Comic Relief (banda)

Desde Chavacano de Zamboanga Wikipedia - El Libre Enciclopedia
Ir a la navegación Ir a la búsqueda

El Comic Relief es un banda Zamboangueño. Mas de ellos maga original composiciones y canciones en idioma Chavacano. El banda ya sale formado del año 2001 entre cuatros maga Filipino jovenes del Ciudad de Zamboanga. Ahora famoso na ciudad por de ellos maga canciones de pop rock na tema de amor y joventud, el nombre del banda Comic Relief estaba desde el primera nombre del mas famoso banda Filipino, el Parokya ni Edgar.

El maga miembros del banda amo el maga siguientes: el vocalista Jeloh Bangcal, el guitarista Zach Quijano, el bajista Randy Ramos, Shilart Anoos na tambor y el percusionista, Jeff Buhian.

En el año 2001, yan encuentro el dos amigos Jeloh y Zack na un internet cafe na Campaner, Ciudad de Zamboanga donde ellos ta juga maga juegos de internet. Junto con Mark de Leon y Ronald Bucoy ya decidi estos para crea un banda de rock y entre el maga años 2001 hasta 2004, ta toca el grupo maga canciones del banda Tagalo, el Parokya ni Edgar.

En el año 2004, durante de ellos primer vez concierto, yan encuentro el banda con Randy Ramos y Shilart Anoos. Junto, el grupo ya toca maga canciones y con el tiempo empezando aquel suceso, ya queda mas formidable el grupo como un banda.

Ya entra audicion el grupo aquel año na RX Band Breakout, un programa del estacion de Radio na pueblo. Ya pasa na audicion el banda con de ellos cancion Set Me Free en idioma Ingles. El cancion ya queda famoso na aire del estacion de radio junto con el otro maga canciones del maga otro bandas que ya participa na programa.

Na año 2007 el grupo ya pone de ellos maga videos aficcionado na youtube donde mucho maga gente ya oi con el maga original composiciones de musica del banda.

Entre maga competiciones local na ciudad, ya sale victoriosa el banda na maga cuantos competiciones del barrio y escuela incluido el programa Rhythms of Peace del Silsilah, un organizacion social que ta promove paz na Mindanao.

El banda tiene ya sale primer placa na mercado con el titulo "Sick!!! calor con Calor se Paga" bajo de 15K Grabamiento. El banda ta esperanza y ta hace mas esfuerzo para el musica Chavacano hay entra na poblacion na sociedad general de Las Filipinas.

Maga Enlaces Externo[editar | revisa codigo]