Lunar Nuevo Año

El Lunar Nuevo Año es el comienzo del nuevo año basao na el lunar calendario o lunisolar calendario. Ta segui el maga lunar calendario con el lunar fase mientras que ta segui el maga lunisolar calendario con el lunar fase ademas del tiempo del solar año. Ta celebra el evento manada cultura, na manada manera, na maga diverso dia.

Ta inclui maga bien conocio celebracion con el Dia (o semana) de Nuevo Año na el maga chino y tibetano calendario de Oriental Asia, el maga budista e hindu calendario de Asiatico Sudeste y Asia del Sur, el maga islamico y hebreo calendario que ya origina na el Medio Oriente, y el nisga'a calendario de Canada. Ta varia (segun el cultura) el determinacion del primer mes de un nuevo lunar año.

Definicion

El Lunar Nuevo Año es un evento celebrao por maga mil millon de gente na todo el mundo na el primer nuevo luna del de ellos calendario. Masquen frecuentemente denominao como el "Lunar Nuevo Año", tecnicamente incorrecto esto, ya que usao el termino "lunar" para referi a maga celebracion basao na un lunar calendario ademas de un lunisolar calendario. (Sin embargo, masquen ta existi, apenas usao por el general poblacion el termino "Lunisolar Nuevo Año".)

El musulman Nuevo Año (tambien conocio como el hijri Nuevo Año o 1 Muharram) determinao por el islamico calendario, un puramente lunar calendario que ta ignora con el solar ciclo usao para restablece con el maga lunisolar calendario. El maga celebracion del Lunar Nuevo Año na el Oriental y Central Asia, como el chino Nuevo Año, basao na un lunisolar calendario. Usualmente ta cae el chino Nuevo Año na el segundo nuevo luna despues el solsticio de invierno (raramente el terceo si ta interveni un intercalar mes). Na algun maga pais, como Corea o Vietnam, generalmente celebrao el Lunar Nuevo Año na el mismo dia como el de China, a maga final de enero o maga principio de febrero, debio a que basao el de ellos maga calendario na el chino calendario o un variacion de ello. Sin embargo, tiene vez ta diferi el maga costumbres de celebracion y el duracion del maga festivo día. Basao na el budista calendario, y ta ocurri a maga mediao de abril, el maga celebracion del Lunisolar Nuevo Año na tal maga cultura como el birmano, el camboyano, el esrilanques, el laosiano y el tailandes.

Na el Estados Unidos, fuertemente asociao el Lunar Nuevo Año con el gente de chino ascendencia y comunmente usao "chino Nuevo Año" (English: Chinese New Year) como un traduccion de otro maga americano. Chino Nuevo Año el oficial nombre del celebracion y el festivo dia na tal maga pais como Singapur, Brunei y Malasia. Sin embargo, oficialmente nombrao el celebracion como el Fiesta del Primavera na China desde el fundacion del Republica de China na 1911 cuando el anterior nombre, "Yuandan" (El Primer Dia), asignao al primer dia del gregoriano calendario. Fuera de China, ta referi a ello el maga chino y como el Lunar Nuevo Año y como el chino Nuevo Año. Al menos desde el maga mediao de la decada de 2010, ya tiene criticismo de este nombre na America del general termino "chino Nuevo Año" como oficial titulo, particularmente por el maga americano de coreano o vietnamita ascendencia. Ta evita algun maga americano politico con el termino "chino Nuevo Año", usando na cambio con el termino "Lunar Nuevo Año".

Maga celebracion por region

Oriental Asia

Ta celebra el mayoria de Oriental Asia con el Lunisolar Nuevo Año na el mismo fecha. Ta celebra ya Japón, con excepcion del maga isla Ryūkyū, con el Solar Nuevo Año lang, aparte de un remanente del lunisolar celebracion llamao Chico Año Nuevo (小正月, koshōgatsu) ocurriendo na el aca-15 dia del primer lunar mes na el japones calendario.

Ta celebra el maga tibetano y el maga mongol con el Nuevo Año na febrero a maga principio de marzo, basao na el maga cercanamente relacionao tibetano calendario. Ta celebra el maga mongol de China con Tsagaan Sar (el Nuevo Año, Plantilla:Lang-mn) segun el chino calendario. Ya adopta el maga uigur con el chino calendario, y ya adopta el maga mongol y el maga tibetano con el tibetano calendario. Dependiendo del año, puede el tibetano Nuevo Año coincidi con el chino Nuevo Año, o toma lugar alrededor de un mes mas tarde.

China

Véase también: Chino Nuevo Año#Historia.

Ta remonta a mas de 4000 maga año AP (antes del presente) el historia del fiesta del chino Nuevo Año. Antes del formacion y establecimiento de este celebracion, ya congrega y ya celebra el maga antiguo chino al fin del cosecha na el otoño. Sin embargo, dicho celebracion hinde el Fiesta del Medio Otoño, durante el cual ta congrega el maga chino familia y ta adora con el Luna. Na el Clasico de poesia, un poema escrio durante el Dinastia Zhou Occidental (1045 AEC – 771 AEC) por un anonimo agricultor, ta aprende kita paquemodo ya limpia el gente con el maga sitio de maga pila de mijo, ya brinda al maga invitao con mijiu, ya mata con maga cordero y ya cocina con el carne, ya anda al casa del de suyo amo, ya brinda al amo, y ya aclama para maga largo vida junto, todo na el aca-10 mes de un antiguo chino calendario, que fue na el otoño. Considerao este celebracion como uno del maga prototipo del chino Nuevo Año.

Datable al periodo del maga combatiente reino (475 AEC – 221 EC) el primer celebracion (con un definio fecha) del chino nuevo año. Segun el Lüshi Chunqiu, llevao a cabo un un exorcistico ritual llamao "Gran Nuo" (大儺, Dà Nuó) na el ultimo dia de un año para expulsa con un enfermedad na el estado Qin. Mas tarde, despues del maga chino guerra de unificacion (por parte del Qin, que ya unifica gayot con China) y el establecimiento del dinastia Qin, ya continua el ritual. Ya evoluciona ele para inclui con el total y minucioso limpieza del maga casa na el maga previo dia del chino Nuevo Año.^{[cita requerida]}

Recordao el primer mencion del celebracion del inicio de un nuevo año durante el dinastia Han (202 AEC – 220 EC) Segun el libro Simin Yueling (四民月令), escrio por el agronomo y escritor Cui Shi (崔寔) del Oriental Han, ya pasa el celebracion ansina: "Llamao 'Zheng Ri' el día de inicio del primer mes. Ta trae yo con el de mio esposa y maga bata, para adora al maga antepasado y conmemora con el de mio padre." Mas tarde, ta deci ele a kanaton, "Ta servi el maga bata, el esposa, el maga nieto y el maga bisnieto con vino de pimienta al de ellos maga padre, ta hace con el de ellos maga brindes y ta desea con bueno salud para el de ellos maga padre. Es un prospero vista."^[1] Tambien ya anda el gente al maga casa de maga conocio y ya desea con un feliz nuevo año para ellos. Segun el Libro de Posterior Han, Volumen 27, 吴良, ya anda un oficial del condao al casa del de suyo prefecto with a government secretary, brindando con el prefecto y alabando con el merito del prefecto.^[2]

El Lunar Nuevo Año el mas grande antiguo tradicional fiesta na China, comunmente conocio como "Guo Nian". Ta significa este fiesta con el comienzo del primavera y el llegada del nuevo año.Ta inclui el maga costumbre del chino Nuevo Año con el escritura y colgamiento de maga copla de primavera, el compra de maga bien para el Nuevo Año y el maga familiar cena.

Korea

Véase también: Coreano Nuevo Año.

Incuntrao el maga mas temprano referencia al coreano Nuevo Año na maga chino obra de historia del aca-7 siglo, el Libro de Sui y el Libro de Tang, que ta contene con maga extracto de maga celebracion durante el Nuevo Año na el reino de Silla, segun el coreano calendario, influenciao por el chino calendario de aquel entonces (el dinastia Tang). Incuntrao un recuerdo por Corea mismo del celebracion del nuevo año na el Samguk Yusa (Memorabilia del tres maga reino), compilao durante el aca-13 siglo. Bajo el reino del aca-21 rey de Silla, celebrao el nuevo año na 488 EC. Entonces ya continua el celebracion del coreano Nuevo Año durante el maga dinastia de Goryeo y Joseon. Na el aca-13 siglo, el coreano Nuevo Año fue uno del nueve maga principal coreano festival que ya inclui con maga ancestral rito, según el coreano historico obra, el Goryeosa.

Na lugar del maga rojo sobre del maga chino, ta tende el maga coreano a usa con maga blanco sobre para celebra con el coreano Nuevo Año.

Taiwan

Véase también: Maga fiesta de Taiwan.

Masquen hay poco recordao historia de cuando primero observao el Lunar Nuevo Año na Taiwan, conocio que ya tene el maga aborigene de Taiwan con otro maga ceremonia y hinde originalmente ya celebra con el fiesta. Primero ya celebra conele baka el maga hakka o hoklo que ya migra desde el actual China al isla durante el aca-17 siglo. Ya que el mayoria del poblacion de Taiwan es chino han, muy similar el celebracion na Taiwan del Lunar Nuevo Año al de China, na especial con respecto al maga tradicion. Ademas, preservao na Taiwan algun maga costumbre del Lunar Nuevo Año durante el maga dinastia Ming y Qing. El mayoria de este maga tradicional costumbre fue maga chino tradicional costumbre durante el maga dinastia Ming y Qing. Sin embargo, na el de kanaton maga tiempo, hay mas enfoque na maga visita a maga budista o taoista templo con maga miembro del extendio familia. Tambien hay maga notable variacion na el comida consumio durante este tiempo, como el consumo de maga pastel de piña y otro maga producto derivao del maga piña, o el consumo de daikon, un homofono de "bueno suerte" na el hokkien.

Japón

Ta celebra algun maga region de Japón —incluio el prefectura de Okinawa y el maga isla Amami na el prefectura de Kagoshima— con el Lunar Nuevo Año na el primer dia del lunar calendario.

Na Japón, el Lunar Nuevo Año hinde un publico fiesta.

Asia del Sur

Na Asia del Sur, observao el tradicional lunisolar celebracion segun el maga local lunisolar calendario. Ta influencia el indio tradicion con ellos, que ta marca con el sistema de maga lunar mes na un solar sidereo año. Tambien ta existi un distinto solar nuevo año para aquel maga indio region que ta usa con maga solar mes na un solar sidereo año.

Gudi Padwa — Maharashtra y Goa
Ugadi — Andhra Pradesh, Telangana y Karnataka
Puthandu — Tamil Nadu
Chaitra Navaratri — Septentrional y Central India
Balipratipada — Gujarat, Rajasthan
Cheti Chand — maga sindhi hindu
Navreh — maga kashmiri hindu
Sajibu Cheiraoba — Manipur
Mha Puja — Nepal (maga newar)

Ta influencia el tibetano calendario con el maga siguiente:

India

Usao pa manada lunar calendario por todo India na el tradicional y religioso vida. Sin embargo, distinto este maga del chino lunisolar calendario usao na Oriental Asia. El dos maga mas comun celebracion del lunar nuevo año na India son el Diwali y Gudi Padwa/Ugadi/Puthandu.^{[cita requerida]} Tipicamente, ta ocurri el Diwali na octubre o noviembre, y Gudi Padwa/Ugadi/Puthandu na abril.

Na el antigüedad, ta coincidi el entrada del Sol na Aries con el equinoccio de marzo. Sin embargo, debio al precesion del maga equinoccio, algo mas largo el sidereo año que el tropico año, causando que ta separa gradualmente el maga fecha. Hoy dia, ta ocurri el entrada del Sol na Aries alrededor del 18 de abril, segun el maga astronomico definicion. Marcao pa algun maga tradicional calendario por el verdadero movimiento del Sol, mientras fijao otro maga al gregoriano calendario.

Conocio el entrada del Sol na Aries como meṣa saṅkrānti na el sanscrito, y observao este como Mesha Sankranti y Songkran na maga cultura de Asia del Sur y del Sudeste.

Asiatico Sudeste

Observao el maga siguiente celebracion del Lunar Nuevo Año na Asiatico Sudeste segun el local lunisolar calendario e influenciao por el maga tradicion del maga hindu de India.

Nyepi (el balines Nuevo Año) — Bali, Indonesia
Rija Nukan (el Nuevo Año del maga cham)

Tambien observao este celebracion segun el local lunisolar calendario e influenciao por el maga tradicion, pero influenciao por el maga islamico tradicion:

Satu Suro (el javanes Nuevo Año) — Ta segui el javanes calendario con un puramente lunar calendario de 12 maga mes que ta retrocede a traves del maga año del maga gregoriano y juliano calendario. Ansina, como na el islamico calendario, puede el dia del javanes Nuevo Año cae na cualquier estacion del civico calendario.

Malasia

Malasia un multicultural pais. El tres maga dominante etnia na Malasia son el maga malayo, el maga chino han y el maga indio. Ta tene cada grupo con el de suyo distinto cultura y maga tradicional fiesta. Son maga publico fiesta el tres mas importante fiesta celebrao por el maga malayo, el maga chino y el maga indio, a sabe, Hari Raya Puasa, el chino Nuevo Año y el Diwali respectivamente.

Ta fluctua el maga fecha este tres maga importante festival debio al de ellos dependencia del maga lunar calendario, ansina que tiene vez —cada 33 maga año para ser exacto— ta ocurri ellos cerca el uno del otro. Na Malasia, conocio este fenomeno como Kongsi Raya (o Gongxi Raya), un malayo contraccion denotando con el maga festival del el chino Nuevo Año y Hari Raya Aidilfitri.

Singapur

Na Singapur, oficialmente conocio el Lunar Nuevo Año como el chino Nuevo Año. Celebrao na Singapur primariamente por el maga miembro del chino diaspora, o tres maga cuarto parte del poblacion. Na el amplio definicion de chino, incluio el hoklo, el maga cantones y maga teochew del sudeste de China, el maga hainanes del insular provincia de Hainan, el maga hakka (un grupo de maga migrante por todo China) y el maga peranakan (que ya queda na el region por mas de 400 maga año, ademas de conta con un mezcla de malayo y europeo ascendencia). Ta tene cada etnia con el de suyo conjunto de maga tradicion, ademas de crea con maga nuevo tradicion incorporando con maga elemento de otro maga cultura como el maga malayo y el maga indio.

Vietnam

Véase también: Têt Nguyên Đán.

Ta deci algun gente que ya trae el Emperador Zhao Tuo (Plantilla:Lang-vi) con el primer celebracion del Lunar Nuevo Año na Vietnam. Ya trae el maga chino con el de ellos propio maga politica, maga cultura y maga tradicion. Ya adopta el maga vietnamita el Lunar Nuevo Año, y relativamente intacto el de suyo fecha a traves del maga siglo, a pesar de maga incomodo y a menudo hostil relacion entre el dos maga pais. El principal diferencia entre el maga chino y vietnamita calendario es que ta reemplaza el vietnamita zodiaco con el Buey y el Conejo na el chino zodiaco con el Bufalo y el Gato, respectivamente.

Trazable tambien el vietnamita Nuevo Año al dinastia Lý (1009 EC – 1226 EC). Na manada situacion ya celebra el maga vietnamita con el Tết pintando con maga tatuaje, bebiendo con licor de arroz, comiendo con maga nuez de betel y haciendo con bánh chưng, ademas de maga cebolla na escabeche. Durante el periodo del Emperador Lê Thánh Tông (1442 EC – 1497 EC), considerao el Tết como un significante fiesta na Vietnam. Tambien ta involucra el Lunar Nuevo Año con el intercambio de afortunao cen (Plantilla:Lang-vi).

Medio Oriente

Ta origina na el Medio Oriente algun maga celebracion del lunar nuevo año, pero ta cae na diferente maga dia:

El lunar hijri calendario, usao por el mayoria del islam, es un puramente lunar calendario de 12 maga lunar mes: mas corto el de suyo año, por alrededor de 10 maga dia, que el del gregoriano calendario. Na consecuencia, puede el dia de islamico Nuevo Año cae na cualquier estacion del año: tiene vez hay dos maga islamico nuevo año na un gregoriano año (como ya pasa mas recientemente na 2008). Na 2023, ya cae el islamico Nuevo Año na el 19 de julio, y na 2024, ay cae na el 7 o 8 de julio. (El solar hijri calendario, usao na Irán, es un puramente solar calendario. El de suyo dia de nuevo año es siempre el dia del equinoccio de marzo.)
Na el judaismo hay hasta cuatro maga observancia del lunar nuevo año. Ya que lunisolar el hebreo calendario, firmi ta cae el maga dia na el mismo estacion.
- El Nisán es el mes del "maduracion de la cebada" o "primavera", y na el Exodo, ya instrui Dios con si Moises para que ya ordena que ya fija el maga israelita con el nuevo luna, el primer día, de Nisán como el primer luna del año. Ta llama el Rosh Hashaná (Talmud) 2a con esto el Rosh Hashaná, el nuevo año, para maga rey y maga peregrinacion. El clímax de este lunar nuevo año es el fiesta del Pascua, que ta comenza na 15 Nisán. Tambien es el primer dia del secular nuevo año na el [[caraismo[[ y el samaritanismo.
- Ta corresponde 1 Elul al Rosh Hashanah LeMa'sar Behemah na el rabinico tradicion. Elul es el sexto mes, un festividad de maga final de verano o maga principio de otoño. Es el fecha na el que ta avanza un año el samaritano calendario, por el teoria de que ta conmemora 1 Elul con el creacion del Tierra.
- Llamao 1 Tishréi Yom Teruah na el escrio Torá, y ta cae na el primer dia del "septimo mes". Traducio como Fiesta del maga Trompeta. Tambien llamao el Rosh Hashaná, literalmente "nuevo año", na el rabinico judaismo, na el teoria de que es Yom haDin, un dia de universal juicio para todo el maga anak de Adán, incluyendo con el maga judio. Ansina el universal, secular nuevo año. Es el fecha na el que ta avanza un año el rabinico calendario, por el teoria de que ta conmemora 1 Tishréi con el creacion del Tierra.
- Tu Bishvat es el Nuevo Año para el maga Pono na el rabinico tradicion. Na este dia, ta envejece cada pono un año. Ta determina el edad de un pono si sujeto el pono a maga cierto diezmo. Hoy dia, es un fiesta con maga ecologico conotacion.
Ebionismo: nuevo año
Maga nazareno (cristiano secta): nuevo año

América del Norte

Canada

El Hobiyee, tambien deletreao como Hoobiyee, Hobiiyee y Hoobiiyee, es el nuevo año del maga nisga'a, celebrao na febrero o marzo. Ta significa el nuevo año con el apariencia del primer creciente luna y ta comenza con el mes Buxw-laḵs. Ta celebra el maga nisg̱a'a con Hobiyee independientemente del de ellos ubicacion, pero realizao el maga mas grande celebracion na Nisg̱a'a mismo y na maga area con un gran presencia de maga nisg̱a'a como Vancouver.

Mira tambien

Maga referencia

[1] Plantilla:Cite wikisource

[2] Plantilla:Cite wikisource

[1]

[2]