Islamico ciencia
Na el historia del ciencia, el islamico ciencia fue el ciencia desarrollao y practicao durante el Edad de Oro del islam bajo el abasi califato de Bagdad, el maga omeya de Córdoba, el maga abadi de Sevilla, el maga samanida, el maga ziyarida y buyida dinastia na Persia y mas alla, abarcando con el periodo aproximadamente entre 786 y 1258. Ya abarca el maga islamico cientifico logro con un amplio gama de maga tematico area, especialmente el astronomia, el matematica y el medicina. Ya inclui otro maga tema de cientifico investigacion con el alquimia y quimica, el botanica y el agronomia, el geografia y cartografia, el oftalmologia, el farmacologia, el fisica y el zoologia.
Ya tene el medieval islamico ciencia con maga practico fin, asi como el objetivo del comprension. Por ejemplo, util el astronomia para determina con el alquibla, el direccion na el que reza, ya tene el botanica con maga practico aplicacion na el agricultura, como na el maga obra de si Ibn Bassal y si Ibn al-ʿAwwām, y ya permiti el geografia el realizacion de maga preciso mapa por si Abu Zayd al-Balkhi. Ya realiza el maga islamico matematico —como si Al-Juarismi, si Avicena y si al-Kashi— con maga avance na el algebra, el trigonometria, el geometria y el maga arabigo cifra. Ya describi el maga islamico doctor con maga enfermedad como el viruela y el sarampion, y ya desafia con el clasico griego medico teoria. Ya describi si Al-Biruni, si Avicena y otro gente con el preparacion de maga ciento de maga droga hecho con maga medicinal planta y maga quimico compuesto. Ya estudia maga islamico fisico —como si Alhacén, si Al-Biruni y otro gente— con el optica y el mecanica tanto como el astronomia, ademas de critica con el vista de mocion por si Aristoteles.
Durante el Medio Edad, ya florece el islamico ciencia na un amplio Area alrededor del mar Mediterraneo y mas alla, durante cuanto siglo, na un amplio gama de maga institucion.
Contexto e historia[revisa | revisa codigo]
Ya empeza na 622 el islamico era. Ya conquista finalmente el maga islamico ejercito con Arabia, Egipto y Mesopotamia, y ya desplaza exitosamente con el maga persa y bizantino imperio del region dentro de cuanto poco decada. Dentro de un siglo, ya alcanza el islam al area del actual Portugal na el oeste y Central Asia na el este. Ya abarca el Edad de Oro del islam (aproximadamente entre 786 y 1258) con el periodo del abasi califato (750–1258), con maga estable politico estructura y un floreciente comercio. Traducio na arabe y ocasionalmente persa maga importante religioso y cultural obra del islamico imperio. Ya hereda el islamico cultura con el griego, indico, asirio y persa influencia. Ya forma un nuevo comun civilizacion, basao na el islam. Ya segui un epoca de alto cultura e inovacion, con rapido crecimiento del urbano poblacion. Ya trae el agricola revolucion del medieval islam na el campo con mas maga cultivo y la mejora del agricola tecnologia, especialmente el riego. Ya apoya esto con el crecimiento del poblacion y ya permiti con el florecimiento del cultura. A partir del aca-9 siglo, ya traduci maga erudito como Al-Kindi con indio, asirio, sasanida y griego conocimiento, incluio el maga obra de si Aristoteles, na arabe. Ya apoya este maga traduccion con el maga avance del maga cientificos de todo el islamico mundo.
Ya sobrevivi el islamico ciencia con el inicial cristiano reconquista de España, incluio el caida de Sevilla na 1248, mientras ya continua el trabajo na el maga oriental centro (como na Persia). Tras el finalizacion del español reconquista na 1492, ya entra el islamico mundo na un economico y cultural declive. Despues del abasi califato ya veni el otomano imperio (Plantilla:Circa 1299–1922), centrao na Turquia, y el safavida imperio (1501–1736), centrao na Persia, donde ya continua trabajo na el maga arte y el maga ciencia.
Maga campo de investigacion[revisa | revisa codigo]
Alquimia y quimica[revisa | revisa codigo]
Ya mira el temprano islamico periodo con el establecimiento de maga teorico marco na el alquimia y el quimica. Hasta el aca-18 siglo, ya queda el base del maga teoria del metalico composicion el teoria azufre–mercurio del maga metal, primero incuntrao na el pseudo-Apolonio del Sirr al-Khaliqa ("El secreto del creacion", c. 750–850) de si Tyana y na el maga escitura atribuio a si Ŷabir ibn Hayyan (escrio Plantilla:Circa 850–950). Na el Sirr al-khalīqa y na uno del maga atribuio obra a Ŷabir, primero ya ocurri el Tabla de Esmeralda, un criptico texto que ya mira todo el maga posterior alquimista, incluio si Isaac Newton, como el base del de ellos arte. Na el practico quimica, ta contene el maga obra de si Ŷabir, y el maga del persa alquimico y fisico si Al-Razi (c. 865–925), con el maga primero sistematico clasificacion de maga quimico sustancia. Al maga alquimico tambien ya interesa el artificial creacion de tal maga sustancia. Ta describi si Ŷabir con el quimico sintesis del cloruro de amonio (el amoniacal sal) desde maga organico sustancia, y ya experimenta si Abu Bakr al-Razi con el calefaccion del cloruro de amonio, el vitriolo y otro maga sal, cosa eventualmente ya llega al descubrimiento del maga inorganico acido por el maga latin quimico, como si pseudo-Geber, del aca-13 siglo.
Astronomia y cosmologia[revisa | revisa codigo]
Ya queda el astronomia un importante disciplina dentro del islamico ciencia. Devotao el esfuerzo del maga astronomo tanto hacia el comprension del naturaleza del cosmos como hacia maga practico fin. Un aplicacion fue el determinacion del alquibla, el direccion na el que enfrenta durante el oracion. Otro fue el astrologia, el prediccion de maga acontecimiento que ya afecta con el humano vida y el seleccion de maga adecuao momento para maga accion como anda al guerra o funda con un ciudad. Correctamente ya determina si Al-Battani con el longitud del solar año. Ya contribui ele al maga toledano tabla, utilizao por el maga astronomo para predeci con el maga movimiento del Sol, el Luna y el maga planeta na el cielo. Mas tarde ya usa si Copernico (1473-1543) con cuanto astronomico tabla de si Al-Battani.
Ya desarrolla si Azarquiel (1028–1087) con un mas preciso astrolabio, utilizao durante manada siglo atras. Ya construi ele con un reloj de agua na Toledo, ya descubri que ta move el solar apside lentamente relativo al maga fijo estrella, y ya obtene con un buen estimacion del de suyo movimiento para el de suyo tasa de cambio. Ya escribi si Nasir al-Din al-Tusi (1201–1274) con un importante revision al ptolemaico sistema del aca-2 siglo. Al queda el astrologo de si Hulagu, ya recibi si al-Tusi con un observatorio y acceso a maga chino tecnico y observacion. Ya desarrolla si al-Tusi con el trigonometria como un distinto campo de matematica, ademas de compila con el maga mas preciso astronomico tabla disponible hasta aquel momento.
Botanica y agronomia[revisa | revisa codigo]
Ya extende el estudio del natural mundo a un detallao examen del maga planta. Directamente util el trabajo ansina realizao na el crecimiento sin precedente del farmacologia na todo el islamico mundo. Ya populariza si Abū Ḥanīfa Dīnawarī con el botanica na el islamico mundo con el de suyo Libro de maga planta (Plantilla:Lang-ar, Kitāb al-Nābāt) de seis maga volumen. Ya sobrevivi el maga aca-3 y aca-5 volumen lang, con parte del aca-6 volumen reconstruido mediante maga citao pasaje. Ta describi el sobreviviente texto con 637 maga planta na alfabetico orden, de sin a ya, ansina que siguro ya cubri el completo texto con cuanto millar de maga planta. Ya describi si Dīnawarī con el maga fase del vegetal crecimiento y el produccion de maga flores y maga frutas. Ya contene el [[enciclopedia del aca-13 siglo compilao por si Zakariya al-Qazwini (1203–1283) —Maga maravilla del creacion— con, entre manada otro tema, maga botanico cuenta, y realistico y fantastico. Por ejemplo, ya describi ele con maga arboles que ya crece con maga pajaro na el de ellos ramitas na lugar de maga hojas, pero que ubicao lang na el maga lejano Britanico Isla. Documentao el uso y cultivacion del maga planta na el aca-11 siglo por si Ibn Bassal de Toledo na el de suyo libro El corte del agricultura (Plantilla:Lang-ar, Dīwān al-filāha), y na el aca-12 siglo por si Ibn al-ʿAwwām (tambien conocio como Abú Zacaria) de Sevilla na el de suyo libro Tratao del agricultura (Plantilla:Lang-ar, Kitāb al-Filāha). Ya viaja mucho si Ibn Bassāl por el islamico mundo, volviendo con un conocimiento detallao del agronomia que ya alimenta con el agricola revolucion del medieval islam. Ya describi el de suyo practico y sistematico libro con mas de 180 maga planta y paquemodo propaga y cuida con ellos. Ya trata ele con maga hortaliza de maga hojas y de maga tuberculo, maga hierba, maga especia y maga pono.
Geografia y cartografia[revisa | revisa codigo]
Ya fomenta el expansion del islam, a traves de Occidental Asia y el norte de Africa, con un crecimiento sin precedente na el comercio y el maga viaje, por tierra y mar, na maga lugar tan lejano como el Asiatico Sudeste, China, gran parte de Africa, Escandinavia e incluso Islandia. Ya trabaja el maga geografo para compila con maga mapa cada vez mas preciso del mundo conocio, a partir de maga existente pero fragmentario fuente. Ya escribi si Abu Zayd al-Balkhi (850–934), fundador del escuela Balkhi de arabe caligrafia na Bagdad, con un atlas llamao Maga figura del maga region (Suwar al-aqalim). Ya medi si Al-Biruni (973–1048) con el terrestre radio mediante un nuevo metodo, que ya involucra con el observacion del altura de un montaña a Nandana, na el actual Pakistan. Ya dibuja si Al-Idrisi (1100–1166) con un mappa mundi para si Roger II, el normando rey de Sicilia (r. 1105–1154). Ya escribi tambien si Al-Idrisi con el Kitab Ruyar (Tabula Rogeriana o Libro de Roger), un geografico estudio del maga pueblo, maga clima, maga recurso y maga industria de todo el mundo conocio na aquel entonces. Ya realiza el otomano almirante si Piri Reis (Plantilla:Circa 1470–1553) con un mapa del Nuevo Mundo y Africa del Oeste na 1513. Ya utiliza ele con maga mapa de Grecia, Portugal, maga musulman fuente, y baka un hecho por si Cristobal Colon. Ya representa ele con un parte de un importante tradicion del otomano cartografia.
-
Moderno copia del Tabula Rogeriana (de si al-Idrisi, 1154), al reves, el norte hacia el superior parte.
Matematica[revisa | revisa codigo]
Ya recopila, organiza y clarifica el maga islamico matematico con el matematica que ya hereda del antiguo Egipto, Grecia, India, Mesopotamia y Persia, ademas de contribui ellos mismo. Ya cubri el islamico matematica con el aritmetica, el algebra y el geometria. El principal uso del algebra fue el recreacion, kay ya tene ele con maga poco aplicacion na aquel entonces. Estudiao el geometria a maga diferente nivel. Ta contene cuanto texto con maga practico geometrico regla para el topografia y el medicion de maga distancia. El teorico geometria fue un necesario prerrequisito para comprende con el astronomia y el optica, y ya requeri con maga año de concentrao trabajo. Al maga principio del abasi califato (fundao na 750), poco despues del fundacion de Bagdad na 762, ya asimila un grupo de cientifico, liderao por si Al-Mansur, con algo del matematico conocimiento del preislamico persa tradicion na el astronomia. Na el aca-8 siglo, ya invita el califa con cuanto astronomo de India al de suyo corte, donde ya explica ellos con el maga rudimentario tecnica del trigonometria usao na el indio astronomia. Traducio al arabe maga antiguo griego obra como el Almagesto de si Claudio Ptolomeo y el Maga Elemento de si Euclides. Na el segundo mitad del aca-9 siglo, ya realiza ya el maga islamico matematico con maga contribucion al maga mas sofisticao parte del griego geometria. Ya alcanza el islamico matematica con el de suyo apogeo na el oriental parte del islamico mundo entre el maga aca-10 y aca-12 siglo. Ya escribi el mayoria del maga medieval islamico matematico na arabe, otro maga na persa.
- Ya desempeña si Al-Juarismi (maga aca-8–9 siglo) con un importante papel na el adopcion del indo-arabigo sistema de numeracion y na el desarrollo del algebra, ya introduci ele con maga metodo de simplifica con maga ecuacion, y ya utiliza ele con el euclideano geometria na el de suyo maga demostracion. Ele el primero na trata con el algebra como un independiente disciplina por propio derecho, y ya presenta con el primer sistematico solucion del maga lineal y cuadratico ecuacion.
- Ya trabaja si Al-Kindi (801–873) na el criptograifa para el abasi califato, y ya dale con el primer conocio registrao explicacion del criptoanalisis y el primer descripcion del metodo de analisis de maga frecuencia.
- Ya contribui si Avicena (Plantilla:Circa 980–1037) a tal maga matematico tecnica como el prueba del nueve.
- Ya calcula si Thábit ibn Qurra (835–901) con el solucion a un problema de ajedrez involucrando con un exponencial sucesion.
- Ya intenta si Al-Farabi (Plantilla:Circa 870–950) describi, geometricamente, con el maga repetitivo patron popular na el maga islamico decorativo motivo na el de suyo libro Maga espiritual oficio y maga natural secreto na el maga detalle del maga geometrico figura.
- Ya calcula si Omar Jayam, conocio na el Occidente como el poeta del Rubaiyat, con el longitud del año con 5 maga decimal. Ademas, ya incuntra ele con maga geometrico solucion para el 13 maga forma de maga cubico ecuacion, desarrollando con cuanto cuadratico ecuacion utilizao pa hoy dia.
- Ya descubri si Al-Kashi (Plantilla:Circa 1380–1429) con cuanto teorema del trigonometria, incluio el teorema del coseno, tambien conocio como el teorema de si Al-Kashi. Tambien ya inventa ele con el maga decimal fraccion, ademas de un metodo como el de si Horner para calcula con maga raiz. Ya calcula ele con el numero π correctamente con 17 maga significativo cifra.
Alrededor del aca-7 siglo, ya adopta el maga islamico erudito con el indo-arabigo numeracion, describiendo con el de suyo uso na el ensayo Sobre el maga numero del maga indio (Plantilla:Lang-ar, Fī l-ḥisāb al hindī). Alrededor del aca-10 siglo, ya empeza a emerge un distintivo variante, del occidental arabe mundo, del maga oriental arabigo cifra na el Magreb y Al-Andalus (tiene vez llamao maga al-ghubar cifra, masquen hinde firmi aceptao este termino). Este variante el directo antecedente del maga moderno arabe cifra utilizao na todo el mundo.
Medicina[revisa | revisa codigo]
Ya presta el islamico sociedad con especial atencion al medicina, gracias a un hadiz ordenando con el preservacion del buen salud. Ya hereda el maga islamico medico con conocimiento y maga tradicional medico creencia del maga civilizacion de clasico Grecia, Roma, Siria, Persia y el India. Ya inclui tal conocimiento con el maga escritura de si Hipocrates como el teoria del cuatro maga humor, y el maga teoria de si Galeno. Ya identifica si Al-Razi con el variola y el sarampion, y ya reconoce con el fiebre como parte del maga defensa del cuerpo. Ya escribi con un compendio, de 23 maga volumenes, de chino, indio, persa, siriaco y griego medicina. Ya cuestiona si Al-Razi con el clasico griego medico teoria de paquemodo ta regula el cuatro maga humor con el maga biologico proceso. Ya desafia ele con el obra de si Galeno na cuanto frente, incluio el tratamiento del sangria, argumentando que efectivo este tratamiento. Si Abulcasis (936–1013) fue un cirujano cuya mas importante sobreviviente obra fue el libro Al-Tasrif (Medico conocimiento). Es un conjunto de 30 maga volumen que mayoritariamente ta discuti con maga medico sintoma, maga tratamiento y el farmacologia. Ta describi el ultimo volumen, sobre el cirugia, con maga quirurgico instrumento, maga suministro y maga pionero procedimiento. Ya escribi si Avicena (Plantilla:Circa 980–1037) con el mayor libro de texto de medicina, El canon de medicina. Ya escribi si Ibn Nafis (1213–1288) con un influencial libro sobre el medicina, que mayoritariamente ya reemplaza con el Canon de si Avicena na el islamico mundo. Ya escribi con maga comentario sobre si Galeno y sobre el maga obra de si Avicena. Ya describi uno de este maga comentario, descubierto na 1924, con el circulacion del sangre por el maga pulmon.
Optica y oftalmologia[revisa | revisa codigo]
Ya desarrolla rapidamente el optica na este periodo. Na el aca-9 siglo ya tiene maga obra sobre el fisiologico, geometrico y fisico optica. Uno del maga topico discutio fue el reflexion na un espejo. Ya escribi si Hunayn ibn Ishaq con el libro Diez maga tratao sobre el ojo, un libro que ya queda influencial na el Occidente hasta el aca-17 siglo. Ya desarrolla si Abbás Ibn Firnás (810–887) con maga lente para magnificacion y el mejora del vision. Ya descubri si Ibn Sahl (Plantilla:Circa 940–1000) con el ley de refraccion conocio como el ley de si Snell. Ya utiliza ele con el ley para produci con el maga primero asferico lente que ya enfoca con el luz sin maga geometrico aberracion.
Na el aca-11 siglo ya rechaza si Alhacén (965–1040) con el maga griego idea sobre el vision:
- el aristotelico tradicion que ya cree que ya entra na el ojo el forma del objeto percibio (pero no el de suyo materia), o
- el euclideano y ptolemaico tradicion que ya cree que ya emiti el ojo con un rayo de luz. Ya propone si Alhacén na el de suyo Libre de optica que ta ocurri el vision por medio de maga rayo de luz formando con un cono con el de suyo vertice na el centro del ojo. Ya sugeri ele que reflejao el luz desde maga diferente superficie na maga diferente direccion, ansina causando que ta parece diferente el maga objeto. Ya argumenta ele ademas que ta debe el mateaaticas del reflexion y el refraccion coherente con el anatomia del ojo. Tambien ele un temprano proponente del cientifico metodo, el concepto de que ta debe un hipotesis probao por maga experimento basao na maga confirmable procedimiento o maga matematico prueba, cinco maga siglo antes del maga cientifico del Renacimiento.
Farmacologia[revisa | revisa codigo]
Ya alentaron el maga avance na el botanica y el quimica na el islamico mundo con el desarrollo del farmacologia. Ya promociona si Al-Razi (865–915) con el maga medico uso de maga quimico compuesto. Si Abulcasis (936–1013) fue pionero del preparacion de maga medicamento por sublimacion y destilacion. Ta proporciona el de suyo libro Liber servitoris con instruccion de preparacion de maga "simple" desde el que entonces compuesto el maga magistral formula, es deci, maga droga mas complejo que el maga inicial "simple". Si Sabur Ibn Sahl (f. 869) fue el primer medico na describi con un gran variedad de maga medicamento y maga remedio para maga dolencia. Na el aca-10 siglo, ya escribi si Abu Mansur Muwaffaq con El maga fundacion del maga verdadero propiedad del maga remedio, describiendo con maga quimico sustancia como el oxido de arsenico (III) y el silicico acido. Ya distingui ele entre el carbonato de sodio y el carbonato de potasio, y ya llama con el atencion sobre el venenoso naturaleza del maga compuesto de cobre, especialmente el vitriolo de cobre, y tambien del maga compuesto de plomo. Ya escribi si Al-Biruni con el Libro de maga droga (Kitab al-Saydalah), describiendo na detalle con el maga propiedad del maga medicamento, el papel del farmacia y el maga funcion del farmaceutico. Ya describi si Avicena con 700 maga preparao, junto con el de ellos maga propiedad, maga modo de accion y maga indicacion. Na El canon de medicina ya dedica ele con un entero volumen al maga simple. Impreso el maga obra de si Juan Mesué el Joven (Plantilla:Circa 925–1015) y si Ibn Wafid (1008–1074) na latin mas de cincuenta maga vez, apareciendo como De Medicinis universalibus et particularibus (Sobre el maga universal y particular medicina) y Medicamentis simplicibus (Para el maga medicamento na maga simple), respectivamente. Ya traduci si Pietro d'Abano con, y ya añadi ele con un suplemento a, el obra de si al-Mardini bajo el titulo De Veneris (Sobre Venus). Ya describi si Ibn al-Baitar (1197–1248), na el de suyo Al-Jami fi al-Tibb, con un millar de maga simple y maga droga basado directamente na maga mediterraneo planta recolectao a lo largo de todo el costa entre Siria y España, superando por primera vez con el cobertura proporcionao por si Dioscorides na el clasico epoca Ya describi el maga islamico medico, como si Avicena, con maga clinico ensayo para determinar con el eficacia de maga droga y maga sustancia.
Fisica[revisa | revisa codigo]
El maga campo del fisica estudiao na este periodo, aparte del optica y el astronomia que descrio por separao, son maga aspecto del mecanica: el estatica, el dinamica, el cinematica y el movimiento. Na el aca-6 siglo ya rechaza si Juan Filópono (Plantilla:Circa 490 – Plantilla:Circa 570) con el aristotelico punto de vista sobre el mocion. Na cambio, ya argumenta ele que ta adquiri un objeto con un inclinacion a move al tene con un motriz fuerza impreso na ello. Na el aca-11 siglo ya adopta si Avicena con mas o menos el mismo idea, es deci, que ta tene un objeto na movimiento con un fuerza disipao por maga externo agente como el resistencia del aire. Ya distingui si Avicena entre el "fuerza" y el "inclinacion" (mayl); ya reclama ele que ya gana un objeto con mayl al queda na oposicion al de suyo natural movimiento. Ya conclui ele que ta depende el continuacion (del movimiento) del inclinacion transferio al objeto, y que ta permanece el objeto na movimiento hasta que agotao el mayl. Tambien ya reclama ele que hinde ta detene un proyectil na un vacio a menos que ta actua un exterior fuerza na ello. Ta concorda tal vista con el primer ley de si Newton, sobre el inercia. Como un hinde aristotelico sugerencia, esencialmente abandonao ele hasta que descrio como "impetu" por si Jean Buridan (Plantilla:Circa 1295–1363), influenciao por El libro del curacion de si Avicena.
Na el libro Maga sombra, ta describi si Al-Biruni (973–1048) con el hinde uniforme movimiento como el resultao del aceleracion. Ya intenta el teoria de mayl de si Al-Biruni relaciona con el velocidad y el peso de un objeto na movimiento, precursor del concepto del cantidad de movimiento. Ya declara el teoria del mocion de si Aristoteles que ta produci un constante fuerza con un uniforme movimiento; ya discrepa si Hibat Allah Abu'l-Barakat al-Baghdaadi (Plantilla:Circa 1080 – 1164/5), argumentando que el velocidad y el aceleracion son dos maga diferente cosa, y que proporcional el fuerza al aceleración, hinde al velocidad.
Ya inventa el maga hermano Banū Mūsā —si Jafar-Muhammad, si Ahmad y si al-Hasan (Plantilla:Circa maga principio del aca-9 siglo)— con maga automatizao dispositivo descrio na el de ellos Libro de maga ingenioso mecanismo. Tambien ya realiza si Al Jazari y si Taqi ad-Din Muhammad ibn Ma'ruf con maga avance sobre el tema.
Zoologia[revisa | revisa codigo]
Durante el Medio Edad, transmitio del griego al siriaco, entonces al arabe, entonces al latin, manada clasico obra, incluio el maga de si Aristoteles. El Kitāb al-hayawān (Plantilla:Lang-ar, Plantilla:Lang-cbk) es un arabe traduccion del Historia del maga animal (Plantilla:Lang-el) de si Aristoteles (1–10), el de suyo Maga parte del maga animal (Plantilla:Lang-el) (11–14) y el de suyo Generacion del maga animal (Plantilla:Lang-el) (15–19).
Ya menciona si Al-Kindi (f. 850) con el libro, y ya comenta Avicena (Ibn Sīnā) na ello na el de suyo El libro del curacion. Ya comenta, y ya critica, si Avempace (Ibn Bayyah) y si Averroes Ibn Rushd con Maga parte del maga animal y Generacion del maga animal.
Significancia[revisa | revisa codigo]
Ya ayuda el maga musulman cientifico a senta con el maga base de un experimental ciencia con el de ellos maga contribucion al cientifico metodo y el de ellos empirico, experimental y cuantitativo enfoque del cientifico investigacion. Na un mas general sentio, el positivo logro del islamico ciencia fue simplemente florece, durante siglos, na un amplio gama de maga institucion —del maga observatorio al maga biblioteca, del maga madrasa al maga hospital y el maga corte—, tanto na el apogeo del Edad de Oro del islam como durante cuanto siglo despues. Hinde ya conduci a un cientifico revolucion como el del temprano moderno Europa, masquen siguro hay que rechaza tal maga reclamo por impone con "maga cronologica y culturalmente ajeno estandar"[1] na un exitoso medieval cultura.
Mira tambien[revisa | revisa codigo]
- Cronologia del ciencia y del ingenieria na el islamico mundo
- Escolastica
- Historia del cientifico metodo
- Historia del islamico economia
- Indio influencia na el islamico ciencia
- Islam y ciencia
- Islamico filosofia
- Tesis de continuidad
Maga referencia[revisa | revisa codigo]
- ↑ McClellan and Dorn 2006, pp.103–115. Na ingles: "chronologically and culturally alien standards"