desde abril de 1995 hasta febrero de del Optical Transient Detector (Plantilla:Lang-cbk) de NASA representando con maga especial sensor, revelando con el desigual distribucion del rayo na todo el mundo.
Archivo:Megaflash of 477 miles.png
Un megadestello de 768 km desde Texas a Louisiana, na el maga Estados Unidos.[1]

Alrededor del Tierra, hinde distribuio igualmente el rayo. Na el Tierra, el frecuencia del rayo es mas o menos 44 (± 5) maga vez al segundo, o alrededor de 1.4 maga mil millon de maga destello al año, y el mediano duracion es de 0.52 maga segundo, agregao de un serie de maga mucho mas corto destello (maga mini-golpe), de alrededor de 60 a 70 maga microsegundo.

Ta afecta manada factor con el frecuencia, distribucion, intensidad y maga fisico propiedad de un tipico rayo na un particular region del mundo. Ta inclui este maga factor con el elevacion del suelo, el latitud, el maga corriente de maga preponderante viento, el relativo humedad y el proximidad a maga calido y frio cuerpo de agua. Hasta cierto punto, tambien puede el maga proporcion de rayo intra-nube, nube-a-nube y nube-a-suelo varia por estacion na el maga medio latitud.

Debio a que terrestre el maga humano, y ta queda el mayoria del de ellos maga posesion na el Tierra donde puede el rayo daña o destrui con ellos, el rayo nube-a-suelo (NS) es el mas estudiao y mejor entendio del tres maga tipo, masquen mas comun el intra-nube (IN) y el nube-a-nube (NN). Ta limita el relativo imprevisibilidad del rayo con un completo explicacion de paquemodo o por que ta ocurri ele, incluso despues de maga ciento de maga año de cientifico investigacion. Ta ocurri alrededor de 70% del rayo sobre el tierra na el intertropical zona, donde mayor el atmosferico conveccion.

Hay dos maga causa de este ocurrencia: (1) el mezcla de maga calido y frio masa de aire y (2) el maga diferencia na el maga concentracion de humedad, y na manada situacion ta pasa al maga limite entre ellos. Parcialmente ta explica el flujo del maga calido oceanico corriente a traves de maga mas seco masa de tierra, como el Corriente del Golfo, con el elevao frecuencia del rayo na el Sureste de Estados Unidos. Debio a que ta carece maga mas grande cuerpo de agua con el topografico variacion que ordinariamente ta lleva al atmosferico mezcla, notablemente menos frecuente el rayo sobre el maga oceano del mundo que sobre el suelo. Ta significa esto que el ta tene Polo Norte y el Polo Sur con el minimo rayo.Plantilla:Fix/category[clarification needed]

Por lo general, ta representa el rayo NS con 25% lang de todo el rayo na todo el mundo. Usualmente negativamente cargao el base de un electrico tormenta, ansina que ta origina na este lugar el mayoria del rayo NS. Tipicamente ta queda este region al elevacion donde ta ocurri el congelacion dentro del nube. Ta parece el congelacion —combinao con maga colisione entre el hielo y el agua— un fundamental parte del inicial desarrollo del carga y proceso de separacion. Durante maga colision impulsao por el viento, ta tende el maga cristal de hielo a desarrolla con un positivo carga, mientras que ta desarrolla un mas pesao, fangoso mezcla de hielo y agua (llamao graupel) con un negativo carga. Ta separa el maga ascendente aire dentro de un nube de tormenta con el mas ligero cristal de hielo del mas pesao graupel, causando que ta acumula el superior region del nube con un positivo espacial carga mientras que ta acumula el inferior region con un negativo espacial carga.

Debio a que debe el concentrao carga dentro del nube excede con el maga aislante propiedad del aire, y ta aumenta esto proporcionalmente al distancia entre la nube y el suelo, ta amplia el proporcion de maga golpe de NS (versus maga descarga de NN o IN) cuando ta queda el nube mas cerca del suelo. Na el maga tropico, donde generalmente mas alto na el atmosfera el nivel de congelacion, 10% lang del maga destello de rayo son NS. Al latitud de Noruega (alrededor de 60° N), donde mas bajo el nivel de congelacion, 50% del rayo es NS.

Na manada situacion, ta produci el maga nube cumulonimbus con el rayo, que ta tene con maga base tipicamente 1–2 km sobre el suelo y maga cima de hasta 15 km de altura.

El lugar na el Tierra donde mas frecuentemente ta ocurri el rayo es el lago de Maracaibo, donde ta produci el fenomeno de [[rayo del Catatumbo con 250 maga golpe de rayo al dia. Ta ocurri este actividad , na promedio, 297 maga dia al año. Detras del lago de Maracaibo, ta queda el subcampeon cerca del pueblo de Kifuka na el maga montaña del este del Democratico Republica del Congo, donde el elevacion es de alrededor de 975 m. Na promedio, ta recibi este region con 158 maga golpe de rayo por cuadrao kilometro al año. Ta inclui otro maga caliente punto con Singapur y "Lightning Alley" (Plantilla:Lang-cbk) na Central Florida.

Segun el Mundial Meteorologico Organizacion, na el 29 de abril de 2020, observao un destello de rayo de 768 km de largura na el sur de EEUU,, 60 km mas largo que el anterior record de distancia (el sur de Brasil, el 31 de octubre de 2018). Ya dura un solo destello na Uruguay y el norte de Argentina durante 17.1 maga segundo, 0.37 maga segundo mas que el anterior record de duracion (el 4 de marzo de 2019, tambien na el norte de Argentina).

Maga necesario condicion[revisa | revisa codigo]

Para que ta ocurri un electrostatico descarga, necesario dos maga precondicion; primero, debe existi un suficientemente alto diferencia de potencial entre dos maga region de espacio, y segundo, debe obstrui un medio de alto resistencia con el ecualizacion, libre y sin maga obstaculo, del maga opuesto carga. Ta provee el atmosfera con el electrico aislamiento, o barrera, que ta preveni el libre ecualizacion entre maga cargao region de opuesto polaridad.

Bien entendio que durante un electrico tormenta hay separacion y agregacion de maga carga na cierto maga region del nube, masquen hinde completamente entendio el maga exacto proceso por el que ta ocurri este.

Generacion de un electrico campo[revisa | revisa codigo]

Mientras que ta move un cumulonimbus sobre el superficie del Tierra, inducio un iguel electrico carga, pero de opuesto polaridad, na el superficie del Tierra debajo del nube. Ay queda chico el inducio positivo superficial carga, medido contra un fijao punto, mientras que ta acerca el cumulonimbus, subiendo mientras que ta llega el centro del tormenta y bajando mientras que ta sali el cumulonimbus. Mas o menos representable como un curva de campana el referencial valor del inducio superficial carga.

Ta crea el maga opuestamente cargao region con un electrico campo dentro del aire entre ellos. Ta varia este electrico campo na relacion con el fuerza del superficial carga na el base del nube de tormenta — cuanto mayor el acumulao carga, tanto mayor el electrico campo.

Maga destello y maga golpe[revisa | revisa codigo]

El mejor estudiao y entendio forma del rayo es el rayo de nube a suelo (NS). Masquen mas comun, muy dificil el estudio del maga de intra-nube (IN) y de nube a nube (NN) porque nuay ningun maga "fisico" punto que monitorea dentro del maga nube. Ademas, a causa del bajo probabilidad de que ta golpea el rayo con el mismo punto repetida y consistentemente, dificil el cientifico indagacion hasta na maga area de alto frecuencia de NS.

Maga lider del rayo[revisa | revisa codigo]

Ta viaja un lider hacia abajo, hacia el Tierra, ramificando al avanza.
Golpe de rayo causao por el conexion de dos maga lider, positivo mostrao na azul y negativo na rojo.

Na un proceso hinde bien entendio, iniciao un bidireccional canal de ionizao aire, llamao un "lider", entre dos maga opuestamente cargao region na un nube de tormenta. Maga lider son maga electricamente conductivo canal de ionizao gas que ta propaga por, o de otro modo atraio a, maga region con un carga opuesto al del punta del lider. Ta llena el negativo extremo del bidireccional lider con un region de positivo carga, tambien llamao un pozo, dentro del nube mientras que ta llena el positivo carga con un negativo pozo de carga. Na manada situacion ta dividi el maga lider, formando con maga rama na forma de pono. Ademas, ta viaja el maga negativo, y algun maga positivo, lider de descontinuo modo, na un proceso llamao "escalonacion". Facilmente observable el resultante espasmodico movimiento del maga lider na maga video na lento camara de maga rayo.

Posible que ta llena un extremo del lider con el opuestamente cargao pozo enteramente mientras que activo pa el otro extremo. Cuando ta pasa esto, puede el extremo (que ya llena con el pozo) propaga fuera del nube de tormenta y lleva a un destello de nube a aire o de nube a suelo. Na un tipico destello de nube a suelo, ta inicia un bidireccional lider entre el maga principal negativo e inferior positivo region na un nube de tormenta. Ta llena rapidamente el negativo lider con el mas debil region de positivo carga que. Entonces ta propaga el negativo lider hacia el inductivamente cargao suelo.

Ta procede el maga positiva y negativamente cargao lider na maga opuesto direccion, el positivo hacia arriba, hacia el nube y el negativo al Tierra. Ta procede ambo maga ionico canal, na manada sucesivo chorro. Ta "agrupa" cada lider con maga ion al maga extremo, disparando con uno o mas nuevo lider, momentaneamente agrupando de nuevo para concentra con maga cargao ion, entonces disparando con otro lider. Ta continua el negativo lider con el de suyo propagacion y ramificacion al viaja hacia abajo, na manada situacion al alcanza al superficie del Tierra.

Alrededor de 90% del maga largura del maga ionico canal entre maga "grupo" son de aproximadamente 45 m de altura. Ta dura el establecimiento del ionico canal un comparativamente largo tiempo (maga ciento de maga milisegundo) na comparacion con el resultante descarga, que ta ocurri dentro de cuanto docena de maga milisegundo. Ta empequeñece el maga subsiguiente corriente durante el descarga mismo con el electrico corriente necesario para establece con el canal, medido na el maga decena o maga ciento de maga amperio.

Hinde bien entendio el establecimiento del lider del rayo. El fortaleza del electrico campo dentro del nube de tormenta hinde bastante grande para inicia con este proceso por si mismo. Propuesto manada hipotesis. Ta postula un hipotesis que ta crea el cosmico radiacion con maga ulan de maga relativistico electron, y entonces ta acelera con ellos a maga mas rapido velocidad via un proceso llamao el descontrolao averia. Al colisiona este maga relativistico electron e ioniza con maga neutro molecula de aire, ta inicia ellos con el formacion de maga lider. Ta involucra otro hipotesis con el formacion de maga localmente mejorao electrico campo cerca de maga alargao gota de agua o maga cristal de hielo. Ta describi el teoria del percolacion, na especial para el caso de sesgao percolacion, con el maga aleatorio fenomeno de colectividad, que ta produci con un evolucion de maga conectao estructura similar al maga del maga destello de rayo. Ta favorece maga observacional dato, recogio por el LOFAR durante maga tormenta, con un modelo de un avalancha de maga serpentina.

Maga serpentina hacia arriba[revisa | revisa codigo]

Un serpentina hacia arriba emanando del cubierta de un piscina.

Cuando ta acerca un serpentia al suelo, ta mejora el presencia de maga opuesto carga na el suelo con el fortaleza del electrico campo. Mas fuerte el electrico campo na maga objeto con puesto a tierra cuyo maga superior parte mas cercano al base del nube de tormenta, como maga pono y maga alto edificio. Si bastante fuerte el electrico campo, puede desarrolla un positivamente cargao ionico canal, llamao un positivo serpentina, o serpentina hacia arriba, de este maga punto. Ya teoriza esto si Heinz Kasemir na 1950.

Mientras que ta acerca el maga negativamente cargao lider, aumentando con el localizao fortaleza del electrico campo, ay excede el maga objeto conectao al tierra, experimentando ya con un efecto corona, y ay forma con maga serpentina hacia arriba.

Apego[revisa | revisa codigo]

Cuando ta conecta un lider hacia abajo a un disponible lider hacia arriba —un proceso conocio como apego—, formao un camino de bajo resistencia y puede ocurri un descarga. Hay maga fotografia donde claramente visible maga serpentina sin apego. Na el rayo con maga rama, tambien visible el maga lider hacia abajo sin apego, que ta carece de ningun conexion al tierra, masquen puede ellos aparece conectao. Puede maga video de alta velocidad mostra con el proceso de apego na progreso.

Descarga[revisa | revisa codigo]

Golpe de retorno[revisa | revisa codigo]

Fotografia de alto velocidad mostrando con maga diferente parte de un gole de rayo durante el proceso de descarga como visto na Toulouse, Francia.

Una vez que ta cerra un conductivo canal con el espacio de aire entre el exceso de negativo carga na el nube y el exceso de positivo superficial carga por debajo, hay una gran caida na el resistencia a traves del canal del rayo. Ta acelera el maga electron con rapidez como resultao na un zona empezando al punto de apego, que ta expandi por todo el red del lider, a hasta un tercio del velocidad del luz. Esto el "golpe de retorno", el mas luminoso y notable parte del descarga de rayo.

Ta flui un gran electrico carga a lo largo del canal de plasma, del nube al suelo, neutralizando con el positivo carga de tierra a medida que ta flui el maga electron desde el punto de impacto hacia el circundante area. Ta crea este enorme oleada de corriente con maga gran radial diferencia de voltaje a lo largo del superficie del suelo. Llamao maga potencial de paso,[cita requerida] ta causa ellos con mas maga herido y maga muerto na maga grupo de maga persona o de otro maga animal que el golpe mismo. Ta toma el electricidad con todo el maga camino disponible para el. Na manada situacion ay causa tal maga potencial de paso que ta flui de un rama (del rayo) a otro, electrocutando a un desafortunado humano o animal ubicao cerca del punto donde ta cae el rayo.

Ta tene el electrico corriente del golpe de retorno con un promedio de 30 maga kiloamperio para un tipico negativo destello NS, conocio como rayo "negativo NS". Na cuanto caso, puede oriunda de un positivamente cargao region na el suelo debajo de un tormenta. Normalmente ta oriunda tal maga descarga desde el maga cima de maga muy alto estructura, como el maga antena de comunicacion. El velocidad del corriente del golpe de retorno es alrededor de 100,000 km/s (un tercio del velocidad del luz).

Debio al masivo flujo de electrico corriente producio durante el golpe de retorno combinao con el de suyo tasa de ocurrencia (medido na maga microsegundo), hay un rapido supercalentamiento del completao canal de lider, formando con un altamente electricamente conductivo canal de plasma. El coro temperatura del plasma durante el golpe de retorno puede excede con 27,800 °C, causando que ta radia ele con un brillante, azul-blanco color. Con el cese del electrico corriente, ta enfria el canal, disipando na maga decena o maga ciento de maga milisegundo, frecuentemente desapareciendo como maga fragmentao parche de incandescente gas. Debio al casi instantaneo calentamiento durante el golpe de retorno, hay un explosivo expansion del aire, produciendo con un poderoso onda de choque escuchao como el trueno.

Nuevo golpe[revisa | revisa codigo]

Ta demosta maga video de alta velocidad (examinao de fotograma a fotograma) que na cuanto al mayoria del maga negativo destello de rayo NS, ta consisti ellos na 3 o 4 maga individual golpe, masquen puede hay hasta 30.

Ta separa un relativamente grande cantidad de tiempo con cada nuevo golpe, tipicamente 40–50 maga milisegundo, mientras que ta descarga otro maga cargao region na el nube na maga subsiguiente golpe. Ta tende maga nuevo golpe a causa con un notable efecto de "estroboscopico luz".

Para comprende por que ta utiliza multiple maga golpe de retorno con el mismo canal de rayo, hay que comprende con el comportamiento de maga lider de retorno. Ta queda un lider de retorno un tipico destello de suelo detras del conexion del negativo lider con el suelo. Ta decae el maga positivo lider mas rapidamente que el maga negativo lider. Por maga razon hinde bien entendio, ta tende el maga bidireccional lider a empeza na el maga extremidad del maga decaio positivo lider, na el que ta intenta el extremo reioniza con el red de maga lider. Usualmente ta decae este maga lider, tambien conocio como maga lider de retroceso, poco despues de su formacion. Cuando ta logra gayot ellos contacta con un conductivo parte del principal red de maga lider, ta ocurri un proceso, como un golpe de retorno, y ta viaja un lider de dardo a lo largo de todo o un parte del longitud del original lider. Ta causa este maga lider de dardo, haciendo con maga conexion con el suelo, con el mayoria de maga subsiguiente golpe de retorno.

Ta precede cada sucesivo golpe maga intermedio golpe de lider de dardo que ta tene con un mas rapido tiempo de subida pero un mas bajo amplitud que el inicial golpe de retorno. Usualmente ta reusa cada subsiguiente golpe con el canal de descarga tomao por el anterior, pero puede el viento desplaza con el caliente canal del de suyo anterior posicion.

Ya que hinde ta ocurri el maga lider de retroceso o de dardo na maga negativo lider, casi nunca ta utiliza el maga subsiguiente golpe de retorno na el maga positivo destello de suelo, explicao mas abajo.

Maga transiente corriente durante un destello[revisa | revisa codigo]

Ta subi el electrico corriente, dentro de un tipico negativo descarga de rayo NS, al de suyo maximo valor dentro de 1—10 maga milisegundo, entonces ta decae con mas lentitud dentro de 50–200 maga milisegundo. Ta causa el transitorio naturaleza del corriente, dentro de un destello de rayo, con cuanto fenomeno que hay que trata para el eficaz proteccion del maga terrestre estructura. Ta tende maga corriente que ta cambia rapidamente a viaja na el superficie de un conductor, na el llamao pelicular efecto, hinde maga directo corriente, que "ta flui por" el entero conductor como el agua por un manguera. Ansina, ta tende el maga onductor utilizao para el proteccion de maga instalacion a tene con multiple hebra, es deci, maga chico alambre tejio junto. Ta aumenta este con el total superficial area del paquete, na inverso proporcion al radio del individual hebra, para un fijao total seccional area.

Tambien ta crea el maga rapidamente cambiando corriente con maga electromagnetico pulso (EMP) que ta irradia hacia afuera desde el ionico canal. Esto es un caracteristica de todo maga electrico descarga. Ta debilita el maga pulso irradiao rapidamente mientras que ta aumenta el de suyo distancia desde el origen. Sin embargo, si ta pasa ellos por encima de maga conductivo elemento como maga electrico linea, maga linea de comunicacion o maga metalico tuberia, puede induci con un corriente que ta viaja hacia afuera hasta el de suyo terminacion. Inversamente relacionao el corriente de sobretension al impedancia de sobretension: cuanto mas alto el impedancia, tanto mas bajo el corriente. Esto el sobretension que, na manada situacion, ta causa con el destruccion de maga delicado electronico aparato, maga electrodomestico o maga electrico motor. Puede maga especializao aparato —conocio como maga protector de sobretension, adjunto na paralelo con este maga linea— detecta con el transiente irregular corriente del destello de rayo y, por alteracion del de suyo maga fisico propiedad, enruta con el sobretension a un adjunto tierra, protegiendo ansina con el equipo de maga daño.

Maga tipo[revisa | revisa codigo]

Hay tres maga tipo de rayo, segun el maga punto de "inicio" y "destino" de un canal de destello:

  • Intra-nube (IN) — Ta ocurri dentro de un solo nube de tormenta.
  • Nube-a-nube (NN) o inter-nube — Ta viaja entre dos maga diferente "funcional" nube de tormenta.
  • Nube-a-suelo (NS) — Ta oriunda primariamente na el nube de tormenta y termina na el terrestre superficie, pero tiene vez ta ocurri na el opuesto direccion, es deci, del suelo a un nube.

Hay maga variacion de cada tipo, como maga "positivo" versus maga "negativo" destello de NS, que ta tene con maga diferente fisico caracteristica, comun a cado uno y medible. Al mismo o a maga diferente evento, atribuible maga diferente comun nombre usao para describi con un particular evento de rayo.

Nube a suelo (NS)[revisa | revisa codigo]

Nube a suelo visto na lento camara.

El rayo de nube a suelo (NS) es un descarga de rayo entre un nube de tormenta y el suelo. Ta inicia conele un escalonao lider bajando del nube, incuntrao por un serpentina moviendo hacia arriba desde el suelo.

De todo el maga tipo el rayo, el NS menos comun, pero mas entendio. Mas facil el cientifico estudio de esto porque ta termina el rayo na un fisico objeto, a sabe el Tierra, y ansina medible por maga instrumento na el suelo. Del tres maga principal tipo del rayo, este el mas peligroso para la vida y la propiedad, por termina na el Tierra como maga "golpe".

El general descarga, denominao un destello, es el producto de un numero de maga proceso, como el preliminar averia, el maga escalonao lider, el maga lider de conexion, el maga golpe de retorno, el maga lider de dardo y el maga subsiguiente golpe de retorno. Puede el conductividad del electrico tierra —tierra, dulce agua o salao agua— afecta con el tasa de descarga de rayo y ansina con el maga visible caracteristica.

Positivo y negativo rayo[revisa | revisa codigo]

O positivo o negativo el rayo de nube a suelo (NS), como definio por el direccion del convencional flujo de corriente entre el nube y el tierra. Negativo el mayoria del rayo NS, que ta significa ta viaja un negativo carga al tierra, y que ta viaja hacia abajo maga electron a lo largo del canal de rayo (convencionalmente, ta flui el corriente desde el suelo hasta el nube). Ta pasa lo contrario na un positivo destello de NS, pero mucho menos comun esto, que na promedio ta compone con menos de 5% de todo el maga golpe de rayo.

Un golpe de rayo de la nada que parece inicia desde un despejao cielo, pero ta lanza el turbulente cielo sobre el cumulonimbus incus con un rayo de plasma a traves del nube directamente al suelo. Comunmente conocio ellos como maga positivo destello, masquen usualmenta negativo na polaridad.

Hay seis maga diferente mecanismo teorizao a causa con el formacion de positivo rayo:

  • Vertical cizalladura desplazando con el superior region de positivo carga de un nube de tormenta, exponiendo conele al suelo mas abajo.
  • El perdida de maga region de mas bajo carga na el etapa de disipacion de un electrico tormenta, dejando con el región de primario positivo carga.
  • Un complejo disposicion de region de carga en un nube de tormenta, na efecto creando con un invertio dipolo o invertio tripolo donde ta queda el principal region de negativo carga por encima del principal region de positivo carga na lugar de por debajo de ello.
  • Un inusualmente grande region de positivo mas bajo carga na el nube de tormenta.
  • El corte de un extendio negativo lider desde el de suyo origen, que ta crea con un nuevo bidireccional lider na el que ta golpea el positivo extremo con el tierra, comunmente visto na maga cierto tipo de maga destello de rayo.
  • El inicio de un positivo rama hacia abajo a partir de un destello de rayo IN.

Contrariamente al popular creencia, hinde necesariamente ta oriunda el maga positivo destello de rayo desde el yunque, o el superior region de positivo carga, y ta golpea ele con un area libre de ulan fuera del electrico tormenta. Basao este creencia na el anticuao idea de que unipolar el maga lider de rayo y oriundo del de ellos respectivo region de carga.[cita requerida]

Na manada situacion, mucho mas intenso el maga positivo golpe de rayo que el de ellos maga negativo homologo. Ta lleva un tipico golpe de negativo rayo con un electrico corriente de 30,000 maga amperio (30 kA) y ta transferi con 15 C (maga culombio) de electrico carga y 1 gigajulio de energia. Puede maga gran golpe de positivo rayo con hasta 120 kA y 350 C. Ta tene el tipico positivo destello con aproximadamente el doble del maximo corriente de un tipico negativo flash, y puede produci con maga corriente de hasta 400 kA y maga carga de vario ciento de maga culombio. Ademas, comunmente ta segui maga largo continuo corriente con maga positivo de suelo destello con maga alto maximo corriente, un correlacion hinde visto na maga negativo destello de suelo.

Gracias al de ellos mayor poder, considerablemente mas peligroso el maga positivo golpe de rayo que el maga negativo golpe. Ta produci el positivo rayo con maga mas alto maximo corriente y maga mas largo continuo corriente, ansina que capaz ellos de calentar con maga superficie a mucho mas alto nivel, que ta aumenta el probabilidad de incendio. Ta explica el maga gran distancia propagable por el positivo rayo por el limpio aire por que conocio ellos como maga rayo "de la nada", sin ningun aviso al maga observador.

A pesar del popular erroneo idea de que este magaPlantilla:Fix/category[clarification needed] son maga positivo golpe de rayo (porque ta parece ellos oriunda del region de positivo carga) ta demostra el maga observacion que hay gayot maga negativo destello. Ta empeza ellos como maga intra-nube destello, pero ta sali el negativo lider del nube del region de positivo carga, antes de propaga por el aire y golpea con el tierra a cierto distancia.

Tambien conocio que puede el positivo rayo impulsa con el ocurrencia de maga destello de rayo hacia arriba desde el superior parte del maga alto estructura, ansina que ta causa el positivo rayo con el iniciacion de maga rojo espectro o maga sprite a cuanto decena de maga kilometro sobre el nivel del suelo. Ta tende el positivo rayo a ocurri con mas frecuencia durante el maga tormenta de invierno, como el maga tormenta de nieve, durante maga intenso tornao y durante el fase de disipacion de un electrico tormenta. Ademas, ta genera el positivo rayo con maga enorme cantidad de maga onda de radio de extremadamente bajo frecuencia (EBF) y muy bajo frecuencia (MBF).

Nube a nube (NN) e intra-nube (IN)[revisa | revisa codigo]

Puede ocurri el maga descarga de rayo entre dos maga nube, o dentro de un solo nube, sin contacta con el tierra. Cuando ta ocurri ele entre dos maga separao nube, conocio como rayo de nube a nube (NN) o inter-nube. Cuando ta ocurri ele entre maga area de diferente electrico potencial dentro de un solo nube, conocio como rayo intra-nube (IN). Mas frecuente el IN del tres maga tipo de rayo.

Mas comunmente ta ocurri el rayo IN entre el superior porcion (el yunque) y el maga inferior parte de un nube de tormenta. Tiene vez tal rayo observable a maga gran distancia durante el noche como el llamao "rayo de hoja". Na tal maga instancia, posible que ta ve un observador con un destello de luz lang sin escucha con ningun trueno.

Maga efecto[revisa | revisa codigo]

Golpe de rayo[revisa | revisa codigo]

Maga efecto na maga objeto[revisa | revisa codigo]

Ya demole el explosivo presion de vapor, entre el tronco y el corteza de un abedul, por un golpe de rayo, con el corteza de este pono.
Un marca de huelga na el tronco de un negro nogal na Oklahoma.

Ta experimenta el maga objeto golpeao por el rayo con calor y maga magnetico fuerza de gran magnitud. Puede el calor creao por maga corriente de rayo viajando por un pono vaporiza con el de suyo savia, causando con un explosion de vapor que ta reventa con el tronco. Mientras que ta viaja el rayo por el arenoso suelo, puede derreti el suelo circundando con el canal de plasma, formando con maga tubular estructura llamao maga fulgurita.

Maga efecto na maga edificio y maga vehiculo[revisa | revisa codigo]

Puede el rayo daña con maga edificio o maga alto estructura mientras que ta busca el rayo con maga camino sin maga obstaculo hacia el suelo. Al conduci de seguro modo con un rayo al suelo, un sistema de proteccion contra el rayo, por lo general incorporando con al menos un pararrayos, puede reducir na gran medida con el probabilidad de maga grave daño al propiedad.

El maga avion muy susceptible de maga golpe debio al de ellos maga metalico fuselaje, pero generalmente hinde peligroso el maga golpe de rayo al maga avion. Gracias al maga conductivo propiedad de un aleacion de aluminio, ta actua el fuselaje como un jaula de si Faraday. Na el de kanaton tiempo, ta tene na cuenta el construccion de un avion con el posibilidad de un golpe de rayo.

Maga efecto na maga animal[revisa | revisa codigo]

Masquen ta sobrevivi el 90 por ciento del gente golpeao por el rayo, puede el maga animal —incluio el maga humano— golpeao por el rayo sufri con el maga grave lesion debio al daño al maga interno organo y el nervioso sistema.

Otro maga efecto[revisa | revisa codigo]

Ta desempeña el rayo con un importante papel na el ciclo del nitrogeno por el oxidacion del diatomico nitrogeno na el aire na maga nitrato que ta queda depositao por el ulan y que puede fertiliza con el crecimiento de maga planta y otro maga organismo.

Trueno[revisa | revisa codigo]

Debio a que ta supercalenta el electrostatico descarga del terrestre rayo con el aire al temperatura de plasma a lo largo del longitud del canal de descarga na un corto periodo de tiempo, ta dicta el cinetico teoria del maga gas que ta sufri el maga gaseoso molecula con un rapido aumento de presion y ansina ta expandi hacia afuera del rayo mismo, creando con un onda de choque audible como trueno. Ya que ta propaga el maga onda de sonido, hinde desde un solo puntual fuente, sino a lo largo del trayectoria del rayo, ta genera el variable distancia (entre el sonido y el observador) con un retumbante sonido. Ta complica otro maga factor con el percepcion del maga sonico caracteristica: el irregular y posiblemente ramificao geometria del canal del rayo, el acustico eco del terreno, y el hecho de que usualmente ta tene un golpe de rayo con manada sub-golpe.

El velocidad del luz na el vacio es alrededor de 300,000,000 m/s, y ta viaja el sonido por el aire a un velocidad de alrededor de 343 m/s. Puede un observador aproxima con el distancia el golpe cronometrando con el intervalo entre el visible rayo y el audible trueno ansina generao. Si ta precede un destello de rayo con el de suyo trueno por un segundo, ta tene esto con un distancia de aproximadamente 343 m; ta indica un retraso de tres maga segundo con un distancia de aproximadamente 1 km (3 × 343 m). Ta indica un destello cinco maga segundo antes del trueno con un distancia de aproximadamente 1.7 km (5 × 343 m). Por consiguiente, ay acompaña un repentino trueno con un rayo observao a muy corto distancia, con un casi imperceptible lapso de tiempo, y posiblemente con el olor de ozono (O3).

Tiene vez visible pero inaudible el rayo a un suficiente distancia, hay maga dato que ta indica que visible el rayo a 150 km de distancia, mientras que ta viaja el trueno a alrededor de 32 km lang. Anecdoticamente, hay mucho gente que ta deci que "ya queda el tormenta directamente sobre el de kanaton maga cabeza, o na todo maga partes masquen nuay trueno". Debio a que puede el maga nube de tormenta con un altitud de 20 km, puede parece cercano el rayo ocurriendo na el maga superior parte del nube, masquen demasiao lejos pa para produci con notable trueno.

Radio[revisa | revisa codigo]

Plantilla:Expand-section

Maga cercano rayo visto a traves del banda de transmision de AM.

Ta genera el maga descarga de rayo con maga pulso de radiofrecuencia recible a maga millar de kilometros del de suyo origen como maga sferica y maga silbio.

Radiacion de alto energía[revisa | revisa codigo]

Tan temprano como 1925 ya predeci si Charles Wilson Wilson con el produccion de maga rayo X por un golpe de rayo, pero hinde incuntrao ningun evidencia hasta 2001/2002, cuando ya detecta maga investigador al New Mexico Institute of Mining and Technology con maga emision de maga rayo X desde un inducio golpe de rayo a lo largo de un cable, conectao a tierra, detras de un cohete disparao hacia una nube de tormenta. Durante el mismo año ya usa maga investigador al University of Florida y el Florida Institute of Technology con un serie de maga detector de electrico campo y de maga rayo X, na un centro de investigacion de rayo na el norte de Florida, para confirma que ta genera el natural rayo con maga rayo X na maga gran cantidad durante el propagacion del maga escalonao lider. Sin embargo, un abierto cuestion pa el causa del maga emision mismo del maga rayo X, ya que demasiao bajo el temperatura del rayo para explica con el maga rayo X observao.

Ya revela cuanto observacion por maga espacial telescopio con maga emision de mas energia (maga rayo gamma), el maga llamao terrestre destello de rayo gamma (TDRG). Ta confia este maga observacion con el maga actual teoria del rayo, particularmente con el reciente descubrimiento del maga claro firma del antimateria producio na el rayo. Ya demostra el reciente investigacion que el maga secundario especie, producio por tal maga TDRG, como maga electron, maga positron, maga neutrino o maga proton, puede obtene con maga energia de hasta cuanto decena de MeV.

Ozono y maga oxido de nitrogeno[revisa | revisa codigo]

Ta lleva el maga muy alto temperatura generao por el rayo a maga significante local aumento del ozono y maga oxido de nitrogeno. Ta produci cada destello de rayo, na maga templao y subtropical zona, con un promedio de 7 kg de Plantilla:NOx. Na el troposfera puede el efecto del rayo aumenta con el Plantilla:NOx por 90% y el ozono por 30%.

Volcanico[revisa | revisa codigo]

Puede el volcanico material empujao hacia el atmosfera desencadena con el rayo.

Ta produci el volcanico actividad con maga condicion conducivo al rayo de multiple manera. Ta crea un denso penacho de maga particula el enorme cantidad de pulverizao material y maga gas explosivamente expulsao al atmosfera. Ta produci un carga el densidad de maga ceniza y el constante movimiento dentro del volcanico pluma por maga friccional interaccion (triboelectrification), llevando a maga muy potente y muy frecuente destello mientras que ta intenta el nube neutraliza. Debio al amplio contenido de solido material (maga ceniza) —hinde como el maga zona de una normal nube de tormenta, rico na agua, que ta genera con carga—, conocio como un sucio tormenta.

  • Este fenomeno documentao a lo largo del historia. Ya presencia si Plinio el Joven con maga poderoso y frecuente destello na el volcanico pluma durante el erupcion del Vesubio na 79.
  • Ansina mismo, maga vapor y maga ceniza originando na el maga respiradero del maga flanco del volcan puede produci con maga mas localizao y mas chico destello de mas de 2,9 km de longitud.
  • Maga chispa de corto duracion, recientemente documentao cerca del magma nuevamente extruio, son prueba de que altamente cargao el material hasta antes de que ya entra na el atmosfera.

Si ta subi el penacho de volcanico ceniza a un zona de maga temperatura bajo cero, ta forma maga particula de hielo y ta colisiona con maga particula de ceniza para causa con electrificacion. Detectable el rayo na cualquier explosion pero puede el adicional electrificacion, del maga particula de hielo na el maga ceniza, lleva a un mas fuerte electrico campo y un mayor tasa de detectable rayo. Tambien utilizao el rayo para el deteccion de maga peligroso erupcion.

Rayo de fuego[revisa | revisa codigo]

Puede el maga intenso forestal incendio, como el maga visto durante el temporada de maga forestal incendio de Australia 2019-2020, crea con el de ellos maga propio sistema de tiempo que puede produci con el rayo y otro maga meteorologico fenomeno. Debio al intenso calor de un fuego, rapidamente ta sube el aire dentro del pluma de humo, causando con el formacion de maga cumulonimbus flammagenitus. Ta atrae este turbulente, ascendente aire con mas frio aire, ayudando a enfria con el pluma. Ta enfria mas el pluma el mas bajo atmosferico presion a gran altitud, permitiendo que ta condensa el internal humedad na un nube. Ta forma el maga cumulonimbus flammagenitus na un inestable atmosfera. Puede este maga meteorologico sistema produci con el seco rayo, el maga remolino de fuego, el maga intenso viento y el sucio granizo.

Extraterrestre[revisa | revisa codigo]

Observao el rayo dentro del maga atmosfera de otro maga planeta, como Jupiter, Saturno y probablemente Urano y Neptuno. Mucho mas energetico el rayo na Jupiter que na el Tierra, masquen generao por el mismo mecanismo. Recientemente, un nuevo tipo de rayo detectao na Jupiter, quizas oriundo de maga "bola de papilla" (English: mushball) incluyendo con el amoniaco.

Na cuanto al rayo na Venus, esto un controversial tema pa despues de maga decada de estudio. Durante el maga sovietico programa Venera y el maga estadounidense programa Pioneer durante el maga 1970 y el maga 1980, detectao maga señal que ta sugeri con el posible presencia de maga rayo na el superior atmosfera. Hinde ya detecta el breve sobrevuelo de Venus por el mision Cassini–Huygens 1999 con ningun señal del rayo, pero puede origina de rayo na Venus maga pulso de radio registrao por el espacial nave Venus Express (que ya comenza a orbita con Venus na abril de 2006).

Maga fenomeno relacionao con el maga humano[revisa | revisa codigo]

  • Observao que ta influencia el maga estela de condensacion de maga avion con el rayo, hasta cierto punto. Puede tal estela de condensacion provee con un via de menor resistencia a traves del atmosfera, influenciando ansina con el establecimiento de un ionico via (sin querer, siempre) para un futuro rayo.
  • Ya provee el maga columna de escape con un via para el rayo, y poreso ta golpea el rayo con el cohete de Apolo 12 poco despues del despegue.
  • El maga termonuclear explosion —proporcionando con extra material para el electrico conduccion y un muy turbulente localizao atmosfera— son un bien conocio causa de maga destello de rayo dentro del nube de hongo. Ademas, puede el intenso radiacion gamma de maga gran nuclear explosion lleva a maga intensamente cargao region na el circundante aire a traves del dispersion Compton. Ta crea este maga region con multiple descarga de rayo de limpio aire poco despues del detonacion del aparato.

Cientifico estudio[revisa | revisa codigo]

Llamao fulminologia el cientifico estudio del rayo.

Maga caracteristica[revisa | revisa codigo]

Ta causa el rayo con el trueno, un sonido del onda de choque producio cuando ta calenta (repentinamente, y a maga muy alto temperatura) el maga gas cerca del descarga. Tipicamente audible cuanto segundo despues del rayo mismo. Escuchao el trueno como un gradualmente disipando estruendo porque ta llega a maga ligeramente diferente tiempo el sonido de maga diferente parte de un largo arco de rayo.

Cuando ta excede el local electrico campo con el dielectrico rigidez de mojoso aire (alrededor de 3 MV/m), ta resulta el electrico descarga na un golpe de rayo, frecuentemente seguio por maga correspondiente descarga ramificando desde el mismo trayectoria. Actualmente el maga mecanismo que ta provoca con el acumulacion de maga carga hasta el rayo son un tema de cientifico investigacion. Ta confirma un estudio de 2016 que involucrao el dielectrico ruptura. Cuando ta circula el aire lleno de calido humedad por maga electrico campo, tiene vez puede esto causa con el rayo. Entonces ta acumula maga particula de hielo o de agua con carga na un generador de si Van de Graaff.

Ya incuntra maga investigador al Universidad de Florida que el maga final unidimensional velocidad de 10 maga destello observao fueron entre 1.0Plantilla:E y 1.4Plantilla:E m/s, con un promedio de 4.4Plantilla:E m/s.

Deteccion y monitoreo[revisa | revisa codigo]

Un contador de maga rayo. Museu Romàntic Can Papiol, Vilanova i la Geltrú, Cataluña, España.

El primer detector inventao para adverti del proximidad de un electrico tormenta fue el campana de rayo, o el campana de si Franklin. Ta instala si Benjamin Franklin con tal equipo na el de suyo casa. Basao el detector na un electrostatico equipo llamao el "maga electrico campana" (English: electric chimes) inventao por si Andrew Gordon na 1742.

Ta genera el maga descarga de rayo con un amplio gama de maga electromagnetico radiacion, incluio el maga pulso de radiofrecuencia. Para localiza con el fuente del descarga con un precision del orden de maga metro, usable el maga tiempo cuando ta llega a algun maga receptor un pulso de algun descarga de rayo. Ya construi el federal gobierno del maga Estados Unidos con un nacional red de tal maga detector de maga rayo, permitiendo con el seguimiento del maga descarga de maga rayo, na real tiempo, na todo el continental territorio del maga EEUU.

Ademas, ta provee Blitzortung (un privao global sistema de deteccion, que ta consta de mas de 500 maga estacion de deteccion, poseio y operao por maga aficionao/voluntario) con maga mapa de maga rayo, casi na real tiempo, a [1].

Ta atrapa el guia de onda (entre el Tierra y el ionosfera) con maga electromagnetico onda de VLF y ELF. Dentro de tal guia de ona ta propaga maga electromagnetico pulso transmitio por el rayo. Dispersivo el guia de onda, que ta significa que ta depende del frecuencia el de ellos velocidad de grupo. Na cuanto al diferencia del retardo de tiempo de grupo de un pulso de rayo a maga adyacente frecuencia, proporcional esto al distancia entre el transmisor y el receptor. Junto con el maga metodos de radiogoniometria, ta permiti esto con el localizacion de rayo a maga distancia de hasta 10.000 km del de suyo origen. Ademas, usao el maga eigenfrecuencia del dicho guia de onda, el maga resonancia Schumann a alrededor de 7.5 Hz, para determina con el global actividad de maga electrico tormenta.

Ademas del deteccion de rayos na el tierra, constuio cuanto instrumento a bordo de maga satelite para observa con el distribucion del rayo. Incluio el Optical Transient Detector (OTD), a bordo del satelite OrbView-1 lanzao el 3 de abril de 1995, y el subsiguiente Lightning Imaging Sensor (LIS), a bordo del TRMM lanzao el 28 de noviembre de 1997.

Empezando na 2016, el National Oceanic and Atmospheric Administration (Plantilla:Lang-cbk) con el maga satelite de tiempo GOES-R (Geostationary Operational Environmental Satellite–R Series) que ta conta con maga instrumento de Geostationary Lightning Mapper (GLM), maga optico transitorio detector de cercano infrarrojo. Capaz este maga instrumento de detecta con el maga momentaneo cambio na un pptico escena, indicando con el presencia del rayo. Convertible el maga dato de deteccion del rayo na un mapa na real tiempo del actividad del rayo por todo el occidental hemisferio: implementao este tecnica de mapeo por el Nacional Meteorologico Servicio (Estados Unidos).

Na 2022Plantilla:Fix/category[needs update] ta planea el EUMETSAT lanza con el el Lightning Imager (MTG-I LI) a bordo del Meteosat de Tercer Generacion. Ay complementa esto con el GLM del NOAA. Ay cubri el MTG-I LI con Europa y Africa y ay genera con maga informacion sobre maga evento, maga grupo y maga destello.

Artificialmente inducio[revisa | revisa codigo]

  • Por un cohete
    "Inducible" el rayo por el maga cohete de especial diseño arrastrando con maga carrete de alambre hacia el maga electrico tormenta. Ta desenrolla el cable a medida que ta ascende el cohete, creando con un elevao "tierra" capaz de atrae con maga descendente lider. Si ta adjunta un lider, ta provee el alambre con un via de bajo resistencia para un destello de rayo. Ta vaporiza el flujo del corriente de retorno con el alambre, creando na el de suyo lugar con Un recto canal de plasma de rayo. Ta permiti este metodo con el cientifico investigacion del rayo de un mas controlao y predecible modo.
    Tipicamente ta usa el rayo el International Center for Lightning Research and Testing (ICLRT) a Camp Blanding, Florida para el de ellos maga estudio del rayo.
  • Por un laser
    Desde el decada de 1970, ya intenta el maga investigador induci con el rayo por medio de maga infrarrojo o ultravioleta laser, que ta crea con un canal de ionizao gas a traves del cual conducio el rayo al tierra. El intencion de induci con tal rayo es protege con el maga plataforma de lanzamiento de maga cohete, el maga instalacion de electrico energía y otro maga sensible objetivo.
    Na New Mexico, EEUU, ya proba el maga cientifico con un nuevo laser de maga teravatio que ta induci con el rayo. Ya dispara el maga cientifico con maga ultrarrapido pulso desde un extremadamente potente laser, enviando ansina con cuanto teravatio na el maga nube para convoca con maga electrico descarga na maga nube de tormenta sobre el region. Ta crea el maga rayo enviao por el laser con maga canal de maga ionizao molecula conocio como maga filamento. Antes de que ta golpea el rayo con el Tierra, ta conduci el maga filamento con el electricidad a traves del maga nube, desempeñando con el papel de maga pararrayos. Ta genera el maga investigador con maga filamento que ya vivi demasiao poco tiempo para desencadena con un real rayo. Sin embargo, registrao un aumento na el electrico actividad dentro del maga nube. Segun el maga frances y aleman cientifico que ya ejecuta con el experimento, ay tene el maga rapido pulso enviao por el laser con el capacidad de induci con maga golpe de rayo "al llamao". Ta mostra el estadistico analisis que ya mejora gayot el de ellos maga pulso laser con la electrico actividad na el nube de tormenta hacia donde dirigio (na efecto ya crea ellos con maga chico local descarga ubicao al posicion del maga canal de plasma).

Maga fisico manifestacion[revisa | revisa codigo]

Multiple golpe de rayo na Zadar, Croacia na el 24 de agosto de 2020.

Magnetismo[revisa | revisa codigo]

Ta produci el movimiento del maga electrico carga con un magnetico campo (mira con electromagnetismo). Ta crea el maga intenso corriente de un descarga de rayo con un fugaz pero muy fuerte magnetico campo. Donde ta pasa el trayectoria del corriente del rayo por el roca, tierra o metal, puede este maga materia queda permanentemente magnetizao. Conocio este efecto como el magnetico remanencia inducio por el rayo. Ta segui este maga corriente con el menos resistivo camino, na manada situacion horizontalmente cerca del superficie, pero tiene vez verticalmente, donde ta ofrece el maga falla, el maga mineral yacimiento o el subterraneo agua con un menos resistivo camino. Ta sugeri un teoria que ansina creao el maga piedra de iman, maga natural iman incuntrao na el antigüedad.

Mapable na el tierra el maga magnetico anomalia inducio por el rayo, y puede el analisis de maga magnetizao material confirma que el rayo el fuente del magnetizacion ademas de provee con un estimacion del maximo corriente del descarga del rayo.

Ya calcula el investigacion al Universidad de Innsbruck que puede el maga magnetico campo generao por plasma con maga alucinacion na maga sujeto ubicao dentro de 200 m de un severo electrico tormenta, como cosa ta pasa durante el transcraneano magnetico estimulacion o TME.

El solar viento y maga cosmico rayo[revisa | revisa codigo]

Ta entre na el atmosfera (y ta electrifica con el aire) cuanto cosmico rayo de alto energia producio por maga supernova, ansina como maga solar partículas del solar viento, que puede crea con maga camino para maga golpe de rayo.

El rayo y el climatico cambio[revisa | revisa codigo]

Debio al bajo resolucion del maga global climatico modelo, dificil el preciso representacion del rayo na este maga climatico modelo, mayoritariamente debio al de ellos incapacidad para simula con el conveccion y el imperativo del hielo del maga nube, fundamental para el formacion del rayo. Ta demostra el investigacion por el programa Future Climate for Africa que puede el uso de un modelo (permitiendo con el conveccion) sobre Africa captura con mayor precision con el maga convectivo electrico tormenta y el distribucion de maga particula de hielo. Ta indica este investigacion que puede el climatico cambio aumenta ligeramente lang con el total cantidad de rayo: ta disminui el total numero de maga dia de rayo al año, mientras que ta lleva mas hielo de maga nube y un mas fuerte conveccion a mas maga rayo ocurriendo na el maga dias cuando ta ocurri gayot el rayo.

Ya observa un estudio del Universidad de Washington con el actividad del rayo na el Artico de 2010 a 2020. Comparao el razon de maga golpe de rayo, durante el verano na el Artico, al total numero de maga golpe, y observao que ta aumenta este numero con el tiempo, indicando que ta queda el region mas influenciao por el rayo. Incuntrao que ta aumenta linealmente el fraccion de maga golpe por encima de 65° N, na relacion con el global anomalia de maga temperatura del NOAA, y ya subi por un factor de 3 cuando ya aumenta el anomalia de 0.65 a 0.95 °C.

Paleorrayo[revisa | revisa codigo]

La página «Paleolightning» no se encuentra

Na el cultura y el religion[revisa | revisa codigo]

Religion y mitologia[revisa | revisa codigo]

El rayo por si Mikalojus Konstantinas Ciurlionis (1909).

Na manada cultura, considerao el rayo como un señal o parte de un deidad, o un deidad na si mismo. Ta inclui tal maga dios con el griego dios Zeus, el azteca dios Tlaloc, el maya Dios K, Perun del eslavo paganismo, el baltico Pērkons/Perkūnas, Thor na el nordico mitologia, Ukko na el fines mitologia, el hindu dios Indra, el yoruba Chango, Illapa na el incaico mitologia y el sintoista dios Raijin.

Ya produci el maga etrusco con maga guia para el brontoscopico (por medio del trueno) y el fulgural (por medio del rayo) adivinacion basao na el maga presagio supuestamente mostrao por el trueno o el rayo ocurriendo na maga particular dia del año o na maga particular lugar. Tambien conocio tal uso del trueno y el rayo na el adivinacion como el ceraunoscopia, un tipo de aeromancia. Na el tradicional religion del maga africano bantu tribu, el rayo es un signo del ira del maga dios. Tambien ta atribui el maga Escritura del judaismo, el islam y el cristianismo con una sobrenatural importancia al rayo. Ta compara el cristianismo al rayo con el Segundo Venida de si Jesucristo.

Na el popular cultura[revisa | revisa codigo]

Masquen tiene vez usao figurativamente, el idea de que nunca ta cae el rayo dos maga vez na el mismo lugar es un comun mito. De hecho, puede el rayo cae, y a menudo ta cae gayot, na el mismo lugar mas de una vez. Mas probable que ta golpea el maga rayo na un electrico tormenta con maga objeto y maga punto mas prominente o mas conductor. Por ejemplo, ta golpea el rayo con el Empire State Building na New York na promedio 23 maga vez al año.

Na el frances y el italiano, el expresion para "amor a primer vista" es coup de foudre y colpo di fulmine, respectivamente, o literalmente "golpe de rayo". Ta tene cuanto europeo lengua con un distinto palabra para el rayo que ta golpea con el tierra (opuesto al rayo na general), frecuentemente cognao con el de kanaton termino. Mientras tanto, el nombre del purasangre caballo mas celebre de Australia, Phar Lap, derivao del compario estandar zhuang y tailandes idioma para el rayo (Plantilla:Lang-za, Plantilla:Lang-th fáā laāe baāw).

Dos maga rayo representao na el antiguo escudo de maga arma del municipio de Yli-Ii.

Na el heraldica, mostrao el rayo como un zigzag con maga extremo hinde puntiagudo. Ta representa el simbolo con el poder y el rapidez.

Ta usa cuanto politico partio con el maga rayo como un simbolo del poder, como el Partio de Popular Accion de Singapur, el Britanico Union de maga Fascista durante el decada de 1930, y el Nacional Partio por el maga Derecho del maga Estado na el maga Estados Unidos durante el decada de 1950. Ya usa el Schutzstaffel, el paramilitar ala del Partio Nazi, con el runa Sowilo (literalmente, y cognao con, "Sol") que ta simboliza con el rayo. El aleman palabra Blitzkrieg, que ta significa con "guerra rayo", fue un ofensivo estrategia del aleman ejercito durante el Segundo Mundial Guerra.

El rayo un comun insignia para el maga unidad de militar comunicacion por todo el mundo, ademas del simbolo del OTAN para un activo de señal.

Maga dato de herio y fallecio[revisa | revisa codigo]

Ya ocurri el mas mortifero directo rayo cuando ya mori 21 maga persona mientras ya acurrucaba ellos para el seguridad na un cabaña golpeao por el rayo (1975, Rodesia).

El mas mortifero indirecto rayo fue el rayo de Dronka de 1994. Ya mori 469 maga persona cuando ya golpea un rayo con un conjunto de maga tanque de petroleo na 1994, causando que ta inunda el ardiente petroleo con un ciudad (1994, Dronka, Egipto).

Na el maga Estados Unidos, ya mori un promedio de 23 maga persona por el rayo al año entre 2012 y 2021.

Mira tambien[revisa | revisa codigo]

Maga referencia[revisa | revisa codigo]