Astronomia

Not to be confused with astrologia, un pseudociencia.

El Observatorio Paranal del Austral Europeo Observatorio emitiendo con un estrella guia laser al galactico centro.

El astronomia es un natural ciencia que ta estudia con maga celeste objeto y el maga fenomeno que ta ocurri na el cosmos. Ta usa con el matematica, el fisica y el quimica para explica con el origen y general evolucion de este maga fenomeno. Entre el maga objeto de interes hay maga planeta, maga luna, maga estrella, maga nebulosa, maga galaxia, maga meteoroide, maga asteroide y maga cometa. Entre el maga relevante fenomeno hay maga explosion de maga supernova, maga brote de maga rayo gamma, maga cuasar, maga blazar, maga pulsar y el radiacion de fondo de maga microonda. Mas generalmente, ta estudia el astronomia con todo que ta origina mas alla del terrestre atmosfera. El cosmologia es un rama del astronomia que ta estudia con el universo na el de suyo conjunto.

El astronomia es uno del maga mas viejo natural ciencia. Ya realiza el maga temprano civilizacion na el registrao historia con maga metodico observacion del nocturno cielo. Entre este maga civilizacion hay el maga egipcio, el maga babilonio, el maga griego, el maga indio, el maga chino, el maga maya y otro maga indigena de America. Na el pasao, ya inclui el astronomia con maga disciplina tan diverso como el astrometria, el astronomico navegacion, el observacional astronomia y el confeccion de maga calendario.

Hay dos maga rama del profesional astronomia, el observacional y el teorico. Centrao el observacional astronomia na el adquisicion de maga dato a partir de maga observacion de maga astronomico objeto. Entonces analizao este maga dato mediante maga basico principio del fisica. Orientao el teorico astronomia hacia el desarrollo de maga computacional o anaiítico modelo para describi con maga astronomico objeto y fenomeno. Complementario este dos maga campo. Ta busca el teorico astronomia explica con el maga observacional resultao, y utilizao el maga observacion para confirma con el maga teorico resultao.

El astronomia es uno del maga poco ciencia donde ta desempeña el maga aficionao con un activo papel. Especialmente verdadero esto para el descubrimiento y el observacion de maga transitorio evento. Ya ayuda el maga amateur astronomo con manada importante descubrimiento, como el busqueda de maga nuevo cometa.

Etimologia

Astronomical Observatory, Nueva Gales del Sur, Australia, 1873.

Construio na el aca-19 siglo, ubicao el Astronomico Observatorio de Quito a 12 maga minuto al sur del terrestre ecuador na Quito, Ecuador.

Ta significa astronomia (del antiguo griego ἀστρονομία, de ἄστρον astron "estrella" y -νομία -nomia de νόμος nomos, "ley" o "cultura") el "ley del maga estrella" (o "cultura del maga estrella" dependiendo del traduccion). Hay que distingui con el astronomia del astrologia, el sistema de maga creencia que ta afirma que hay un correlacion entre el maga humano asunto y el maga posicion del maga celeste objeto. Masquen ta comparti el dos maga campo con un comun origen, hoy dia enteramente distinto ellos.

Uso del maga termino "astronomia" y "astrofisica"

Sinonimo el "astronomia" y el "astrofisica". Basao na maga estricto definicion de diccionario, ta referi "astronomia" al "estudio del maga objeto y el materia fuera del terrestre atmosfera y del maga fisico y quimico propiedad de este maga", mientras ta referi "astrofisica" al rama de astronomia tratando con "el comportamiento, el maga fisico propiedad y el maga dinamico proceso del maga celeste objeto y fenomeno". Na algun maga caso, como na el introduccion del introductorio libro de texto The Physical Universe (Plantilla:Lang-cbk) por si Frank Shu, puede el termino "astronomia" referi al cualitativo estudio del tema, mientras que ta referi el "astrofisica" al version del tema orientao al fisica. Sin embergo, ya que ta trata el mayoria del moderno astronomico investigacion con maga tema relacionao al fisica, posible referi al astronomia como el astrofisica. Algun maga rama, como el astrometria, puramente del astronomia y hinde del astrofisica. Usao el maga termino intercambiablemente cuanto departamento na ellos que ta lleva a cabo el maga cientifico con maga investigacion, na parte dependiendo de si historicamente afiliao el departamento con un departamento del fisica, y ta tene manada profesional astronomo con maga licenciatura na fisica na lugar de astronomia. Algun maga titulo del maga cientifico revista lider na este campo son The Astronomical Journal, The Astrophysical Journal y Astronomy & Astrophysics.

Historia

Véase también: Cronologia del astronomia.

Véanse también: Arqueoastronomia y Lista de maga astronomo.

Un celestial mapa del aca-17 siglo, por el holandes cartografo si Frederik de Wit.

Antigüedad

Al maga principio del registrao historia, Ya consisti lang el astronomia na el observacion y prediccion del maga movimiento del maga objeto visible a simple vista. Na algun maga lugar, ya ensambla el maga primitivo cultura con maga masivo artefacto que siguro ya tene con algon astronomico proposito. Ademas del de ellos maga ceremonial uso, empleable este maga observatorio para determina con el maga estacion del año, un importante factor para sabe cuando planta con maga cultivo y para comprende con el duracion del año. Por este maga y otro maga razon, considerao el astronomia como el mas viejo ciencia.

Antes del invencion de tal maga herramienta como el telescopio, realizao el temprano estudio del maga estrella a simple vista. Con el desarrollo del maga civilizacion —mas notablemente na Egipto, Mesopotamia, Grecia, Persia, el India, China y Central America—, asambleao maga astronomico observatorio y ya comenza a desarrolla maga idea sobre el naturaleza del Universo. Ya consisti el mayoria del temprano astronomia na el mapeo del maga posicion del maga estrella y el maga planeta, un ciencia ya conocio como astrometria. Desde este maga observacion, formao el maga primer idea sobre el maga movimiento del maga planeta, y explorao filosoficamente el naturaleza del Sol, el Luna y el Tierra na el Universo. Segun el creencia del tiempo, ya queda el Tierra al centro del Universo con el Sol, el Luna y el maga estrella girando alrededor de ello. Conocio esto como el geocentrico modelo del Universo, o el ptolemaico sistema, nombrao por si Claudio Ptolomeo.

Un particularmente importante temprano desarrollo fue el comienzo del matematica y cientifico astronomia, que ya comenza entre el maga babilonico, que ya senta con el maga base del maga posterior astronomico tradicion que ya desarrolla na manada otro civilizacion. Ya descubri el maga babilonico que ta repeti el maga lunar eclipse na un repetitivo ciclo conocio como un saros.

Griego ecuatorial reloj de sol, Alejandria de Oxiana, actual Afghanistan, aca-3 o aca-2 siglo AEC.

Siguiendo con el maga babilonico, realizao maga significante avance na el astronomia na antigua Grecia y el helenistico mundo. Desde el maga principio, ya busca el griego astronomia con un racional, fisico explicacion para el maga celestial fenomeno. Na el aca-3 siglo AEC, ya estima si Aristarco de Samos con el maga tamaño y el maga distancia del Luna y del Sol, y ya propone ele con un modelo del Solar Sistema donde ya gira el Tierra y el otro maga planeta alrededor del Sol, llamao ya el heliocentrico modelo. Na el aca-2 siglo AEC, ya descubri si Hiparco de Nicea con el precesion, ya calcula con el tamaño y distancia del Luna, y ya inventa con el maga mas temprano conocio astronomico dispositivo como el astrolabio. Tambien ya crea si Hiparco con un comprehensivo catalogo de 1020 maga estrella, y ta deriva del griego astronomia el mayoria del maga constelacion del hemisferio norte. El mecanismo de Anticitera (Plantilla:Circa 150–80 AEC) fue un temprano analogico computadora diseñado para calcula con el ubicacion del Sol, el Luna y el maga planeta para un determinao fecha. Hinde ya volve a reaparece maga tecnologico artefacto de similar complejidad hasta el aca-14 siglo, cuando ya aparece na Europa maga mecanico astronomico reloj.

Medio Edad

Ya alberga el medieval Europa con cuanto importante astronomo. Entre otro maga:

• Ya realiza si Richard de Wallingford (1292–1336) con maga gran contribucion al astronomia y al cronometria, incluio (1) el invencion del primer astronomico reloj, el Rectangulus, cosa ya permiti medi con el maga angulo entre maga planeta y otro maga astronomico cuerpo, ademas de (2) un equatorium, llamao el Albion (un antiguo nombre para Inglaterra), utilizable para maga astronomico calculo como el maga lunar, solar y planetario longitud, ademas de capaz de predeci con el maga eclipse.
• Ya discuti por primera vez si Nicole Oresme (1320–1382) y si Jean Buridan (1300–1361) con evidencia para el rotacion del Tierra. Ademas, ya desarrolla si Buridan con el teoria del impetu (predecesor del moderno cientifico teoria del inercia) capaz de demostra que puede el maga planeta move sin el intervencion de maga angel.
• Ya ayuda si Georg von Peuerbach (1423–1461) y si Johann Müller Regiomontano con el progreso de astronomia, instrumental para el desarrollo del heliocentrico modelo por parte de si Copernico cuanto decada mas tarde.

Ya florece el islamico astronomia y el de otro gente. Ya lleva esto al aparicion del maga primero astronomico observatorio na el musulman mundo a maga principio del aca-9 siglo. Ya describi el persa musulman astronomo si Abd Al-Rahman Al Sufi (na el de suyo Libro del maga fijo estrella de 964) con el Galaxia de Andromeda, el mas gran galaxia na el Local Grupo. Ya observa el egipto arabe astronomo si Ali ibn Ridwan y maga chino astronomo na 1006 con el supernova SN 1006, el estelar evento de aparente magnitud mas brillante registrao na el historia. Ya observa el irani erudito si Al-Biruni que, contrario a si Claudio Ptolomeo, movil, hinde fijo, el apside (el mas alto punto na el cielo) del Sol. Entre el maga islamico (mayoritariamente persa y arabe) astronomo que ya realiza con maga significante contribucion al ciencia hay si Al-Battani, si Thábit ibn Qurra, si Abd Al-Rahman Al Sufi, si Al-Biruni, si Azarquiel, si Al-Biryandi y el maga astronomo del maga observatorio de Maraghe y de Ulugh Beg. Ya introduci el maga astronomo de aquel entonces con manada arabe nombre usao ya para maga individual estrella.

Tambien posible que ya tene el maga ruina de Gran Zimbabue y Tombuctu con maga astronomico observatorio. Na el posclasico Occidental Africa, ya estudia el maga astronomo con el movimiento del maga estrella y el de ellos relacion con el maga estacion del año, elaborando con maga carta del cielo, así como maga preciso diagrama del maga orbita del otro maga planeta basao na maga complejo matematico calculo. Ya documenta el songhai historiador si Mahmud Kati con un ulan de maga meteoro na agosto de 1583. Anteriormente ya cree el maga europeo que nuay ningun astronomico observacion na el subsahariano Africa durante el precolonial Medio Edad, pero ta demostra el maga moderno descubrimiento con lo contrario.

Durante mAs de seis maga siglo —desde el recuperacion del maga antiguo conocimiento durante el Bajo Medio Edad hasta el Ilustracion—,ya dale el Romano Catolico Iglesia con mas financiero y social apoyo para el estudio del astronomia que siguro todo el demas maga institucion. Entre el maga motivo del Iglesia fue el Computus.

Cientifico revolucion

Ya revela el maga boceto y maga observacion por si Galileo del Luna que montañoso el superficie.

Un astronomico carta de un temprano cientifico manuscrito, Plantilla:Circa.

Durante el Renacimiento, ya propone si Nicolas Copernico con un heliocentrico modelo del Solar Sistema. Ya defendi si Galileo Galilei, y ya expandi si Johannes Kepler, con el obra de si Copernico. Kepler fue el primero na idea con un sistema que ya describi correctamente con el maga detalle del movimiento del maga planeta alrededor del Sol. Sin embargo, hinde ya logra si Kepler formula con un teoria detras del maga ley que ya escribi. Fue si Isaac Newton, con el de suyo invencion del celeste mecanica y el de suyo ley de universal gravitacion, que por fin ya explica con el maga movimiento del maga planeta. Tambien ya desarrolla si Newton con el reflector telescopio.

Ya lleva maga mejora na el tamaño y calidad del telescopio a otro maga descubrimiento. Ya cataloga el ingles astronomo si John Flamsteed con mas de 3000 maga estrella, Ya produci si Nicolas-Louis de Lacaille con maga mas extensivo catalogo del maga estrella. Ya realiza si el astronomo William Herschel con un detallao catalogo del nebulosidad y maga cumulo, y na 1781 ya descubri con el primer planeta Urano, el primer nuevo planeta incuntrao (kay demasiao lejano para queda visible a simple vista).

Durante el maga aca-18 y aca-19 siglo, ya lleva el estudio del problema del tres maga cuerpo (por tres maga cientifico, si Leonhard Euler, si Alexis Claude Clairaut y si Jean le Rond d'Alembert) a maga mas preciso prediccion sobre el maga movimiento del Luna y del planeta. Ya refini este trabajo si Joseph-Louis Lagrange y si Pierre-Simon Laplace, permitiendo estima con el maga masa del maga planeta y del maga luna a partir del de ellos maga perturbacion.

Ya produci el introduccion de maga nuevo tecnologia con maga significativo avance na astronomia, incluio el espectroscopia y el fotografia. Ya descubri si Joseph von Fraunhofer con alrededor de 600 maga banda na el espectro del Sol na 1814–15, que, na 1859, ya ascribi si Gustav Kirchhoff al presencia de maga diferente elemento. Demostrao que similar el maga estrella al de kanaton Sol, pero con un gran gama de maga temperatura, maga masa y maga tamaño.

Na el aca-20 siglo lang ya veni el prueba del existencia del galaxia del Tierra, el Lacteo Via, como el de suyo propio grupo de maga estrella, junto con el existencia de maga "externo" galaxia. Desde el observao recesion de aquel maga galaxia ya veni el descubrimiento del expansion del Universo. Ya lleva el teorico astronomia a maga especulacion sobre el existencia de tal maga objeto como maga negro agujero y maga estrella de maga neutron. Usao tal maga especulacion para explica tal maga observao fenomeno como maga cuasar, maga pulsar, maga blazar y maga radiogalaxia. Ya realiza el fisico cosmologia durante el aca-20 siglo. Al maga principio del decada de 1900, formulao el modelo del teoria del Big Bang, ampliamente evidenciao por el radiacion de fondo de maga microonda, el ley de si Hubble y el maga cosmologico abundancia del maga elemento. Ta permiti el maga espacial observatorio con maga medicion na maga parte del electromagnetico espectro normalmente bloqueao o borroso por el atmosfera. Na febrero de 2016, revelao que ya detecta el proyecto LIGO con evidencia para el primer deteccion de maga gravitatorio onda el anterior septiembre.

Observacional astronomia

El principal fuente de informacion sobre el maga celeste cuerpo y otro maga objeto es el visible luz o, mas generalmente, el electromagnetico radiacion. Categorizable el observacional astronomia segun el correspondiente region del electromagnetico espectro en el que efectuao el maga observacion. Observable algun maga parte del espectro desde el terrestre superficie, mientras observable lang otro maga parte o desde maga gran altitud o fuera del terrestre atmosfera. Abajo tiene especifico informacion sobre este maga subcampo.

Radioastronomia

El Very Large Array na New Mexico, un ejemplo de un radiotelescopio.

Ta utiliza el radioastronomia con radiacion con maga longitud de onda superior a aproximadamente un milimetro, fuera del visible rango. Diferente el radioastronomia del mayoria del otro maga forma de observacional astronomia kay tratable el maga observao onda de radio como maga onda na lugar de maga discreto foton. Ansina, relativamente mas facil medi con y el amplitud y el fase de maga onda de radio, mientras que hinde tan facil al maga mas corto longitud de onda.

Masquen emitio algun maga onda de radio directamente por maga astronomico objeto, un producto del termico radiacion, el mayoria del observao radioemision es un resultao del radiacion de sincrotron, producio cuando ta orbita maga electron con maga magnetico campo. Adicionalmente, observable a maga longitud de onda de radio un numero de maga espectral linea producio por el interestelar medio, notablemente el linea espectral del hidrogeno a 21 cm.

Observable tambien un gran variedad de otro maga objeto a maga longitud de onda de radio, incluio maga supernova, interestelar gas, maga pulsar y maga activo galaxia.

Infrarrojo astronomia

El Observatorio ALMA uno del maga mas alto sitio de observatorio na el Tierra. Atacama, Chile.

El enfoque del infrarrojo astronomia es el deteccion y analisis del infrarrojo radiacion, maga longitud de onda mas largo que el rojo luz y fuera del alcance del de kanaton vision. Util el infrarrojo espectro para estudia con maga objeto demasiao frio para irradia con visible luz, como maga planeta, maga circunestelar disco o maga nebulosa cuya luz bloqueao por el polvo. Puede el maga mas largo longitud de onda del infrarrojo penetra con maga nube de polvo que ta bloquea con el visible luz, permitiendo con el observacion de maga joven estrella incrustao na maga molecular nube y el maga nucleo del maga galaxia. Particularmente efectio el maga observacion del Wide-field Infrared Survey Explorer (WISE) para revela con manada galactico protoestrella y el de ellos maga anfitrion estelar cumulo. Con excepcion del maga infrarrojo longitud de onda cerca del visible luz, muy absorbio tal radiacion por el atmosfera, o enmascarao, debio a que ta produci el atmosfera mismo con significante infrarrojo emision. Consiguientemente, hay que situa con el maga infrarrojo observatorio na maga alto, seco lugar na el Tierra o na el espacio. Ta permiti esto con el estudio del quimica del exterior espacio; mas especificamente, puede ele detecta con agua na maga cometa.

Optico astronomia

El Telescopio Subaru (izquierda) y Observatorio Keck (centro) na Mauna Kea, dos maga ejemplo de un observatorio que ta opera a maga cercano infrarrojo y visible longitud de onda. El NASA Infrared Telescope Facility (derecha) es un ejemplo de un telescopio que ta opera a maga cercano infrarrojo longitud de onda lang.

Historicamente, el optico astronomia, tambien conocio como el astronomia por visible luz, es el mas viejo forma del astronomia. Originalmente dibujao a mano maga imagen de maga observacion. Al final del aca-19 siglo y principio del aca-20 siglo, realizao maga imagen por fotografico dispositivo. Realizao maga moderno imagen mediante maga digital detector, particularmente mediante maga dispositivo de acoplao carga (maga DAC, o na ingles, CCD) y registrao na maga moderno medio. Masquen ta extende el visible luz mismo desde aproximadamente 4000 Å hasta 7000 Å (de 400 nm a 700 nm), utilizable aquel mismo dispositivo para observa con algun cercano infrarrojo y cercano ultravioleta radiacion.

Ultravioleta astronomia

Ta emplea el ultravioleta astronomia con el maga ultravioleta longitud de onda entre aproximadamente 100 y 3200 Å (10 y 320 nm). A tal maga longitud de onda, absorbio el luz por el terrestre atmosfera, ansina que hay que realiza con tal maga observacion del superior atmosfera o el exterior espacio. Mas adecuao el ultravioleta astronomia al estudio del termico radiacion y el maga espectral linea emitio de maga caliente azul estrella (es deci, maga estrella OB) muy brillo na este banda de onda. Ta inclui esto con el maga azul estrella na otro maga galaxia, el maga objetivo de cuanto ultravioleta estudio. Entre otro maga objeto comunmente observao na ultravioleta luz hay maga planetario nebulosa, maga resto de maga supernova y el maga nucleo de maga activo galaxia. Sin embargo, debio a que facilmente absorbio el ultravioleta luz por el interestelar polvo, hay que ajusta con el medicion de ultravioleta.

Astronomia de maga rayo X

Brote de maga rayo X emitio de un supermasivo negro agujero incuntrao por el Chandra X-ray Observatory de NASA, hecho visible por luz del temprano Universo.

Ta usa el astronomia de maga rayo X con maga rayo X. Tipicamente ta produci el maga rayo X el radiacion de sincrotron (el resultao de maga electron orbitando con maga linea de un magnetico campo), el termico emision de maga fino gas mas caliente que 10⁷ (10,000,000) Kelvin, y el termico emision de maga espeso gas ansina mismo mas caliente que 10⁷ K. Debio a que ta absorbe el terrestre atmosfera con el maga rayo X, hay que realiza todo el maga observacion de maga rayo X desde maga estratosferico globo, maga cohete o maga telescopio de maga rayo X. Maga notable astrofisico fuente de maga rayo X son maga binaria de maga rayo X, maga pulsar, maga resto de maga supernova, maga eliptico galaxia, maga galactico cumulo y el maga nucleo de maga activo galaxia.

Astronomia de maga rayo gamma

Ta observa el astronomia de maga rayo gamma con maga astronomico objeto na el maga mas corto longitud de onda del electromagnetico espectro. Observable el maga rayo gamma directamente por maga satelite como el Observatorio de maga rayo gamma Compton o por maga especializao telescopio llamao maga telescopio Cherenkov. Hinde ta detecta el maga telescopio Cherenkov con el maga rayo gamma directamente sino que ta detecta con el maga destello de visible luz producio cuando absorbio el maga rayo gamma por el terrestre atmosfera.

El mayoria del maga emisor de maga rayo gamma son de verdad maga brote de maga rayo gamma, maga objeto que ta produci con radiacion gamma durante maga poco milisegundo a maga millar de maga segundo lang, antes de desvanece. El 10% lang de maga emisor de maga rayo gamma son maga hinde transitorio fuente. Ta inclui tal maga constante fuente con maga pulsar, maga estrella de maga neutron y maga candidato a negro agujero como el maga nucleo de maga activo galaxia.

Maga campo hinde basao na el electromagnetico espectro

Ademas del electromagnetico radiacion, observable desde el Tierra cuanto otro evento originando desde maga gran distancia.

Na el astronomia de maga neutrino, ta usa maga astronomo con maga fuertemente blindao subterraneo instalacion como SAGE, GALLEX y el Observatorio Kamioka para el deteccion de maga neutrino. Del Sol ta origina el gran mayoria del maga neutrino que ta flui a traves del Tierra, pero detectao tambien 24 maga neutrino desde el supernova 1987A. Ta brinda el maga cosmico rayo —que ta consisti na maga particula de muy alto energía (maga atomico nucleo) capaz de decaimiento o absorcion al entra na el terrestre atmosfera— con un cascada de maga secundario particula detectable por el maga actual observatorio. Puede que sensitivo cuanto futuro detector de maga neutrino al maga particula producdo cuando ta golpea el maga cosmico rayo con el atmosfera del Tierra.

El astronomia de maga gravitatorio onda es un emergente campo del astronomia que ta emplea con maga detector de maga gravitatorio onda para recopila con maga observacional dato sobre maga distante masivo objeto. Construio cuanto observatorio, como el Laser Interferometer Gravitational Observatory o el LIGO. Ya realiza el LIGO con el de suyo primer deteccion el 14 de septiembre de 2015, observandon con maga gravitatorio onda desde un binario negro agujero. Detectao otro gravitatorio onda el 26 de diciembre de 2015. Debe segui otro maga observacion, masquen ta requeri el maga gravitatorio onda con maga extremadamente sensible instrumento.

El multimensajero astronomia es el combinacion de maga observacion realizao mediante electromagnetico radiacion, maga neutrino o maga gravitatorio onda, ademas de otro complementario informacion.

Astrometria y celeste mecanica

Estelar grupo Pismis 24 con un nebula.

Uno del maga mas antiguo campo del astronomia, y de todo el ciencia, es el medicion del maga posicion del maga celeste objeto. Historicamente, el preciso conocimiento del maga posicion del Sol, el Luna, el maga planeta y el maga estrella fue esencial para el astronomico navegacion (el uso de maga celeste objeto para guia con el navegacion) y el confeccion de maga calendario.

Ya lleva el cuidadoso medicion del maga posicion del maga planeta a un solido comprension del maga gravitatorio perturbacion, y el capacidad de determina con el maga posicion (pasao y futuro) del maga planeta con gran precision, un campo conocio como el celeste mecanica. Mas recientemente ay permiti el seguimiento de maga objeto proximo al Tierra con el maga prediccion de maga cercano encuentro o maga posible colision del Tierra con aquel maga objeto.

Ta provee el medicion de estelar paralaje con un fundamental linea de base na el escalera de maga cosmico distancia usao para medi con el escala del Universo. Ta provee maga medicion de paralaje de cercano estrella con un absoluto linea de base para el maga propiedad del maga mas distante estrella, kay comparable el de ellos maga propiedad. Ta permiti maga medicion del radial velocidad y el propio movimiento del maga estrela con el representacion del movimiento de este maga sistema a traves del Lacteo Via. El maga astrometrico resultao son el base utilizao para calcula con el distribucion del especulao oscuro materia na el galaxia.

Durante el decada del 1990, usao el medicion del estelar tambaleo de maga cercano estrela para el deteccion de maga gran extrasolar planeta orbitando con aquel maga estrella.

Teorico astronomia

Ta usa el teorico astronomia con cuanto herramienta, incluio el maga analitico modelo y el maga computacional numerico simulacion. Ta tene cada uno con el de suyo maga propio ventaja. Ta dale el maga analitico modelo con un amplio vision del corazon del situacion. Ta revela el maga numerico modelo con el existencia de maga fenomeno y maga efecto de otro modo hinde observao.

Ta trabaja el maga teorico del astronomia por crea teorico con maga modelo basao na el maga existente observacion y del conocio fisica, para predeci con el maga observacional consecuencia de aquel maga modelo. Ta permiti el observacion de maga fenomeno, predicho por un modelo, con el eleccion entre cuanto alternativo o conflictivo modelo. Tambien ta modifica el maga teorico con el maga existente modelo para tene na cuenta con maga nuevo observacion. Na cuanto caso, puede un gran cantidad de maga observacional dato inconsistente con un modelo lleva al parcial o total abandono del modelo. Ta inclui cuanto ejemplo con el geocentrico modelo, el existencia del eter y el teoria del estacionario estado del cosmico evolucion.

Cuanto fenomeno modelao por maga teorico astronomo son:

• El estelar dinamica y evolucion
• El formacion y evolucion del maga galaxia
• El distribucion a gran escala del materia na el observable universo
• El origen del maga cosmico rayo
• El general relatividad y el fisico cosmologia, incluio el cosmologia de maga cuerda y el fisica de maga astroparticula

Ta refleja el moderno teorico astronomia con el maga espectacular avance na el observacion desde el decada de 1990, incluio maga estudio del radiacion de fondo de maga microonda, el maga distante supernova y el maga encuesta de corrimiento al rojo, que ya lleva al desarrollo de un estandar cosmologico modelo. Ta requeri este modelo que ta contene el Universo con maga gran cantidad de oscuro materia y oscuro energia, cuyo naturaleza hinde bien entendio, pero ta dale el modelo con maga excelente prediccion que ta acorda muy bien con manada diverso observacion.

Maga especifico subcampo

Astrofisica

Ta aplica el astrofisica con el fisica y el quimica para comprende con el maga medicion realizao por el astronomia. Representacion del Observable Universo que ta inclui con maga imagen del Hubble y otro maga telescopio.

El astrofisica es el rama del astronomia que ta emplea con el maga principio del fisica y el quimica "para determinar con el naturaleza del maga astronomico objeto, na lugar del de ellos maga posicion o maga movimiento na el espacio" (English: to ascertain the nature of the astronomical objects, rather than their positions or motions in space). Entre el maga objeto estudiao son el Sol, otro maga estrella, maga galaxia, maga extrasolar planeta, el interestelar medio y el radiacion de fondo de maga microonda. Examinao el de ellos maga emision a traves de todo el electromagnetico espectro, y ta inclui el maga propiedad examinao con el luminosidad, el densidad, el temperatura y el quimico composicion. Kay el astrofisica un muy amplio tema, tipicamente ta aplica el maga astrofisico con manada disciplina del fisica, incluio el mecanica, el electromagnetismo, el estadistico mecanica, el termodinamica, el cuantico mecanica, el relatividad, el nuclear fisica y el fisica de maga particula, y el atomico, molecular y optico fisica (AMO).

Na practica, ta involucra el moderno astronomico investigacion con un sustancial cantidad de trabajo na el maga ambito del teorico y observacional fisica. Ta inclui cuanto area de estudio para el maga astrofisico con maga intento de determina con el maga propiedad del oscuro materia, el oscuro energia y el maga negro agujero, ademas de maga intento de resolve con tal maga pregunta como:

• ¿Posible el viaje a traves del tiempo?
• ¿Posible el formacion de maga agujero de gusano?
• ¿Ta existi el multiverso?
• ¿Que son el origen y final destino del Universo?

Astroquimica

El astroquimica es el estudio del abundancia y maga reaccion del maga molecula na el Universo, y el de ellos interaccion con el radiacion. El disciplina es una superposicion del astronomia y el quimica. Aplicable el palabra "astroquimica" al Solar Sistema ademas del interestelar medio. Tiene vez llamao cosmoquimica el estudio del abundancia de maga elemento y el maga proporcion de maga isotopo na maga objeto del Sistema Solar, como maga meteorito, mientras que tiene vez llamao molecular astrofisica el estudio del maga atomo y maga interestelar molecula y el de ellos maga interaccion con el radiacion. Particularmente interesante el formacion, atomico y quimico composicion, evolucion y destino del maga molecular nube de gas, kay desde tal maga nube ta forma el maga solar sistema. Ta contribui maga estudio na este campo al comprension del formacion y evolucion del Solar Sistema, el origen y geologia del Tierra, y el origen del clima y el maga oceano.

Astrobiologia

El astrobiologia es un interdisciplinario científico campo ocupao del maga origen, temprano evolucion, distribucion y futuro del vida na el Universo. Ta considera el astrobiologia con el pregunta de si ta existi el extraterrestre vida, y paquemodo puede el maga humano detecta conele si ta exist gayot. Similar el termino exobiologia.

Ta usa el astrobiologia con el molecular biologia, el biofisica, el bioquimica, el quimica, el astronomia, el fisico cosmologia, el exoplanetologia y el geologia para investiga con el posibilidad de vida na otro maga mundo y ayuda a reconoce con maga biosfera baka diferente al del Tierra. (Con el termino biosfera ta referi kita al posibilidad de existente vida na otro maga planeta. Para el posibilidad de pone con vida na otro maga planeta, mira con Colonizacion del espacio.) El origen y temprano evolucion del vida es un inseparable parte del disciplina del astrobiologia. Ta trata el astrobiologia con el interpretacion del maga existente cientifico dato, y masquen permisible el especulacion para dale con contexto, ta trata el astrobiologia primariamente con maga hipotesis firmemente de acuerdo con maga existente cientifico teoria.

Ta abarca este interdisciplinario campo con investigacion sobre el origen del maga planetario sistema, el origen del maga organico compuesto na el espacio, el maga interaccion entre maga roca, el agua y el carbono, el abiogenesis na el Tierra, el planetario habitabilidad, el investigacion sobre el maga biofirma para el posible deteccion del vida, y el maga estudio sobre el potencial del vida para adapta al maga desafio na el Tierra y na el exterior espacio.

Fisico cosmologia

Puede kita considera con el cosmologia (del griego κόσμος kosmos "mundo, universo" y λόγος logos "palabra, estudio" o literalmente "logica") como el estudio del Universo como un todo.

Extremo Profundo Campo del Hubble.

Ya provee maga observacion del estructura a gran escala del observable universo, un rama conocio como el fisico cosmologia, con un profundo comprension del formacion y el evolucion del cosmos. Fundamental al moderno cosmologia es el bien aceptao teoria del Big Bang, segun el que ya empeza el de kanaton Universo como un unico instante, y despues de esto ya expandi a lo largo de 13.800 maga millon de maga año hasta el de suyo presente condicion. Trazable el concepto del Big Bang al descubrimiento del radiacion de fondo de maga microonda na 1965.

A lo largo de este expansion, ya pasa el Universo por cuanto evolutivo etapa. Na el maga primer momento, teorizao que ya experimenta el Universo con un muy rapidp cosmico inflacion, que ya homogeneiza con el maga condicion de partida. Despues de esto, ya produci el primordial nucleosintesis con el elemental abundancia del temprano Universo. (Mira tambien con nucleocosmocronologia.)

Cuando ya forma el maga primer neutro atomo na un mar de maga primordial ion, ya queda transparente al radiacion el espacio, liberando con el energia hoy visto como el radiacion de fondo de maga microonda. Entonces ya experimenta el expandiendo Universo con un Oscuro Edad debio al falta de maga estelar fuente de energia.

Ya empeza un jerarquico estructura del materia a forma, a partir de maga minusculo variacion na el densidad de masa del espacio. Na el maga mas denso region ya acumula el materia, formando con maga nube de gas y el maga primera estrella, el maga estrella de Poblacion III. Ya desencadena este maga masivo estrella con el proceso de reionizacion y, segun el creencia del maga cientifico, ya crea con manada pesao elemento na el temprano Universo, que, mediante el nuclear desintegracion, ta crea con el maga mas ligero elemento, permitiendo que ta continua por mas tiempo el ciclo de nucleosíntesis.

Ya agrupa el maga gravitatorio agregacion na maga filamento, dejando con maga vacio na el maga hueco. Gradualmente, ya fusiona el maga organizacion de gas y polvo para forma con el maga primer primitivo galaxia. Con el tiempo, ya atrae este maga con mas materia, y na manada situacion, organizao este maga na maga galactico agrupacion, y mas tarde, na maga supercumulo a mayor escala.

Fundamental al estructura del Universo es el existencia del oscuro materia y el oscuro energia. Ahora considerao este maga como el maga dominante componente, con el 96% del conocio masa del Universo. Poreso ta dedica el maga cientifico con mucho esfuerzo a trata de comprende con el fisica de este maga componente.

Extragalactico astronomia

Ta mostra este imagen con cuanto azul objeto na forma de bucle —multiple imagen del mismo galaxia—, duplicao por el efecto del gravitatorio lente del cumulo de maga amarillo galaxia cerca del centro del fotografia. Producio el lente por el gravitatorio campo del cumulo que ta dobla con el luz para amplia y distorsiona con el imagen de un mas distante objeto.

El estudio de maga objeto fuera del de kanaton galaxia es un rama del astronomia ocupao del formacion y evolucion del maga galaxia, el de ellos morfologia (descripcion) y clasificacion, el observacion del maga activo galaxia y, a mayor escala, el galactico agrupacion. Finalmente, importante este ultimo para el comprension del estructura a gran escala del observable universo o cosmos.

Organizao el mayoria del maga galaxia na maga distinto forma que ta permiti maga esquema de clasificacion. Comunmente dividio ellos na el maga espiral, eliptico e irregular galaxia.

Organizao un espiral galaxia na un plano y giratorio disco, generalmente con un prominente protuberancia o barra na el centro, y maga brillante brazo que ta arrastra na espiral hacia afuera. El maga brazo son maga polvoriento region de estelar formacion dentro del que ta produci el maga masivo joven estrella con un azul tinte. Na manada situacion, ay rodea un halo de maga mas viejo estrella con un espiral galaxia. El de kanaton un espiral galaxia, ademas del de kanaton mas cercano vecina, el galaxia de Andromeda.

Como ta indica el nombre, ta tene un eliptico galaxia con el forma (del transversal seccion) de un elipse. Ta move el maga estrella a lo largo de maga aleatorio orbita sin preferio direccion. Ta contene este maga galaxia con poco o nada de interestelar polvo, poco maga region de estelar formacion y maga mas viejo estrella. Baka el maga eliptico galaxia son el producto del maga fusion de otro maga galaxia.

El apariencia del maga irregular galaxia es caotico, y ni espiral ni eliptico tal maga galaxia. Irregular alrededor de un cuarto de todo el maga galaxia, Baka el maga peculiar forma de tal maga galaxia son el producto de gravitatorio interaccion.

Un activo galaxia es un formacion que ta emiti con un significativo cantidad del de suyo energia a partir de un fuente distinto del de suyo maga estrella, polvo y gas. Ta alimenta conele un compacto region na el nucleo, baka un supermasivo negro agujero que ta emiti con radiacion desde el material que ta cae dentro de ello. (Masquen hay gayot un supermasivo negro agujero al centro de ello, hinde activo el de kanaton galaxia.) Un radiogalaxia es un activo galaxia muy luminoso na el radioelectrico porcion del espectro, y emitiendo con maga inmenso pluma o lobulo de gas. Ta inclui maga activo galaxia que ta emiti con maga radiacion, a mas corto frecuencia y alto energia, con maga galaxia Seyfert, maga cuasar y maga blazar. Creio que el maga cuasar el maga mas consistentemente luminoso objeto del conocio universo.

Ta representa maga grupo y maga cumulo de maga galaxia con el estructura a gran escala del universo. Organizao este estructura na un jerarquia de maga agrupacion, el maga mas grande siendo el maga supercumulo. Ta tene el colectivo con maga galactico filamento y maga muro, dejando con maga gran vacio entre ellos.

Galactico astronomia

Observao estructura del maga spiral brazo del Lacteo Via.

Ta orbita el Solar Sistema dentro del Lacteo Via, un barrao espiral galaxia que es un prominente miembro del Local Grupo de maga galaxia. Ele un giratorio masa de gas, polvo, maga estrella y otro maga objeto, unio por el gravitatorio mutuo atraccion. Kay ubicao el Tierra dentro de uno del maga polvoriento exterior brazo, oscurecio del vista maga gran porcion del Lacteo Via.

Na el centro del Lacteo Via es el nucleo, un protuberancia na forma de barra, con un supermasivo negro agujero al de suyo centro. Ta rodea con esto cuatro maga primario brazo que ta gira na espiral desde el nucleo. Esto un region de activo estelar formacion que ta contene con manada mas joven estrella de poblacion I. Ta rodea el disco un esferoide halo de maga mas viejo estrella de poblacion II, ademas de maga relativamente denso concentracion de maga estrella conocio como maga globular cumulo.

Entre el maga estrella ta queda el interestelar medio, un region de escaso materia. Na el maga mas denso region, ta crea maga molecular nube de molecular hidrogeno y otro maga elemento con maga region de estelar formacion. Ta empeza este maga como maga preestelar nucleo o maga oscuro nebulosa, que ta concentra y ta colapsa (na maga volumen determinao por el inestabilidad de si Jeans) para forma con maga compacto protoestrella.

Al aparece el maga mas masivo estrella, ta transforma ellos con el nube a un region H II (ionizao atomico hidrogeno) de incandescente gas y plasma. Eventualmente ta causa el estelar viento, ademas de maga explosion de maga supernova de este maga estrella, con el dispersion del nube, na manada situacion dejando atras con uno o mas maga joven y abierto cumulo de maga estrella. Gradualmente ta dispersa este maga cumulo, y ta uni el maga estrella al poblacion del Lacteo Via.

Ya demostra maga cinematico estudio del materia na el Lacteo Via y na otro maga galaxia que hay mas masa que explicable por el visible materia. Ta parece que ta domina un halo de oscuro materia con este masa, masquen indeterminao pa el naturaleza de este oscuro materia.

Estelar astronomia

Mz 3, a menudo conocio como el planetario nebulosa Hormiga. Ta mostra un expulsion de gas del moribundo central estrella con maga simetrico patron a diferencia del maga caotico patron del maga ordinario explosion.

Véase también: Solar astronomia.

Fundamental el estudio de maga estrella y del estelar evolucion para el de kanaton comprension del Universo. Determinao el astrofisica del maga estrella por medio del observacion y el teorico comprension, ademas de maga simulacion por computadora del interior. Ta ocurri el estelar formacion na maga denso region de polvo y gas, conocio como maga gigante molecular nube. Cuando desestabilizado, puede este maga fragmento de maga nube colapsa bajo el influencia del gravedad, para forma con un protoestrella. Ay desencadena suficientemente denso y caliente un central region con el nuclear fusion, creando ansina con un estrella del principal secuencia.

Dentro del maga nucleo de maga estrella ya ocurri el creacion de casi todo el maga quimico elemento mas pesao que el hidrogeno y el helio.

Ta depende el maga caracteristica del resultante estrella principalmente del de suyo inicial masa. Cuanto mas masivo el estrella, tanto mas el de suyo luminosidad y tanto mas rapidamente ta fusiona el de suyo combustible de hidrogeno na helio na el de suyo nucleo. Con el tiempo, ta converti este combustible de hidrogeno completamente na helio y ta comenza el estrella a evoluciona. Ta requeri el fusion del helio con un mas alto central temperatura. Ay empuja un estrella, con un central temperatura lo suficientemente alto, con el de suyo maga externo capa hacia afuera mientras ta aumenta con el de suyo central densidad. Ta disfruta el resultante rojo gigante, formao por el maga expandiendo externo capa, de un breve vida, antes del total consumo del combustible de helio na el nucleo al de suyo vez. Puede el maga muy masivo estrella sufri con un serie de maga evolutivo fase, a medida que ta fusiona ellos con maga elemento cada vez mas pesao.

Ta depende el destino final del estrella del de suyo masa — ta queda maga supernova el maga estrella de masa superior a unos ocho maga vez al del Sol, mientras que ta desprende un mas chico estrella con el de ellos maga externo capa y ta deja atras con el inerte nucleo na forma de blanco enano. Ta forma el eyeccion del maga externo capa con un planetario nebulosa. El remanente de un supernova es un densa estrella de maga neutron o, si el estelar masa fue al menos tres maga vez mayor que el del Sol, un negro agujero. Puede el maga binario estrella na maga cercano orbita segui con maga mas complejo evolutivo camino, como transferencia de masa a un compañero blanco enano que potencialmente puede causa con un supernova. Ta distribui el maga planetario nebulosa y el maga supernova con el maga "metal" producio na el estrella por fusion na el interestalar medio; sin ellos, formao todo el maga nuevo estrella (y el de ellos maga planetario sistema) de hidrogeno y helio lang.

Solar astronomia

Un ultravioleta imagen del activo fotosfera del Sol, como visto por el espacial telescopio TRACE. Foto de NASA.

Solar observatorio Lomnický štít (Eslovaquia) construio na 1962.

Véase también: Solar telescopio.

A un distancia de unos ocho maga minuto luz, el mas estudiao estrella es el Sol, un tipico enano estrella del principal secuencia, de espectral clase G2 V y de alrededor de 4.6 maga mil millon de maga año (4.6 Ga). Hinde considerao el Sol como un variable estrella, masquen ta experimenta gayot ele con maga periodico cambio de actividad conocio como el solar variacion. Esto un oscilacion de once maga año na el numero de si Wolf (el numero de maga solar mancha). El maga solar mancha son maga region de temperatura inferior al promedio y asociao con intenso magnetico actividad.

Ya aumenta el luminosidad del Sol constantemente na un 40% desde que ya convirti na un estrella del principal secuencia. Tambien ya sufri el Sol con maga periodico cambio de luminosidad que pueden tene con un significativo impacto na el Tierra. Creio, por ejemplo, que ya causa el minimo de si Maunder con el fenomeno del Chico Edad de Hielo durante el Medio Edad.

Ubicao na el centro del Sol el central region (o nucleo), un volumen de temperatura y presion suficiente para el ocurriencia del nuclear fusion. Superior al nucleo el zona de radiacion, donde ta transporta el plasma con el flujo de energia por medio del radiacion. Superior a ello el convectico zona, donde ta transporta el material gaseoso con energia principalmente a traves del fisico desplazamiento del gas conocio como conveccion. Creio que ta crea el movimiento de masa, dentro del convectico zona, con el magnetico actividad que ta genera con el maga solar mancha. Conocio como el fotosfera el visible externo superficie del Sol. Superior a este capa un delgao region conocio como el cromosfera. Ta rodea con esto un region de transicion de maga temperatura que ta aumenta rapidamente y, finalmente, el sobrecalentao corona.

Ta flui un solar viento de maga particula de plasma constantemente hacia afuera del Sol, hasta alcanza al heliopausa, na el mas externo limite del Solar Sistema. Cuando ta pasa el solar viento por el Tierra, ta interactua con el terrestre campo magnetico (magnetosfera) que ta desvia con el solar viento, pero ta atrapa con un porcio de ello, creando ansina con el maga cinturon de si Van Allen (un forma de radiacion) que ta envolve con el Tierra. Poreso creao el maga polar aurora cuando ta guia el maga magnetico linea de flujo con maga particula del solar viento al maga terrestre polar region, donde ta descende entonces el maga linea al atmosfera.

Planetario ciencia

El negro punto na el superior parte es un remolino de arena escalando con el pared de un crater na Marte. Ya crea Esta movil y arremolinao columna del marciano atmosfera (comparable a un terrestre tornado) con el largo y oscuro raya.

El planetario ciencia es el estudio del conjunto de maga planeta, maga luna, maga enano planeta, maga cometa, maga asteroide y otro maga cuerpo que ta orbita alrededor del Sol, ansina como maga extrasolar planeta. Relativamente bien estudiao el Solar Sistema, inicialmente a traves de maga telescopio y luego por maga espacial nave. Ta provee esto con un buen general comprension del formacion y evolucion del planetario sistema del Sol, masquen hoy dia realizao pa manada nuevo descubrimiento.

Dividio el Solar Sistema na el interior Solar Sistema (subdividio na el maga interior planeta y el cinturon de maga asteriode), el exterior Solar Sistema (subdividio na el maga exterior planeta y el maga centauro), el maga cometa, el transneptuniano region (subdividio na el cinturon de si Kuiper y el disperso disco) y el maga mas lejano region (por ejemplo, el maga limite del heliosfera y el nube de si Oort, que puede extende hasta un año luz). El maga interior terrestre planeta son Mercurio, Venus, el Tierra y Marte. El maga gigante planeta son el maga gaseoso gigante (Jupiter y Saturno) y el maga helao gigante (Urano y Neptuno).

Ya forma el maga planeta hace 4.6 gigaaño na el protoplanetario disco que ya rodea con el temprano Sol. Gracias a un proceso que ya inclui con el gravitatorio atraccion, el colision y el acrecion, ya forma el disco con maga cumulo de materia que, con el tiempo, ya convirti na maga protoplaneta. Luego ya expulsa el presion de radiacion del solar viento con el mayor parte del materia hinde acretao, y ya conserva aquel maga planeta con suficiente masa lang con el de ellos gaseoso atmosfera. Ya segui el acrecion y rechazo de materia por parte del maga planeta durante un segundo periodo de intenso bombardeo, evidenciao por el gran cantidad de maga crater de impacto na el Luna. Durante este periodo, baka ya choca algun maga protoplaneta, y baka ya forma un tal colision con el Luna.

Al alcanza un planeta a un suficiente masa, ta segrega dentro de ello maga materia de maga diferente densidad, durante el planetario diferenciacion. Puede este proceso forma con un petreo o metalico nucleo, rodeao por un manto y un externo corteza. Puede el nucleo inclui con maga solidp y liquido region, y ta genera algun maga planetario nucleo con el de ellos maga propio magnetico campo, capaz de protege con el atmosfera del eliminacion por el solar viento.

Ta produci el interior calor (de un planeta o un luna) (a) el maga colision que ta crea con el cuerpo, (b) el desintegracion de maga radiactivo material (p.ej. uranio, torio y ²⁶Al) o (c) el calentamiento de marea causao por maga interaccion con otro maga cuerpo. Ta acumula algun maga planeta y maga luna con bastante calor para impulsa con maga geologico proceso como el vulcanismo y el tectonica. Puede ellos que ta acumula o ta retene con un atmosfera experimenta con erosion del superficie por viento o agua. Ta enfria mas rapidamente el maga mas chico cuerpo, sin calentamiento por marea, y ta cesa el de ellos geologica actividad con excepcion del maga crater de impacto.

Maga interdisciplinario estudio

Ya desarrolla el astronomia y el astrofisica con importante interdisciplinario vinculo con otro maga importante cientifico campo. El arqueoastronomia es el estudio de maga antiguo o tradicional astronomia na el de ellos cultural contexto, utilizando con maga arqueologico y antropologico evidencia. El astrobiologia es el estudio del advenimiento y evolucion del maga biologico sistema na el Universo, con especial enfasis na el posibilidad de vida hinde terrestre. El astroestadistica es el aplicacion del estadistica al astrofisica para el analisis de un gran cantidad de maga observacional astrofisico dato.

El astroquimica es el estudio de maga quimico sustancia incuntrao na el exterior espacio, incluio el de ellos formacion, interaccion y destruccion. Usualmente incuntrao este maga sustancia na maga molecular nube, masquen tambien puede ellos aparece na maga estrella de bajo temperatura, maga marron enano y maga planeta. El cosmoquimica es el estudio del maga quimico sustancia incuntrao dentro del Solar Sistema, incluio el maga origen del maga elemento y el maga variacion na el maga proporcion de maga isotopo. Ta representa ambo maga campo con un superposicion del maga disciplina del astronomia y el quimica. Y finalmente, ta emplea el "forense astronomia" con maga metodo del astronomia para resolver con maga problem del historia del arte y tiene vez del derecho.

Amateur astronomia

Puede el amateur astronomo construi con el de ellos propio maga instrumento, y celebra con maga fiesta y maga reunion con tematica de maga estrella, como Stellafane.

El astronomia es uno del maga ciencia al que mas puede contribui el maga aficionao.

Colectivamente, ta observa el maga aficionao astronomo con un variedad de maga celeste objeto y fenomeno, tiene vez mediante maga equipo de nivel de consumidor, tiene vez mediante el construccion de maga telescopio por maga amateur. Ta inclui maga comun objetivo del maga aficionao astronomo con el Sol, el Luna, maga planeta, maga estrella, maga cometa, maga ulan de maga meteoro y un variedad de maga objeto del profundo espacio como maga estelar cumulo, maga galaxia y maga nebulosa. Ubicao maga astronomico club na todo el mundo, y ta tene manada con maga programa para ayuda con el de ellos maga miembro a establece y completa con maga programa de observacion. Maga ejemplo de este maga programa de formacion son el observacion de todo el maga objeto del catalogo de si Messier (110 maga objeto) o el de si Herschel (400 maga objeto) de maga punto de interes na el nocturno cielo. Ta involuca un rama del amateur astronomia, el astrofotografia, con el toma de maga foto del nocturno cielo. Ta especializa manada aficionao na el observacion de maga particular objeto, tipo de maga objeto o tipo de maga evento que ta interesa con ellos.

Ta trabaja el mayoria del maga amateur al maga visible longitud de onda, masquen ta explora manada con maga longitud de onda fuera del visible espectro. Ta inclui esto con el uso de maga infrarrojo filtro na maga convencional telescopio, y tambien el uso de maga radiotelescopio. El pionero del amateur radioastronomia fue si Karl Guthe Jansky, que ya empeza a observa con el cielo al maga longitud de onda de radio na el decada de 1930. Ta usa cuanto amateur astronomo con maga casero telescopio o maga radiotelescopio originalmente construio para el astronomico investigacion, pero ahora disponible para el maga amateur (p.ej. el telescopio de un milla).

Ta realiza pa el maga amateur astronomo con maga cientifico contribucion al campo del astronomia, kay el astronomia es uno del poco maga cientifico disciplina donde posible pa tal maga contribucion por el maga amateur. Puede el maga amateur Realiza con maga medicion de ocultacion mas tarde utilizao para refina con el maga orbita del maga menor planeta. Ademas puede el maga amateur descubri con maga cometa y realiza con maga periodico observacion de maga variable estrella. Ta permiti maga mejora na el digital tecnologia que ta realiza el maga amateur con maga impresionante avance na el campo del astrofotografia.

Maga hinde resuelto problema na el astronomia

Na el aca-21 siglo ta queda pa maga importante pregunta sin respuesta na el astronomia. Algun maga son de cosmico alcance: por ejemplo, ¿que son el oscuro materia y el oscuro energia? Ta domina este maga con el evolucion y el destino del cosmos, pero desconocio pa el de ellos verdadero naturaleza. ¿Que es el final destino del Universo? ¿Por que ta tene el litio na el cosmos con un abundancia cuatro maga vez menor que el predicho por el estandar modelo del Big Bang? Ta pertenece otro maga a maga mas especifico clase de maga fenomeno. Por ejemplo, ¿normal o atipico el Solar Sistema? ¿Que es el origen del espectro de maga estelar masa? Es deci, ¿por que ta observa el maga astronomo con el mismo distribucion del maga estelar masa —el funcion de inicial masa— aparentemente sin importa el maga inicial condicion? Ansina mismo, ta queda maga pregunta sobre el formacion del maga primer galaxia, el origen del maga supermasivo negro agujero, el fuente del maga cosmico rayo de maga ultra-alto energia y mas.

¿Hay mas vida na el Universo? Especialmente, ¿hay mas inteligente vida? Si ta existi gayot, ¿paquemodo explica con el paradoja de si Fermi? Ta tene el existencia de vida na otro maga lugar con maga importante cientifico y filosofico implicacion.

Mira tambien

• Cosmogonia – Rama del ciencia o teoria sobre el origen del universo
• Espacial exploracion – Exploracion del exterior espacio, el maga planeta y el maga luna
• Resumen del astronomia
• Resumen del espacial ciencia

Maga lista

• Glosario del astronomia – Lista de maga definicion de maga termino y maga concepto de comin uso na el estudio del astronomia
• Lista de maga astronomico acronimo
• Lista de maga astronomico instrumento
• Lista de maga astronomico observatorio
• Lista de maga software para el astronomico investigacion y educacion

Maga externo enlace

El Wikimedia Comon tiene medio de comunicacion en relacion con: Astronomy